الموضوع: أسأل مجرب ولا تسأل طبيب،،، ضرب عليك كفر!! أدخل واستفيد

و عليكم السلام ورحمة الله وبركااااته

انا بنسبه لي الحمد الله ما قد جربة ضربة الكفر الحمد الله

الموضووووع عن :

ولد خالتي الله يحفظه و يخليه

1 - السيارة قراند مركيز .
2 - 1998 مـ .
3 - الممشاء كان ما يقارب 140 الى 150 .
4 - لا لم يربط الحزام الامان ز
5 - ما يقااارب السنه و نص الى السنتين .
6 - الكفر الذي ظرب الايسر الامامي يعني لم جهة السواق .
7 - كان التركيز على الخط شوي مع الاهل وشوي مع الطريق .
8 - و الله انا بنسبه لي ما امدح ولد خالتي بس كان مبدع في القياده كان سائق كبيرررررر
بحيث اولا ما ضرب الكفر وهو ماشي ما يقارب 140 الى 150 ما حاول يلمس الفرامل بحيث
ما تزحف السياااره و تسبب الانقلاب او الاصتدام فترك السياااره تهدي من نفسها وهو ماسك الطاره
جيدا لان طارت المركيز معرووفه انها خفيفه مره وحاااول يتنحا بطريق الين هدت السياره و جنب الطريق

وبهاااذه الطريق انشاء الله ما راح احد يصيبه مكروووه من بعد الله .

9 - الحمد الله و ما كان فيها حادث .
10 - الحمد الله لا يوووجد .
11 - الرحله طبعن تمشيه من الرياض الى مكه الى الطاائف .

و هذا للاستفااااده

و الحمد الله كانت السفره من امتع السفراااات

الله يسلمكم شر الحوآدث يآرب ,, بالنسبة ليآ انا مآ ضرب علي الكفر لكن انشرخ وصوته كآن قوي ,,, ونستفيد من الشباب الله يحفظهم ..

الحمدلله ما قد انفجر علي .. والله يستر علي وعليكم ..
لكن السؤال اللي دايم محيرني .. لو فرضنا انفجر علي الكفر وانا مسرع .. وقدامي سيارات ..
مدري امسك فرامل ولا الف ولا وش اسوي :(:(
.
.
بس اهم شي في الموضوع .. بيـــــــــــــــــــشة فديتها :d:d

1-كابرس
2-2002
3-230 كم
4-لا مو رابطا
5-عمر الكفرات سنه
6-الامامي يمين
7-كيف كان تركيزه في السواقه (منتبه للخط ومصحصح ومركز
8- استخدمة القير في تهدات السياره من d الى d3 الى d2
9-ونهايه السالفه سلم وما كان فيه انقلاب و حادث
10-من الرياض الى جدة

المشاركة الأصلية كتبت بواسطة abooody riyadh

الحمدلله ما قد انفجر علي .. والله يستر علي وعليكم ..

لكن السؤال اللي دايم محيرني .. لو فرضنا انفجر علي الكفر وانا مسرع .. وقدامي سيارات ..
مدري امسك فرامل ولا الف ولا وش اسوي :(:(
.
.

بس اهم شي في الموضوع .. بيـــــــــــــــــــشة فديتها :d:d

لا تمسك فرامك رجع القير نمره

فديتكـ :d

طيب الله المستعان

الله يكفينا ويكفيكم ياشباب شر السيارات وإطاراتها

احس اغلب الي كتب انه له الاطار اكثر من سنة قديمة واتوقع ان العمر الإفتراضي لأي اطار ما يتجاوز
سنة وبالذات مع اجواء مثل اجواءنا وحطوط مثل خطوطنا

شكراً ،،،

أنا بالنسبة لي ما ضرب علي ولا كفر لكن اللي قدامي كان محمل أغراض في سيارته (ددسن:d)
و طاح من الصندوق ما أدري ويش لكن شي حديد :( و اللي حصل

1-هوندا أكورد
2-2005
3- السرعة 140
4- اي نعم رابط حزام الأمان لكن اللي جمبي مو رابطه :(
5-الكفرات ميشلان عمرها سنتين
6- ما ضرب علي ولا كفر
7- تركيزي مع خويي يعني ملتفت عليه و كنت متحمس في السالفة :d و فجأة أشوف الطريق ولا قدامي حديدة كبيييرة :p
8-ردة فعلي لفيت الطاره يمين و تزحف علي بعدين عدلتها و خذت لي نطلتين بعدين دخلت في الجلد
و وقفت السيارة طبعا كل ذا بدون بريك ( و أكيد ساعدنا الحظ كثير ولا رحنا في خرايطها :d)
9- الحمد لله ما صار حادث ولا شي
10- الخسائر انشلخ علي الصدام من جهة اليسار لأني ضربت الحديدة
11-من الهفوف إلى الصناعية (الصناعية عندنا تبعد 15 كيلو عن الهفوف)

