فحص الصيانه طريق المدينه وفحص فرع الميناء
السلام عليكم
فحصت السياره في طريق المدينه وقت الفحص المجاني
وقالولي ماعندك إلا جلد إصلاح علبة الدركسون
ورحت فرع الميناء عشان أسوي الإصلاح
وسولي معاها فحص
وجيت أستلم السياره يوم السبت
قالولي صلحنا علبة الدركسون
بس كمان قالولي يبغالك كمر خلفي
ومقصات خلفيه يمين ويسار
ورمان خلفي يمين
ودنقل يمين
يعني صار إجمالي القطع
فوق سبعه ألاف ريال
بس ماسويتها وقلت بعدين راجعلكم
وش السالفه ياجماعه
الفحص الاول المجاني قالولي سليمه
والفحص الثاني قالولي الخرابات إللي فوق
وسيارتي انا محافظ عليها باأقل من مهلي
ياليتكم تفيدوني عن الوضع تكفوووون
هههههههه ولله يا أخي الفاضل شر البلية مايضحك
الوضع بشكل عام فوضة .... ثقتنا في الوكالة في تدهور
ومازالت الوكالة تلعب بالعملاء و الأبتكار في طرق التحايل
خذها من قاصرها وصلحها بره
أو جرب ترجع فرع طريق المدينة وسوي فحص وشوف وش يقولون
ممكن تطلع سليمة وممكن تطلع الخربات بزيادة
فوضى + لخبطة + نصب + سوء خدمة + أرتفاع الاسعار
=
وكالة هشومي
فعلاَ هذه الوكالة لا تستحق تمثيل شركة كشركة هوندا
محتاجين لكثييييير من التطوير خاصة بالصيانة واسعار الخدمات
حتى انا قالولي نفس المشكله بس ما سوييتها لسا
ياليت تقول وين سويتها وكم كلفتك
تحياتي
مزاجي اكورد
وعليكم السلام
انا رحت الفحص المجاني وصراحه اشوفه سيئ جدا الموظف فك الكبوت وقعد يتفرج كانه تلفزيون مدري اذا عيونهم تخترق الاشياء
سيارتي زمان فحصتها فمحل في المعارض بـ150 صراح المحل اعجبني فحصه بس في ناس يقولو انه مو قد كذا
المهم لو تفحص السياره برا افضل
انتم من جدكم متمسكين بالوكالة
ترى كلها ضحك ع الدقون والفحص المجاني هذا وراه هدف انهم يوسوسون بالواحد ويمكن يغير اشياء جديده مافيها الا العافية
والله كلهم سباكين مو ميكانكين :d
والي يقهرك زياده لمن يرفعو السياره لفوق تقووول وووواووو بس المشكله شكلهم يشمو ريحة الكفرات شمه شمتين ويقولو كويسه:(
انا سويت فحص لسيارتي وكان جمبي واحد معاه سياره زي سيارتي والله المهندس اهبلل يقولي كيف اشغل السياره
انا طلع لي تقرير كله فحص وماقالي عندك خراب نهائيا
والمشكلة جلسني المهندس على كرسي وجلس يستجوبني يقولي استاذ عبدالرحمن هاه قولي عندك ملاحظات ع السيارة؟؟ قلت له ملاحظاتي .. قالي طيب ولا يهمك << حسيته توهق
قلت له طيب الحين كيف اعرف وش الخربان بسيارتي ورقتكم كلها فحص فحص .! علمني وش المشاكل
قالي استاذ عبدالرحمن هذي سيارتك وعاد تعرف انت اخبر منا فيها !!!
قلت اها اجل كذااااااااااا سلام عليكم :d:d
والله توهقنا معاهم
نصدق إللي فحصوها مجاني بدون فلوس
أو نصدق إللي فحصوها بفلوس
الله يرحم الصيانه المجانيه :d
اقول لا تسوي شي خلها دامك محافظ على السياره
اجل 7000 الاف
ياحبيبي ريح دماغك وخلي الوكالة والفحص لهم
دام ان السيارة واثق منها ومنت ملاحظ عليها شي
خليهم يستريحو الهدف من الصيانة المجانية هيا سرقة بطريقة غير مباشرة
ومابيسوون صيانة مجانية لسواد عيوننا
والله لو هما يقولو ليا تعال مارحتلهم ولو وقت عليا
نصيحة الى كل مالك سيارة
شباب السيارة الحين ماشية 60 الف ويقولون لاازم تروح للوكالة عشان الفحص لأنه مههههم جدا
ودقيت عليهم وحددت موعد يوم الاحد بعد القادم وقالي لازم تترك السيارة يوم كامل ثم بندق عليك ونقولك وش الخرابات>> طبعا تكلفتها حول ال1500 ع ماسمعت
وش رايكم اروح ولا اسحب عليهم ؟؟
المشاركة الأصلية كتبت بواسطة احبك يالاكورد
روح لاتسحب الفحص مهم ومجبورين علي الوكالة للحفاظ علي الموتر
ضوابط المشاركة
رد مع اقتباس
مواقع النشر (المفضلة)