السلام عليكم
تحيه عطره يا اخوان لكم ولهالمنتدى الرائع :o
اخواني عندي اكورد 2009 4 سلندر سبيشل طبعا .. فجاه لمبه الايرباق وال ABS وال VSA ما عاد تطلع لي بالطبلون .. انا عطيت السياره شخص احتمال فصلها مدري ورجعها لي وسالته وقال ما يدري عموما اخذتها براسي وسكت وقلت توبه ما عاد اعطيه او اعطي غيره وشكله كان يفحط عليها :( (( الجماله هالايام تغبن ))
عموما مدري تحتاج برمجه او ممكن فصل شي ابي الحل يا اخوان فديتكم ولو كان فيه شي مكن اشيك عليه قبل اوديها لمحل وما يشخص المشكله مضبوط يا ليت تفيدوني فيها.. ولو ما حصل شي ممكن اشيوفه يا ليت تفيدوني بافضل محل لشغله البرمجه بشرق الرياض ودمتم بكل ود وتقدير
وعليكم السلام ورحمة الله وبركاته
عزيزي ممكن توضيح دقيق
هل تطلع اول ماتفتح السلف وبعد التشغيل تختفي ؟
او ماتطلع بتاتآ ؟
هل اذا ضغط زر الـ vsa ماتنور اللمبات في الطبلون ؟
جرب اول شي افصل البطارية ساعة او ساعتين او اكثر حول 7 ساعات علشان تعاد البرمجة بشكل بسيط وشوف وش يصير معك وعلمنا
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
المشاركة الأصلية كتبت بواسطة المباشر
ابجرب ان شاء الله اخوي الطريقه هذي ولي عوده باذن الله بعد التجربه
بس ماوضحت بخصوص اللمبات متى ماتطلع وانا افضل لو تصورها فيديو للطبلون قبل التشغيل وفتح السويتش الى نهاية التشغيل وتطرحه لنا
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
اخوي المباشر اسف على الاطاله بالرد لضروف
بختصر عليك عملت طريقه سحب البطاريه ولكن المشكله لم تحل
توني راجع من الصناعيه فحصت السياره كمبيوتر
وظهر لي ان المشاكل عديده منها abs اما انه خربان او ان الاسلاك او الظفيره الموصله له فيها خلل
المشكله الثانيه الا وهي ان لمبه القير d تنور وتطفي دايما سواء امشي بالسياره او واقف فيها او فاتح السويتش وقالي بعد ان القير مشكلته ممكن مرتبطه بهالظفيره لو صارت او فيها مشكله ثانيه :(
تركته وطلعت بعد ما شيب راسي من هرج الفني ارجوا الافاده بمشاكلي ودمتم جميعا يا اهل الخبره :(
ياخوي انتبه تلعب بالظفيرة
مشكلتك غريبة عجيبة
وديها الوكالة ع طول
و-إن شاء الله- تكون ع الضمان
وكمان -ان شاء الله- ما تكون إنت وديتها قبل كذا عند أي كهربائي ولعب ف السيارة
الوكاله بتكلف ولا عمري وديتها الوكاله شاريها مستخدمه وكانت معاي تماااااام الا من فتره بسيطه طلعت هالبلاوي :(
شاكر لك اخوي اغار على ردك
اخوي افحص عند الوكاله وشوف وش يطلع معك يمكن المشكله حساسات ولا شي بسيط ترا نص الورش ماعندك احد روح للوكاله افحص بس واذا طلع فيها شي لا سمح الله شوف تكلفة اصلاحها عند الوكاله اذا غاليه مرررررررررررره اسحب شيل القطع منهم وروح لورشه كويسه والله ييسر لك امرك وانا اخوك
وشيك على الفيوزات
روح لكهربائي ممتاز وخليه يشيك لك على الفيوزات يمكن فيها مشكله
نصيحة روح الوكالة طيب
حتى لو مستخدمه
ان شاء الله يقبلوها تصلح على الضمان
مشكورين حبايبي اكورد 2007 و اغار يا هوندا ولا يهون اخوي المباشر بعد انا ان شاء الله رايح بكره الوكاله وبشوف المشكله وربكم يسهل لكن متى تقريبا ينتهي دوام فرع خريص الللي بالرياض بالفتره المسائيه ؟؟
على فكره السياره ماشيه 96 الف مدري يقبلوها يا اغار ولا لا ..مع العلم ان دفتر التشييكات فاضي ما عمرها دخلت الصيانه بالوكاله ولا عمري وديتها من شريتها لورشه الا لفحص الكمبيوتر لكن حسبي الله على اللي كان السبب .. مشكورين حبايبي مره ثانيه ..
^^^^^
زين انها ماتعدت الـ 100،000 كم (ضمانها )
الدوام ينتهي ع الساعه 7 للفتره المسائية
وهذا رقم فرع خريص اذا حبيت تستفسر منهم ((014454646))
وان شاء الله الامور تكون بسيطه
الله يجزاك خير اخوي دحوووم
تسلم على مرورك واضافتك والله يسهل الامر من عنده
والله ياخوي دحوووم ولا يهونون الاخوان الباقين تعدت ضمانها الحين ووصلت 100 الف وعليها .. سافرت عليها ورحت وجيت والحمدلله امورها طيبه ولا رحت الوكاله بصراحه ولحد الآن هالمشكله مخوفتني مستقبلا :(
الاشياء اللي ما تظهر بالطبلون abs وال vsa ولمبه الجلنط ولمبه القير d تولع وتطفي لحد الآن و srs :(
الله يعينك نو لا يضرك فيها .... والله انا ما اتخيل اعطي سيارتي اي احد ... حتى يوم اني اوديها الوكالة اخاف كيف يسوقونها ...يا اخي ما يخاف على السيارة الا راعيها صدق و الله
غير البطاريه سمعت ان البطاريه او اصابع البطاريه اذا كان فيها خلل تسوي مثل كذا انا ماني خبير بالهوندا لكن جرب منت خسران شيئ وان شاء الله تنحل مشكلتك
الله يجزاك خير اخووي .. شاكر لمرورك
البطاريه تقريبا الان نص عمر تسلم اخوي جديد عالهوندا لمرورك وتعليقك
مشكلتك ياخوي اتوقع ان السياره تحتاج برمجه
لو تفحص في الوكاله ترى سعر الفحص 150 ريال
شوف وش الحساس الخربان او احتمال تحتاج اعاده برمجه
الله يعطيك العافيه اخوي ..ممكن كل احتمال وارد لكني مخلي سالفه الوكاله لبعدين شوي مكن تطلع المشكله اهون بكثير من صلخ الوكاله وتغييرهم لاشياء احيانا ما تحتاج تغيير
ترى الوكاله مو اجباري ان تغيير شوف وش يقولون عجبك سوي وادفع
ما عجبك اقل شيء عرفت المشكله :d
متابعين وش يصير معك ننتظر ان تحل مشكلتك بسلام وبارتياح
والله يوفقك
فيه عندك علبه فيوزات في الكبوت بس ماني متذكر موقعها ب الضبط
مره من اللقافه فصلت فيش في العلبه طلعت لى ذي اللمبات vsa وabs
تحصل الفيش ابيض اعتقد جهه اليسار
الله يعافيك اخوي على مرورك وتعليقك
شيكت على العلبه كل شي سليم اخووي
واضف الى ذلك ان اللمبات اللي ذكرتها ما تطلع عندي نهائيا في وضعيه فتح السويتش وكذلك لمبه الجلنط
ضوابط المشاركة
رد مع اقتباس
مواقع النشر (المفضلة)