و الحمد لله طلعنا سالمين

انا مرتين صارت معي
المرة الاولى
سوزوكي ليانا
ماشي 140
طبعا مو رابط الحزام
من جدة الى رابغ
ماعرفت انه الكفر بنشر الا لمن مشيت على عيون القطط حسيتها فيني انا تركت السيارة تهدي لحالها و دقيت فلشر والحمدلله بدلنها بالاستبنه ومرت على خير
المره الثانية
صني كانت إيجار
ماشي برضوه 140 هذا حدي
مو رابط الحزام
الخط السريع راجع البيت مع الشباب
هذا من جد فجعني لانه فجأة سمعت صوت انفجار كفر و ونه بس الحمدلله دائماً حاط في بالي ما ادعس فرامل بس خففت السرعه بالنمر و رحت على اليمين
طبعا كلها الكفر الخلفي مرة الأيسر و مره الأيمن
بس الاكورد الحمدلله عمرها ما خذلتني في الخط

1-نوع السيارع : صني
2-موديلها : 2005
3-كم كان ماشي : 190
4-رابط حزام الامان ولا لا :/ لا
5-عمر الكفرات الي مركبها : سنة ونص
6-اي كفر ضرب عليك : الخلفي يمين .

7-كيف كان تركيزه في السواقه (منتبه للخط ومصحصح ومركز او منسجم مع الي يسمعه): مو منتبة مرة
8-كيف كانت رده فعله الصراحه الكفر انفجر انفجار وليس بنشر .. يعني على هالسرعة السيارة ارتفعت شوي وبعدن ضربت بالارض مباشرة واختل توازنها بشكل فضيع .. السائق متمرس ولله الحمد .. كمل شيء بسيط بالبنزين وبعدها شال رجله وتركها حتى وصلت 70 وبدا يهديها شوي شوي بالفرامل ,.

9-ونهايه السالفه سلم وما كان فيه انقلاب و حادث او تعرض للانقلاب او لحادث /: الجنط انتهى بالاضافة للصدام الخلفي والرفرف وعلبة البنزين وسمكة الباب .. دون انقلاب او حوادث ولله الحمد ..
10-للي تعرضو للانقلاب ولحادث وش الاصابات و الخسائر .. لايوجد بفضل الله .
11-ورحلته من اي مدينه إلى اي مدينه /: من الرياض الى القصيم

اتمنى السلامة للجميع .. اياكم والسرعة ..

^^
إيه والله ربك الحآفظ .. مآفيهآ حظ ذي

عندي اضافة بسيطة ومستغرب منها الى الان ..

مرة عمي راجع من سوريا .. ضرب عليه الكفر الخلفي في دمشق وهو ماشي 150 تقريبا

الفاجع بالامر ان الكفر انسلخ ابوه والرجال لسى ماشي وما انتبه عليه الا يوم وصل درعا يعني مشى عليه اكثر من مية كيلو بهالحالة .. ويقولي لولا مانزلت البقالة والله مادريت عنه !!!

سيارته اكورد 2008 معقولة نظام الثبات فيها يخليك ماتحس لهالحد ! ولا الرجال مشيب ؟.:d

الحمد لله ما قد ضرب علي كفر ياربي لك الحمد وبالرغم ان كفرات الموتر لها سنتين بس الله يستر ويكفينا شر الحوادث والضربات

لا

الحمد لله انا ما قد انضرب على الكفر

والله يكفينا شر الحوادث

تحياتي

1-نوع السيارة التيما
2-موديلها 2008
3-كم كان ماشي 220
4-رابط حزام الامان ولا لا ( لا
5-عمر الكفرات الي مركبها 5 اشهر
6-اي كفر ضرب عليك الأمامي جهة السواق
7-كيف كان تركيزه في الخط ( كنت طربان خخخخ )
8-كيف كانت رده فعله التوتر قليلا
9-ونهايه السالفه سلم وما كان فيه انقلاب و حادث او تعرض للانقلاب او لحادث ( ما حدث انقلاب بس الجنط مع الرفر مع الصدام راحت نحمد الله على السلامه
10-للي تعرضو للانقلاب ولحادث وش الاصابات و الخسائر
11-ورحلته من اي مدينه إلى اي مدينه كانت من الرياض الى جدة

وعليكم السلام ورحمة الله وبركاته

1-نوع السياره


أكورد


2-موديلها

2008


3-كم كان ماشي

150 -160 كم

4-رابط حزام الامان ولا لا

لا

5-عمر الكفرات الي مركبها

سنتين ونص ميشلان

6-اي كفر ضرب عليك

الأمامي الأيسر

7-كيف كان تركيزه في السواقه (منتبه للخط ومصحصح ومركز او منسجم مع الي يسمعه)

منسجم مع الي أسمعه

8-كيف كانت رده فعلك

انا حسيت ان فيه شيء لأني لاحضت السياره تجنح يسار بس ماتوقعت انه الكفر لأن السالفه صارت بـ 10 ثواني
ماامداني افكر من الروعه ضربت فرامل خفيف بعدين تركته علطول مع اني كنت اعرف انه مايصلح تضرب فررامل


9-ونهايه السالفه سلم وما كان فيه انقلاب و حادث او تعرض للانقلاب او لحادث

والله السياره كان ودها تنحر الصبات بعد ماضرب لكن رحمة الله وسعت كل شيء والحمدلله على السلامه

10-للي تعرضو للانقلاب ولحادث وش الاصابات و الخسائر

لا ولله الحمد

11-ورحلته من اي مدينه إلى اي مدينه

من بريده لعنيزة


الله يعطيك العافيه على الموضوع ..

