رد مع اقتباسجيوشيلد
ركب وتوكل على الله
السلام عليكم :
ابي شوركم ياجماعة الخير .
أنا ناوي أضلل الموتر تبعي (أكورد 2007 ) .... الشمس صهرتنا :o:o
وناوي أضلل من شركه طيبه مثلكم ياشباب
لكن محتار بين ( قوشيلد ) و ( زيبارت ) و ( فيكول ) ,
مع العلم بأن أسعارهم كالتالي :
قوشيلد ( 1300) كامل السياره , والضمان مفتوووح
زيبارت ( 2350 ) كامل السياره , والضمان 5 سنوات
فيكول ( 1800 ) كامل السياره ( 01 ) , والضمان 5 سنوات .
الي عنده خبره ياجماعة الخير , يفيدنا , رحم الله والديه ...
جيوشيلد
ركب وتوكل على الله
فيه الفيلم الشفاف جونسون مره جيد اظن الضمان مفتوح
انا كنت مركبه قبل سنتين ب 1600 ريال والامامي 300 ريال لحاله المجموع 1900
المهم الراي الاول والاخير لك
حبيبي غير (في كول) و (جونسون) لا تفكر
الصراحة
انا وأخوي كلنا عندنا (أكوردات) ومركبين (في كول) صراحة دماااااااار وماشاء الله متحمل
أنا له معي تقريبآ 6 سنوات زي العسل
كمان عندك (جونسون) يجي لونه كذا قريب للأخضر تضليلهم مرة حلو
وأنصحك بـ (01) ولا تنسى القزاز الأمامي ترى مرة مهم , أركب سيارة أخوي عز الشمس وأحط يدي
على الطبلون ولا كأن فيه شمس -ماشاء الله-
أنا كان عندي وفكيته لأن جاء كاتم شوي وصرت أتقروش في الطرق , والقزاز مكسور الأمامي
راح أغيرهـ جديد -إن شاء الله- وبركب عليه تضليل
أكلمك بخصوص القزاز الأمامي لأنك مرة راح تحس بـ متعة القيادة فـ عز الشمس :d
geoshield جيوشيلد مخيس شغلهم لاتلميع ولا تظليل والله اني قشعتها كلها تفافيخ وحسافة المشوار لهم.
المشاركة الأصلية كتبت بواسطة راعي الهوندا 2008
.................................................. .......................
تسلم لي حبيبي :
لاكن هل (جونسون ) تختلف القيمه , لما تتغير درجة التضليل ؟؟
يعني :
لو حبيت أضلل الزجاج الأمامي (00) والجوانب (01) والزجاج الخلفي (03)
تتوقع قيمة التضليل تتغير ...:d:d
وياريت لو تعرف مكانه في الشرقيه , أكون لك من الشاكرين ..
آسف على الإطاله ..
مشكوووووور يالغلا ..
دام ( جونسون ) الكل يتكلم عنه بالخير, من بكره أنا رايح عنده
تعرف شمس الشرقيه مارتحمبتخلينا مثل الجلكسي الذايب , هع هع
بس ياريت لو تعرف مكانه بالشرقيه
كان رديت لهم , الضمان تبعهم مفتوووووووح ..
والله لو أنا ... كان أنشب لهم في الحلق , يغيرون لي التضليل يغيروه
طابت النفس منهم لابوهم لابو شغلهم. تخيل ابجلس امشور من بريده للرياض.
الشركه الوحيده التي تضمن وتعطي خدمات حقيقه مابعد البيع هي جيوشيلد
ومعاي كرت ضمان ورحت بعد سنه وغيروا لي على الضمان ومادفعت شي ابد
صراحه شركه قديره بالاحترام والتقدير
وبعد اعطوني شامبو وفوط تمسيح مجانا
والله اني مومصدق
انا اشوف جيوشيلد زينة و مميزة و اللي ما يركبها ما يحس بالعازل الحقيقي
اخي الكريم
شكرا لكلامك الحلو عن شركه معروفه بالمصداقيه والشفافيه
نحن لانسرق احد
انت معك كرت ضمان رسمي من الشركه ومختوم
سوال اذا انت فعلا صادق مركب عند شركة جيوشيلد
ليش لم تزورنا وتطالب بالصيانه حسب الضمان الممنوح لك
من الشركه حسب كرت الضمان
ثانيا الله يسلمك التلميع مايجي عليه ضمان ابدا .
وانما الذي يجي معه ضمان هو حمايه الطلاء
ويمكنك عمل الصيانه في فرع عنبزه بعد شهرين ان شاء الله
او زيارتنا في الرياض اي وقت
واذا انت صادق في كلامك اتصل بي شخصيا
ورقمي عندك وتحت امرك ولكن حسب الضمان الممنوح لك من الشركه
والله يسامجك على السب والاهانه .
