مشكلت المكيف وعند السرعه 170 يزين

**اكوورد 2005** · 12-05-2011, 04:40 PM

السلام عليكم ورحمة الله وبركاته

كيف الحال يشباب انشالله بخير ,,محبيت اطول عليكم ادخل بالموضوع...!

كنت في سفره للاحساء دراستي وتعطل علي المكيف نهائي لا يبرد بعد اسبوع عند رجوعي الى الرياض وبطريق ماشي 170 الى 180 حسيت المكيف بدء يزين يعني بسرعه يصير 100%
اما اذا هديت من 140 الى 0 المكيف تعبان تنصحوني وش اسوي ..:(

**Accord_2005** · 12-05-2011, 04:55 PM

هلا فيك يالغالي

شيك على الفريون ممكن يحتاج لتعبئة

وسلامتك ،،،

**besoo** · 12-05-2011, 05:22 PM

خلك على الـ 170 ..!! :p

انا لآحظت حاجة لمـآ عبيت فريون صار المكيف اووك وعال العال ... بس نقص ماي الرديتر ما ادري ليييش .!! في نفس الوقت ورفعت حرآآرة السيارة بس رجعت عبيتهـآ ... وتعبئة الفريون تاخذ 150 ريال ...^^

**اكوورد 2005** · 12-05-2011, 07:52 PM

يعطيكم العافيه متقصرون خلني بروح اسال ابو يمن خل نشوف وش يقول

**D.H.o.O.o.M** · 14-05-2011, 02:42 PM

اتوقع والله اعلم ان المشكلة لها علاقه بالمروحه

روح شيكـ بس ما انصحكـ تروح عند يمني

عوافي

**خفيف روح** · 14-05-2011, 06:23 PM

اتوقع من سير حق المكينه مرتخي

**كلي نغم** · 14-05-2011, 07:56 PM

اتوقع من المروحه
او اديتر المكيف جاتله حصاه وانفقع وادء الي تسريب الفريون

**اكورد مودي** · 15-05-2011, 08:49 PM

عندك يا غالي الفريون ناقص أنا امس صارتلي البرودة خفة مرررره وماصار يبرد لكن لمن امشي على سرعات عالية يبرد
انصحك مدام الصيف جاي ضبط مكيفك
روح عند واحد ثقة خليه ينزل الفريون كله و خلي يحطلك زيت كمبروسر و يعبيلك فريون امريكي و شوف الفرق وهذا كله كلفني 140 ريال

**بلال العلمي** · 16-05-2011, 03:00 PM

كونها موديل 2005 اكيد نقص في الفريون

بس اتوقع ان الكمبروسور خف ضغطه بنسبة كبيرة

تاكد من الموضوع وشيك على الحالتين

**جاكي2** · 16-05-2011, 06:40 PM

ممكن الضغط ضعيف حق الكمبرسر ( السبب الفريون الصيني )
وما يبين الا بفك الكمبرسر و عمل اختبار ضغط
وصارت معاي ان المكيف فريونه كامل وبدون تهريب وكل شي تما م
ولكن لا يبرد الا عندما امسك خط وموشرط على سرعات عالية لا ...120 كافيه تخلي المكيف يبرد
ويبرد تبريد ممتاز وانت ماشي
بس وقف عند اشارة ويصير التبريد ما يسوى ريال وبمجرد انك ماشي من 60 وفوق يبدأ يبرد

الحل :
اشتريت كمبرسر مستخدم ضغطه ممتاز واختبرته بنفسي ب 400 ريال
اختبار الضغط ( سد فتحات الكمبرسر اللي تشبك في المواسير ولف بكرة الكمبرسر أكثر من مرة
اذا لا حظت ضغط كبير على اصبعك وممكن يفلت من قوة الضغط معناه ممتاز
اذا لم يحرك ساكنا هذا اللف للبكرة أو كان ضعيف معناه الكمبرسر ضغطه ضعيف ويحتاج تغيير

ملاحظة / لو حصلت كمبرسر من التشليح من غير الكلتش أو البكرات ما في مشكله أهم شي الضغط يكون ممتاز
وباقي القطع من كلتش وبكرات تركبها من كمبرسرك القديم على الجديد وراح يضبط معاه ( عن تجربة )