الموضوع: الجنوط الصينيه ومخاوفها ,,!! تجربتكم شباب

وعليكم السلام ورحمة الله وبركاته
اول شيء تنبيه بسيط انشا الله تكتب كذا ان شاء الله

بالنسبه للجنوط هي وحده من الاشياء الي خطر تجرب و تركب شيء موب مضمون وتخاطر خصوصا انك راعي خطوط وسرعه وشوارعنا ماشاء الله اللهم لا حسد بين كل حفره وحفره 4 حفر
انا نصيحتي ركب شيء مضمون ويتحمل والا لا تركب

والله يا اخوي الجنوط ابداً ما تصلح لشوارعنا , الحفر اتعور جنوط الوكاله , فـ مابالك الصيني وغيره
ترى مو بس يخرب الجتوط , يخرب جير السياره واشياء كثيره انت بغنى عنها , خلك على الوكاله افضل لك ^^

خذ جنوط من الوكالة وارد دبي 1700 ريال بدون كفرات احسن واضمن لانك حق اخطوط
تقبل مروري .

يقولك اسأل مجرب ولاتسأل طبيب
انا مركب جنوط صينية من طلعت السيارة من الوكالة يعني 2006 الي يومك الحمدللة ماشتكيت منهم يعني تجربة 5 سنوات بس هذا بالنسبة للجنط العادي ابو 16 اذا بتركب 17 مادري هل فية اضرار على السيارة او لا اما ال18 انا انصحك لاتركب لأني ركبت جنوط اصلية موصينية بعد وتعبتني ثقيلة على الاربع سلندر ووممكن تخرب عليك مجمع السكان والخيار لك

مشكورين شباب على الرد السريع وترا الجنوط الصينيه تختلف فيه 3 انواع

والي يقول خذلك جنوط حقات دبي تراها نفس الصيني دفعه الاولا وانا ابي اخليها وسوسه

اخوي
S c O r P i O n

فيه نواع واجد وفيه دفعات اولا وثانيه وثالثه انت اي وحده فيهم وهل الجنوط سعوديه ولا صينيه

والله مادري اي درجة :d شلون اعرف يعني مسجل رقم ورى الجنط
اذا فية معلومات على الجنط اشوفها لك
بس انا شريت الجنط شكل الـ2006 وبنفس السنة يعني اعتقد دفعة اولى الجنط روعة من ناحية وزن لاهو خفيف ولاهو ثقيل ممتاز وماشتكي منة ابد وولاعمرة انطعج او انكسر علي وكم مرة ينسلخ الكفر على سرعات عالية والحمدللة مايجية شي ومرتين مشيت علية مسافة والكفر منسلخ والحمدللة من احسن مايمكن
لاتفكر واجد

اخووووووي خذها وتوكل بس حاسب عليها عند الحفر

اما بالنسبه للخطوط ما ايد انك تمسكبها خط بالصيني خلي عندك حق الوكاله وقت الخط حط حق الوكاله ووسط المدينه بالصيني

حتى ولو تركب 18 بس حاول تخلي سمك الكفر مايقل عن 30 او 35 عشان لو اخذت حفره بالغلط يكون نسبة الضربه الاكثر على الكفر

والله يوفقك

الجنوط اللكروم الصينية تتحمل وخفيفة على السيارة وماعليها ضرر وعلى مسئوولي انا مجرب من اول ... لاكن انتبه من الحفر والمطبات << يعني عل الاستخدام

اي والله ياشباب ياليت تفدونا اكثر عن الجنوط لان انا حاب اخذلي جنوط واي مقاس يصلح للأكورد 17 ولا 18

انا مركب جنوط صينية من الغرابي 950 لها أكثر من خمس سنوات ولا قالت أح وسافرت عليها وماشي عليها أكثر من 150.000 وتمام التمام يعني ركب ونت مرتاح

هذي تجربتي مدري عن الزملاء كيف الوضع