السلام عليكم
انا ضرب علي كفر مرتين وراح اذكرها هنا بس الحمد لله ربي سلم في كل الحالتين وذلك بحفظ من الله سبحانه وتعالى
المرة الاولى
-نوع السيار : جيب مقفص ( حق دوام المدرسة للبر أول سنه تعيين )
2-موديلها : 91 19
3-كم كان ماشي 160
4-رابط حزام الامان ولا لا : للاسف ماكنت رابط الحزام
5-عمر الكفرات الي مركبها : ممكن سنه بس كانت نصف عمر ومن نوع دانلوب
6-اي كفر ضرب عليك : الخلفي الايمن
7-كيف كان تركيزه في السواقه (منتبه للخط ومصحصح ومركز او منسجم مع الي يسمعه) وسط وكنت افكر بالاهل لاني كنت قريب ممكن باقي 65كم من أصل 500 كم
8-كيف كانت رده فعله الحمد لله بدون ارتباك
9-ونهايه السالفه سلم وما كان فيه انقلاب و حادث او تعرض للانقلاب او لحادث : طبعا الجيب مال للجهة اليمنى وكاد يخرج من المسار بس عدلته بالدركسون وشوية بنزين بعدين رفعت رجلي شوي عن البزين ومثبت الدركسون الين وصل 130 وبعدها استخدمت الغيار الرابع ثم الثالث ( وكلها فقط انزلت السرعة الى 80 ) وبعدها استخدمت الغيار الثاني والحمدلله وكأني وضعت المرساة حقت السفينه ووقف ولله الحمد
10-للي تعرضو للانقلاب ولحادث وش الاصابات و الخسائر
11-ورحلته من اي مدينه إلى اي مدينه من العلا الى تبوك

المرة الثانية
-نوع السيارة : هوندا أكورد
2-موديلها : 2003 قير عايدي
3-كم كان ماشي : تقريبا 170 كم /س
4-رابط حزام الامان ولا لا للاسف لم أربط الحزام
5-عمر الكفرات الي مركبها : سنه ونصف وكانت من نوع بريجستون وكانت نصف عمر بس السبب اهمال في تعبئة هواء الاطار
6-اي كفر ضرب عليك الامامي الايمن
7-كيف كان تركيزه في السواقه (منتبه للخط ومصحصح ومركز او منسجم مع الي يسمعه) مركز في الخط
8-كيف كانت رده فعله : الحمد لله بدون ارتباك والله ستر, طبعا الكفر انفجر وجنحت السيارة مباشر وبقوة جهه اليمين والحمد لله اني كنت ماسك خط التجاوز ولما جنحت رجعت خطي وبعد ها ثبت الدركسون جيدا وكان يهتز بقوه وجسم السيارة وتركت البنزين شوي لين خفت السرعة 140 واستخدم الغيار الرابع ثم الثالث وخفت السرعة الى 70 ثم استخدمت الغيار الثاني مع قليل من الفرامل عند الوصول الى سرعة 40
وكانت الاضرار الكفر متقطع والجنط انطعج وسلمنا الحمد لله
9-ونهايه السالفه سلم وما كان فيه انقلاب و حادث او تعرض للانقلاب او لحادث
10-للي تعرضو للانقلاب ولحادث وش الاصابات و الخسائر
11-ورحلته من اي مدينه إلى اي مدينه دوام لمدرسة العيينه يعني من تبوك الى العيينه تقريبا 80 كم

يا شباب ينفع تهدي السيآرة بمثبت السرعة في حآل ضرب الكفر ؟؟؟ ولاآ هو نفسو ضرب الفرآمل ؟؟ سؤآل غبي بسس اش اسوي ابغى أعرف :d

المشاركة الأصلية كتبت بواسطة Solidus 2010

يا شباب ينفع تهدي السيآرة بمثبت السرعة في حآل ضرب الكفر ؟؟؟ ولاآ هو نفسو ضرب الفرآمل ؟؟ سؤآل غبي بسس اش اسوي ابغى أعرف :d

سؤالك مهم جداا

و بالصراحة ما تطري على بال أحد

و ننتظر الشباب

فورد ماركيز 2003

السرعه :كنا نمشي 180 بس الحمدلله يوم هدينا الى 150 انصلخ الكفر الي على اليمين ورا

حالت السائق ما حس في اي شي بسياره الا انها امريكيه ومعروف رساوه مع مراتب مره روعه

والحمدلله مكان فيه انقلاب ولا شي



واي واحد يحب السرعه ترا مامنها فايده واذا انك ملزم ^^ لازم كل سفره تتاكد من الهوى واذا كان منسم راح ينصلخ بسرعه