اخيكم
فهد المزيني
الرياض
0555285000
يازين التضليل الكوري
ماعليش لنقض كلامك, لكن الحق ينقال ونحن نبحث عن الجودة ومصداقية العمل. لا مجرد كلام على الفاضي ودعايات لما العميل يأتي ويتفاجأ بالنتيجه. نحن في زمن متطور والاوراق مكشوفه. ماني ماسك خط والنتيجه رديئه وانا ماهمتني الفلوس اللي دفعتها واخر شي افكر فيه, انا ابحث عن جودة وهي جودة المنتج لكن العمل بها سيء للغاية. على كلٍ, هذه جميع الفواتير لاثبات ماقلت وايضا لو تبغى اصور زجاج سيارتي بعدما ازلت تضليلتكم ( قصدي فقاقعيكم ) وصور اثار البقع على المراتب الجلديه اللتي خلفتم ماعندي مانع. بالاضافه كان فيه اثر بالبدي فوق اطراف الصدام الخلفي بعد تغييره عند فرع هوندا خريص. وريتكم اياه وقلتوا بسسسسسسسسس بسيطه تروح ولاكنه صار شي ومازال الاثر موجود لغاية هذه اللحظه. وايضا اثر بياض بعد التلميع في كل انحاء السيارة تعبت انا و عامل المغسله بازالتها من كثرها واماكنها الصعبه بالاطراف. مع العلم اني جايب لكم السياره اول الصباح الساعه 9 وقلتوا لي تنتهي بنفس اليوم بالليل ورديت لكم باني سوف اترك السياره حتى يوم غد ولاتستعجلوا بالعمل فهل لديك عذر آخر. جميع المعلومات موجوة لم اطمسها على شان ماتقول تحريف.
يمدحون 3M وانا زرتهم هنا في بريده وشفت شغلهم وسوف اضلل السيارة من جديد.
التعديل الأخير تم بواسطة Serendipity ; 08-05-2011 الساعة 01:28 PM
انا والله مظلل سولارد جارد الجوانب 01 والخلفيه 02 والاماميه 00
وفوقه من برا مظلل الجوانب والخلفيه 01 نوعيه كوري ممتازهـ وقلت للشمس بـاي بـاي والتكييف يبرد بسرعه
اما عن الشركات كلهم في الهوا سوا من ناحية العزل عزل مقبول بعض الشيء لكن الاختلاف في التركيب والمصداقيه فقط وانا شوف ان السالفه ما تستاهل بصراحه تدفع مبلغ للتظليل ظلل كوري وفك عمرك تفكه وقت ما تبغ وتركبه وقت ماتبغ
ع فكره يا شباب عليكم بالحامي الي ينحط فوق الطبلون يكون من صوف ...
هدا يخلي المكيف يبرد اسرع ومايكون فيه ديك الحراره الي تطلع لك من الطبلون
تسلم لي يالحبيب ..
إنت قصدك بالتضليل الكوري ... التضليل الي عند أبو يمن ..؟؟
انا اللحين مضلل منه .. بس الشمس ماترحم
على العموم .. مشكور على المشاركه
طبعا ياجيوشيلد اكلت القطه لسانك. لاعمرك تكذب الناس وتقلل من مصداقيتهم إذا كنت ترى الناس بعين طبعك.
:d
لا تعليق !!
كوري وبس
يعيش ابو يمن يعيش يعيش
:d
حياك الله يا غالي
انا من الدمام من الشرقيه عملت حمايه عند جيوشيلد فرع الدمام و حصلت شغلهم روعه جدا
انا بعلمك اذا كان في خطاء في الشقل حقهم الخطاء مردود
كل انسان يخطئ و لكم ما دام الشركه بتتحمل مسؤلية خطأهم فانا بخالفك الراي اسمح لي
تقبل تحياتي
طيب اسمحلي,بالله تضرب مشوار وتدفع فلوس على خدمتين ما استفدت منهم وش تقول؟
انا تارك عندهم السيارة يومين مع انها تلميع وتظليل. وقايل لهم انا جاي من بريده ( طبعا يوم شفت دعايتهم هنا وتوهقت ) يعني انتبهوا للتظليل زين. بالاضافه, انا مطلع تاهو من وكالة الجميح فرع خريص وتوه جاي من Drive 7 والتظليل اروع مايمكن لافقاقيع ولاهم يحزنون حتى وقتنا الحالي مع اني شاريه بعد الهوندا وتوهقت ورحت لجيوشيلد.
لاكن هل (جونسون ) تختلف القيمه , لما تتغير درجة التضليل ؟؟
يعني :
لو حبيت أضلل الزجاج الأمامي (00) والجوانب (01) والزجاج الخلفي (03)
تتوقع قيمة التضليل تتغير ...
كلهم نفس السعر بـ1350 للأكورد الجديد ,~ :d
<< صرت خبره بالتظليل بعد مافريت كل المحلات :d
والله لو تبي نصيحتي روح لـ 3M والله ششغلهم تمآم ,~
وخدمتهم كويسسسه والله ..
والله يوفقك ~
التجارب رائعة
إن شاء الله الكل يفيد ويستفيد
انا محتار بين في كول وجونسون
شركة جيوشيلد انا مركب عندهم في مخرج 9
وشغلهم مررره مميز وخصوصا الاخ فهد المزيني
والله اخجلنا بكرمه وشفافيته
وبصراحة اذا كان عندك تجربة سيئة مع احد الفروع ليس من المنطقي ان تشمل كل فروع جيوشيلد
و الله يوفقك يا خوي و تقبل مروري
دائمآ أفضل
جونسون
وفي كول
فقط لا غير
ضوابط المشاركة
مواقع النشر (المفضلة)