الموضوع: مساعدة يااخوان في الهوندا

المشاركة الأصلية كتبت بواسطة taiai 11

السلام عليكم ورحمة الله وبركاته

اخواني
الحمد لله اشتريت هوندا اكورد 2011 سبشل
وارغب في بعض التحسينات عليها مثل
1 ) الكشافات الامامية
تقدر تركب من الوكاله بـ1500 واضمن وتقدر تركب تجاري بـ300 اتوقع
2 ) الخلفية بي ام دبليو بس اللمبات ماتشتغل الي بالشنطة ابي اشبكها
اتوقع تشبك لها اسلاك بس انا ركبت ليدات شرايح وشبكت اللي بالنص
3 ) اللوحات ابي اطلع لوحات طويله بس مدري من وين وكيف
اللوحه تروح للصراف وتسددهم 100 ريال حقت اعاده اصدار لوحه وتروح لهم معك استماره السياره والتامين وتعبي فورم عندهم وترجع تستلمها بعد اسبوعين
4 ) اي لمسه فنيه على الهوندا لا استغني عن مشورتكم وياليت الي عنده شي يفيد يعلمني اسم المحل وياريت بالرياض .
لمســه فنيه يمكن ماتحتاج محل :d لا تحاول تخرب شكل الاكورد بالاشياء التافهه
ركب جناح - زنون - تضليل نياكل عالمسكات وبس يعني هذي اللي مسويها انا ماعدا الجناح


شكرا لكم مقدما

الله يـعطيك خـيرها ويكفيك شرها ان شاء الله

ماقصر معك اخونا mo7al عن استفسارك
ونفس الشي اللي بقولة لك بس اضافه بسيطة لاتنسى لمبات اللوحة حقات اللكزس تركبها تطلع

ومبروك عليك الموتر ويعطيك خيرها ويكفيك شرها اااامين

بالنسبة للكشافات عندي الفاصل وكالة ان كان لك رغبة فيه ..

الله يعطيك خيرها ويكفيك شرها
انا اقولك لمسات حلوة بس في الرياض مااعرف
ركب أسطبات ليد مكحلة يعني لونها اسود ... كشافات زنون ... وخلفية بي ام دبليو تشتريها أذا ماخاب ظني أن الخلفية اللي في الوكالة مافيها لمبات شاشة واذا ركبتها راح تستغني عن الدرجين الي تحت المسجل نياكل على البيبان تكون فيها لصقة تركبها وماتخاف عليها غير اللي تجي لي حالها وتحط عليها سليكون وفصل أستكر هوندا اكورد لون رصاصي ولمبات لكزس تحصلها في وكالة تيوتا 209 ريال والتركيب سهل
ملاحظة أذا ركبت اي شي تأكد انهم يردونها زي اول
لان أنا ركبت الكشافات والمسمير الكبس اللي في الصدام ماركبها ومادريد عنها الا وانا مسافر
والاخوان راح يفيدونك

اشكر كل من مر علئ موضوعي كل الشكر


ولاكن يااخوان انا ماني عارف وين احصل الكشافات والشغلات الثانية الي بالسيارة اذا احد منكم يعرف مكان محدد بالرياض ياليت يدلني علية غير شارع الغرابي لانهم يقولوا ماوصلنا شي للهوندا 2011 .

والله طفشت وان ادور حتئ العليان ماعندو شي

آخوي آلآكسسوآرآت لموديل 2008 و2009 و2010 هي نفسهآ لموديل 2011
وتركب عليهآ زي الكشآفآت والجنآح وخلفية البي آم وزي كذآ