رد مع اقتباستخصله بالحراج 1000 ريال والوكيل 2500 ريال
سلف الاكورد 2005
السلام عليكم ورحمة الله وبركاته
اسعد الله اوقاتكم بكل خير ..
احد الاصدقاء عنده اكورد 2005 وخرب عليه السلف كامل ..
وحبيت استفسر كم سعر الجديد لدى الوكيل او احد الموزعين .؟
مع اني اعتقد انه غالي جداً ..
واذا فيه احد يقدر يوفره لي من تشاليح الرياض او غيرها يفيدني بالسعر وياخذ سعيه مع حبة شكر .
ويعطيكم العافية ..
تخصله بالحراج 1000 ريال والوكيل 2500 ريال
اي حراج اخوي؟؟المشاركة الأصلية كتبت بواسطة هوندا 444
انا لفيت تشاليح بريدة واحد واحد ومالقيت ابدا
تشاليح الرياض بالهبل...
انا خرب علي ووديته ورشة وصلحه هـو بـ 1000 مع شغل اليد والتركيب وكل شي ...
طيب فيه احد يقدر يأمنه لي من الرياض ؟؟
أنا اشتريت سلف من وكالة عبد الله هاشم بجدة قبل يومين بـ 3159 ريال بعد الخصم ( 15 % )
بصراحة الهوندا سيارة ممتازة لكن قطع غيارها فوق هام السحب
كم موديل سيارتك؟
طيب احد عنده خبر كم سعر فحمات السلف ؟
..
....
اعتذر عن التأخير
الموديل : 2005 - 4 سلندر
السلام عليكم ورحمة الله وبركاته
طيب وش الحل في السلف بالنسبة لي انا اجلس اطق فيه بحديدة العفريتة 10 مرات بعدين اشغل ويشتغل بس مو كل مرة ابجلس اطقطق فيه قدام الناس ...هذا حل موءقت ...بس السوءال هل البطارية لها شغل في السلف لاني مركب 40 امبير
ارجوا الرد بسرعة لاني ماراح اغيره لين اقراءردودكم
لاهمية الموضوع ولان شركة بن هاشم قطع غيارة نار اليكم موضوع اصلاح السلف اقتبسته من موقع مكشات وشكراً لصاحب الموضوع وجزاة الله خير
طريقة اصلاح السلف وتغيير النحاسيات ----> من (حرب) ابوالتوليف
السلام عليكم ورحمة الله وبركاتة
ان شاء الله جميع المكشاتيين بخير
احييكم كلن بسمة
موضوعي اليوم يتكلم عن السلف وطريقة اصلاحة
كثير منا اذا خرب عليه السلف ذهب ليشتري سلف جديد
بقيمة 600 ريال تزيد او تنقص
والبعض الاخر يذهب الى التشليح ليشتري سلف
بقيمة 250 ريال تزيد او تنقص
لكن نصيحة من ابو التوليف قم بأصلاحة قبل ان تتكبد الخسائر
لان 80% من خربات السلف هي من النحاسيات
وطبعا قيمة النحاسيات 25 ريال او اكثر بقليل
وفي هذا الصدد فموضوعنا اليوم يتكلم عن طريقة تغيير النحاسيات داخل السلف
بسم الله نبدأ
طبعا هذا السلف المراد تغيير النحاسيات التي بداخله
وهذي صورة اخرى لسلف
اولا نبدأ بفك المسامير الموضحة في الصورة ادناه
وهذي الصورة بعد فك المسامير و رفع الغطاء
ومن ثم نقوم بسحب القطعة المأشر عليها بسهم بصورة ادناه
وهذي الصورة بعد استخراج القطعة تتبين لنا النحاسيات كما في الصورة
بعد هذا نبدأ بفك الصامولة اللي ماسكه النحاسيات كما مأشر بسهم ادناه
وكمان الصامولة اللتي من الجهة الاخرى كما في الصورة
وبعد فك الصواميل استخرجنا النحاسيات
ويلاحظ في الصورة ادناه اثار تلف النحاسيات
وهذي الصورة بعد استخراج النحاسيات
وهذي الصورة بعد تركيب النحاسيات الجديدة
(طبعا انا لم استبدلها لاني اريد انزل موضوع يستفيد منه الجميع)
وفي هذي الصورة نضع القطعة في مكانها كما في الصورة ادناه
وهذي الصورة بعد وضع القطعة
وهذي الصورة بعد تركيب الغطاء وشده بأحكام
وفي النهاية
ارجو اني قد اوصلة المعلومة بالشكل الصحيح
وأي استفسار انا حاضر
على حسب علمي السلف مايخرب كامل يعني كل مكوناته فحمات ودقمه والجرم الخارجي وتروس
الجرم الخارجي والتروس ماتخرب بسهولة وماتعتبر قطعه استهلاكية
القطعتين الي تخرب فيهم الفحمات بدرجه اولى وبعدها الدقمه ممكن تحتاج الى تغيير
الفحمات على خبري 140 ريال يمكن تزيد شوي...الدقمه مدري كم سعرها بالضبط بس اتوقع غاليه شوي
خرب علي السلف مرتين ... اول مره تغيير فحمات وضبط الوضع لمدة سنتين وبعدها خرب مره ثانيه
وماعاد يشتغل حتى لو طقيته بشاكوش...رحت لورشتين قالوا تغيير كامل...رحت لواحد ثالث ابن حلال
غير الفحمات ونظف السلف والحين شغال من سنه او اكثررر..
خلاصة الكلام روح لاكثر من ورشه لان اكثرهم مايعرف غير سياسة غير جديد..
على قولت الاخ متصفح السلف حق الهوندا ما يخرب انا مغير فحمات وبعد سنتتين راح اغير كمان فحمات السلف ما يخرب غير الفحمات قيمتها 170 وشغل يد على حسب 100 وفوق
بس ا لسلف ما يخرب انا شايفه ما فيه قطع غيرا ابد كله قطع واحد تجي في الفحمات وبس يعني كانك اخذت جديد 170
وخلك من نصب الورش 1000 كلهم وياخر القديم ويغيرله فحمات وباعه عليك وانت مدلخ
ممكن سؤال
الدقمة اقدر اشتريها لحالها من غير السلف كامل
حسب اتصالي بالوكالة (( مكة - الكعكية ))
قبل أسبوعين
نعم تباع الدقمة لوحدها إن أردت
وأشياء ثانية أيضاً صفائح على ما أظن
طبعاً سيارتي إتش آر في 2004
والحكم ينطبق على الأكورد
السلام عليكم ورحمة الله وبركاتة
بالنسبة للي سيارتة مرة تشتغل ومره ماتشتغل وتحتاج حديده لضرب السلف ثم تشتغل حسب كلام مكانيكي سعودي خبير يقول لي هذا الدقمه مليانه تراب يابس ولما تضرب الدقمه يتفتت التراب ويعطي مجال لفحمات السلف تعمل توصيل للكهرب وبالتالي يشتغل السلف ويدق
والله اعلم
نصيحة
غير أول شي فحمات سلف وسعرهـا حاليآ 220 ريال وبعدين شوف تضبط معك والا لا؟
وأنا خرب علي مرتين وصلحته بنفس هـ السعر
والحين بدأ يطلع معي الصوت على خفيف
وهو لمن تشغل السيارة لما تتركها طافية لمدة تزيد عن 4 ساعات
يطلع لك صوت زي هيك (تك تك ) مثل الاحتكاك
ولو ما صلحته بدري راح يتطور معي الوضع حتى ما عاد تشتغل السيارة لا سمح الله
ضوابط المشاركة
مواقع النشر (المفضلة)