الموضوع: >>> ماهي اعلى سرعه جبتها في الاكورد <<<

الله يعافيكم على ردودكم العطره والسرعه مافيها خير
ولاكن مايمنع اذا شفت الخط فاضي تمشي 160 كحد اقصى :o
اذا مانت مستعجل امش 100 اصرف لك ;)

والله ياشباب احدثكم عن نفسي

انا شخص عاقل والحمدلله اقصى سرعه جبتها بحياتي 160 بحالات معدوده

ماعرف مقاومات ومطارحات ومادري وش المسميات الثانيه

من الخرابيط حقتكم ذي < اتعب انا ههههههه

المهم وانا جاي امس على الطريق السريع حائل القصيم

الا جنبي كامري من موديل 98-2002 < ماعرف بالظبط اجهل بعضات الامور ههههه

< ماقلت لكم مادري عن شئ

المهم انه يدز لين يتعداني ثم يهدي

ويولع لي النور الداخلي ويكبس ومادري شيسوي قلت ياولد

اول معك كابرس 92 كحيان مايوصل 120 الا كني امشي مليون من الهواء

والصجه واللجه

خلني امغط الاكورد جديده ووتطربك

والمهم وانا ادز

و150 و160 و180 ياشباب قمت ارتعش

حسسسسسسسسسيت بنشوه لاتقارنها اي نشوه

حسسسيت بالأثاره وقمت اناقز وارتعش وانا بمحلي

اطالع وين الكامري الا جنبي

وادز واوصل 200 210

الا الكامري يدز ويتعداني ثم يهدي

قام يتلاعب فيني

:( العن ام القهر اول مره ويصير فيني كذا

لعنبو حيه كم يمشي موتره مليون

امشي 210 ويدز يتعداني ثم يهدي لين يواسيني

وانا اهدي بعدها وابلع العافيه واصير رجال عاقل مرتن ثانيه

الا وهو يولع النور الداخلي ويطفيه


يعننننننننننننننننننننننننني اني قدرتك انت واكوردك

وانا ارمقه بهكالنظره العاقله

السياره وسيله وليست غايه

وليس هذا سباق سيارات مير توكل على الله

وخلك بطريقك وانا بطريقي

وياحلو ال140 وجاي وبسسسسسسسسسسسسسسسسسسس

محدثكم العاقل ابوريــم

هههههههههههه مشاء الله عليك رجال عاقل ومبين
لوني منك سحبت عليه وقلت له توكل على الله
ع العموم يعطيك الف عافيه على مرورك الحلوو

اعلى سرعه جبتها 230 على خط القصيم

و تبت بعدها امشي طبلون ...

و قتها كانت راسيه برضووا


بدران

يعطيك الف عافيه ع مرورك لااله الاالله المقطع مخيف
واخطر شي وانت مسرع وسياج الحديد قدامك
والله تروح فيها حلوه افكارك لاكن من ياخذ بها في عين الاعتبار
تحياتي لكم

السرعه ما منها الا الحوادث وترويع خلق الله

استجابتا لطلبك

اعلا سرعه 260 جبتها بعد فك الفصله

لكن ما انصح اي احد يفك الفصله لانها بتسبب لك مشاكل في القير والمكينه والكمبيوتر انت في غنا عنها

مع العلم سيارتي 6 سلندر

الله يستر على شبابنا ويهديهم ويكفينا وياكم الحوادث والكوارث

آخر سرعة جبتها بأكوردتي الحبيبة 180 كلم

في طريق جدة مكة القديم ( الجديد )

وبعدها حسيت أني طاااااااير وضربات قلبي صارت

أسرع من سرعة الصوت وليس سرعة 180 كلم

عموماً أعتقد أن هذا الموضوع أصبح من مواضيع الماضي

لأنه الآن وبكل فخر وبعد نظام الأخ العزيز سارق ( ساهر )

أعتقد أنه يكفينا مكينة بقوة 50 سي سي وسرعة 80 كلم

بحد أقصى والله يستر على الجميع ويخليلنا فلوسنا

من عيون سااااارق

وهناك مثل أنجليزي جميييييل جداً يقول

( إذا كنت مستعجل فسر على مهل )

