ابي اركب انوار زينون ... رايكم يااصحاب الهنادي
شباب سيارتي 2011 فل بدون شاشه وابي اركب انوار زينون ولا عندي خلفيه عنها وياليت احد منكم يعطيني خلفيه ووش النوع الافضل والسعر وهل اذا ركبتها يخل بضمان الوكالة وابي محل مجرب وشغلهم 100% حتى لو كان غالي بس يكون الشغل مرتب ... وشكرا:o
والله شوف فيه زينون عند الاخ كلاسيك ديزاين ماشاء الله تبارك الله ابداع
تقدر تتواصل معاه وهو يعلمك .. بالنسبة للتركيب حدد موقعك
انا عن نفسي مركب زينون vxr وماشاء الله تبارك الله جاي ادب
لكن اذا كنت بتركب انصحك ركب كتاوت
وبالنسبة لضمان الوكاله كل الشباب مركبين وانا اولهم والحمدلله ماحصل شيء
يعطيك العافية اخوي غاب القمر وانا بالرياض وانا اخوك
اخوي ex-2011 بصراحه خوفتني من الزينون دام يسبب خربات في كهرباء السياره فهذه مشكله وشكلي بصرف النظر عنه .. وشكراً
اخوي خالد
يخرب الكهرب اذا اللي ركبه لك ما يفهم
لكن الحمدلله لي اكثر من 10 سنوات و انا اركب و افك ،، بدون اي مشاكل
يعني اذا فكرت و قررت خذ في بالك هالحاجتين
اشتر نوعية ممتازة + التركيب يكون عند واحد فناااااان و فاهم في الشغلة
و الشباب ان شاء الله ما راح يقصرون و يدلونك على احد مضمون شغله
المقصد مو تخويف المقصد انه يصير عندك معلومة قبل لا تركب.
تحياتي
هلآ آخوي
آذآ بتركب زنون عآيدي ركب ولآ تخآف آلآكثر مركبه
بس آنت دور آلشي آلي يستآهل
روح للغرآبي محل آسمه آلبركه قله جآيك من طرف رآئد
وآن شآء آلله يرآعيك
بتلقى آنوآع وآشكآل آلزنون
اخوي لا تخاف كل اللي اعرفهم مركبين الزينون ولا ضرهم
انت ركب واحد زين بسعر حلو 300 ريال وفوق وركب كتاوت عشان تضمن بس
ولا تركب الخايس ابو 100 او 150
وبالتوفيق لك
والله انا من رأئي انك مآ تركب لأن بصرآحه عميتونا يآ أصحآب الزونون
يآخي اكتفي بنور السياره وبعدين سيارتك جديده ما شاء الله ونورها مو ناقصه شي
هلا فيك اخوي
اذا انت من سكان الرياض
رح للغرابي وفيه محل اسمه التمران فيه انوار زنون ب 450 وراح يشغل لك عده الوان منها لون اللكزس ولون النيلي والازرق
ومايحتاج في الطريق ونعم النور
وشكرا
شوف أخوي بالنسبة للزنون بقولك حاجتين :-
1- أنا مركب الزنون من 4 سنين تقريبا صيني و الحين من سنة تقريبا أصلي و الحمد لله ما واجهت أي مشكلة بالكهرباء
أهم شي تركب كتاوت مع الزنون و خلاص هي تحمي كهرباء السيارة من كل شيء
2- كم تدفع على الزنون ؟!
إذا تبي زنون أصلي و تدفع مرة وحدة و تريح راسك بيطلع عليك بـ 1500 ريال و يعيش معك إن شاء الله فترة طويلة ،، أعرف واحد شخصيا مركب زنون أصلي ( محولات + لمبات ) و الحين لها 5 سنين على سيارته و بنفس القوة و الآداء
إذا حدك 400-500 ريال ،، روح لأي محل زينة وخذلك اي زنون لأنها كلها صناعتها صينية وماتفرق عن بعض
* لو عندك رغبة بزنون الأفالون الأصلي ( متوفر عندي طقم جديد ) بـ 1500 ريال( شامل المحولات و اللمبات )
المحولات دينسو يابانية
اللمبات فليبس ألمانية
و أنا ترا مارديت إلا علشان أنصحك مب تجارة أو شي ،، ولو حاب اعطيك الزنون و تركبه ولو طلع يختلف عن زنون الأفالون ترجعه وتاخذ حقك كامل ;)
تحياتي لك
.
.
.
.
.
.
.
شباب ركبت زينون في الغرابي وقلت له ركب لي كتاوت
قالي مايحتاج الزينون مافيه تجريح اسلآك
وانا ركبت زينون صيني وبعدهآ كم شهر خرب على اسلآك الظفيره :(
وبعدهآ فكيت الزينون والحين ودي اركب لآني بركب لمبات لكزس(لوحــــــــــــــــــــــــــــــــــــــــــ ـــــــــــــــــــــــــــــه)
وش رايكم اركب مره ثانيه زينون بس متخوف منه ! :(
الفزعه ياشباب :d
والله يابن الحلال انا مركب زنون وانا موتري مومعروف زي الاكورد والسيفيك انا موتري جاز
فلاتخاف ماراح يجيك شي الا بامر الله
انا مركبه بصناعية العروبه بمحل اسمه ماكس ون عند واحد اسمه عربي
واذا مو موجود تلاقيه خويه مدري وشسمه بس لماتشوفه تقول هذا سوداني لكنه يمني انا مركب عالي وواطي بشمعه وحده ب650ريال وعليه ضمان سنه اسم الشركه فيليبس وماشاءالله لاضرر ولا ضرار فاذا ودك تركب توكل على الله وركب
ضوابط المشاركة
رد مع اقتباس
مواقع النشر (المفضلة)