وساهر في خدمة الشعب

185 لتجاوز جيوب لكزس و شاسيات 2010
لشيبان أهل قطر اللي كانو مثبتين السرعة 180

خخخخخخخخخخخ


ولا حظ أنهم شيبان ... فما بالك بالشباب

تحياتي

أعلى سرعة كانت بأكوردتي 2003قير عادي كانت 220 وكنت دايم عالفصلة مسرع علطول أما الان بالليجند 245كنت أتسابق مع أفالون 2011 وهوه فصلت معه على 235بس الله يكفينا شر السرعة وزي ماذكروا الاخوان ووضحوا خطوطنا ما بتساعد أبدا

المشاركة الأصلية كتبت بواسطة 2010 accord

نوم + سرعة +جوع =خلطة دمار شامل<<الله يستر عليك بس لا تعاودها
اهديك هالمقطع
(youtube - sleep driver) لاحظ انو غفى لثواني.
اما بالنسبة لي انا كان عندي كابريس 2006 اس اس طبعا انا قمت عليه 160 بس حبيت اكملها واوصل 260 والله واجيبها وتكفشني دورية سرية و لا رضيت اوقف من يوم عديت كوبري الصالة ضرب علي كفر امامي جهة الراكب و هذي اخر مرة اشوف طبلون فوق الـ120 والنتيجة صفيحة فالجمجمة و 4 ضلوع مهشمة وشظايا فالحبل الشوكي واسياخ فرجولي الثنتين زراعة كبد وما طلعت من العناية الفائقة الا بعد 3 شهور و 14 عملية جراحية و سنة كاملة علاج طبيعي وهذا كله والدكتور يقول انت ربك ستر عليه هذي اخف الاضرار اللي ممكن تحصل على هذي السرعة وهذا غير ان امي كان كل يوم كابوس بالنسبة لها وابوي فحالة لا يعلمها الا الله وكمان مستقبلي راح كنت ادرس طب واضطريت اني اعيد الجامعة من اول ولله الحمد تجاوزت محنتي بعون من الله ثم امي وابوي الحين بعد 110 رجولي تنافض انا ما قلت كل هذا الكلام عشان اقول شوفوني صارلي حادث لا والف لا انا ذكرته عشان اشوف بعض الشباب الله يهديهم يتفاخرون بالسرعة وانا والله ان حياتي كان بتروح بسبب تهور ثواني .. شهوة لثواني..نفس ضعيفة لثواني.. آآآآآه ما اضعفك يا ابن ادم
اختم كلامي واقول (لا تسرع فالموت اسرع)

الحمدلله على سلاآمتك أولاآ وربنآ يستر علينآ وعليك ولاآ يوريك مكروه ,, وجزآك الله الف خير على نصيحتك , السرعة شينة في جميع الأمآكن بسس انا ما أسرع إلاآ في خط الجنوب لأنه كآن وقتهآ فآآآآآآآآآآآآآآآآآآآضي , ومو طول الخط وانا داعس 200 , يعني متفآوت الدعس

بالنسبه للاخوان الي ذكرو تجاربهم المؤلمه للعضه والعبره

احب اشارككم لانه صراحه كلام اخوي 2010 accord مؤثر واتوقع له تأثير في بعض اخواننا الي يسرعون

لانه ما احد يحس بالمصايب الا من جربها وارجو الله محد يمر بمصايب الحوادث ويدعي كل ماشاف حادث يارب لاتورينا مانكره

ويدعي كل ماركب سيارته بسم الله توكلت على الله وهو رب العرش العظيم اللهم احفظنا عن كل مكروه ولا تفجعنا في مصائب الدنيا واذكر الله وان شاء الله مايصيبك الا كل خير

الزبده تجربتي بدات في صباح يوم الاثنين الموافق يوم 12 من شهر اغسطس 2009 كانت بداية دراستي في جامعة الامام يعني اول اسبوع من الفصل الثاني في الساعه 8 ونص صباحا وتحديدا تحت كبر العليا اشارة لكسز

كنت انطلق بسرعة 210 بالاكورد الي في الصوره نفسها ومن التهور كنت اخيط او بالاحرى اساقط بين السيارات وبنفس الوقت اكلم وادخن وكل شوي اشرب حمضيات

الزبده فيه صبات على اليمين طبعا بالوضع الي انا فيه والسرعه الجنونية وكثرة السيارات جيت ابسقط يمين بعد ماتعديت سيارة نقل كانت في الوسط لفيت بقوه لكن مثل ماقلت الوضع الي انا فيه ما اسعفني لتدارك الموقف

صقعت بالصبه الي يسار من الكفر الخلفي يسار وراحت السياره على وجهها في الجدار الي كان يمين وكملت تحوص وعلى وجهها مره ثانيه في الجدار وصار الي صار طبعا فقدت رجلي اليسار بكسر مضاعف اجبرني بترك الدراسه سنه كامله وبكذا راحت على سنتين عاطل وعدة رضوض بالجمجمه والصدر واليدين

لكن بحمد الله ومنته كانت تجربه مؤلمه وفيده والحمد لله الي جات على كسر وامور خفيفه

وهذي صوره من قلب الحدث صورها اخوي في صناعية ام الحمام

وفي النهاية اتمنى الكل ياخذ الحذر والحيطه من السرعه لا يغرك اكورد وراسيه ولا الشارع فاضي ترا الدنيا مالها امان

وشكرا

الله يعطيك الف عافيه على ردوكم صراحه ماتشوفن شر ان شاء الله
جعلها محي للخطايا بأذن الله
وصراحه في بعض اناس تسرع وهو مهلك نفسه بنفسه
واذا جاه شي قال ياليتني وياليتني
اذا الخط فااااضي ممكن انك تمشي 160 اما تمشي 200 وطريق زحمه
مشكله هاذي والحين الساهر حد بشكل كبير من المسرعين وقلت الحوادث
وخاصتن المفحطين قلو بشكل كبير
الحمد لله ع كل شي تقبلو تحياتي لكم ابو رنيم

اذكر انا وعمي كنا رايحين من الرياض للحايل وكانت معنا لومينا 2002 المهم من اول ماحركنا وحنى نمشي 220 ومانزلناء عنه وذاك الوقت ستر علينا ربناء ولا رحنا فيها
تخيلو من الصاحي من يتحرك من بيته لبيت اهله يمشي 220
وانا باقي صغير هههههههه والحمد لله الحين ترك عمي السرعه اعلى سرعه جابها 150
هههههه تقبلو تحياتي مره اخرى

انا معي اكورد 2005 فديتها جايب فيها الطبلون 240 ونزل شوي ومره بين المنطقت بريده الى- الشماسيه
محد اتوقع يعرفها المسافه بين المحافظتين 30 كيلو جبتها في 3 دقايق ^^

الله يستر عليك اخوي اكورد 2005 انتبه لنفسك ترى السرعه مامنها خييير
وشكرا ع مرورك الجميل
تحياتي لكم

اعلى سرعة جبتها امس و انا مسافر من الرياض للجنوب
فصلت على 230 كم في الساعة
القير عادي (سياحي) 2007
وطرحت 2007 فل 4 سلندر و 2008 :p

مشكورين على مروركم العطر
تحياتي لكم

وعليكم السلام والرحمه

هذا فيديو يوضح الفرق بين سرعت 60 ميل و65 ميل يعني بالكيلو تقريبآ الفرق بين 120 و 130 كم

عشان ماحد يستهين بالسرعه

[ame=http://www.youtube.com/watch?v=pRG-4xvG7po]YouTube - &#x202b;الفرق بين السير بسرعة 60 و سرعة 65 عند حدوث حادث..wmv&#x202c;&lrm;[/ame]

انا أرى ان السرعه المناسبه للسفر 130 إلى 150كم يعني ماتمشي 120 وتتعب من السواقه خصوصآ اذا كان الخط طويل ولا تمشي 200 وتشمع بتريله أو يضرب عليك كفر والله يرحمك لكن خير الأمور أوسطها ..

انا طبقت ال 260 فصلت العداد حقها وكنت اتطارح كامري قير عادي 2010 وطرحتها بقوه بعد

بس ياليت محد يسالني كيف فصلت العداد ماابي اتحمل ذنوب ولا موت احد بسببي

215 ،، اخر سررعه جلست تفصل الين قـآلت بس ،،