الحل المناسب تطلع السيارة البيت

**هاااوي الاكورد** · 14-06-2011, 04:24 PM

السلام عليكم كيفكم شباب
ما فهمتو شي من العنوان صح :p

البارح الساعه 6 الصباح جا اخوي الصغير صحاني وقالي الجيران يقلون سيارات اخوك انصدمة
انا طبعآ صحيت ومو مصدق

سياراتي انصدمة

المهم نزلت لقيت سيارات اجرة يبي يوقف لزبون بسرعه وجا راعي جمس من وراه واصدمة وهو دخل في سيارات الاهل كيا وسيارات الاهل ازحفت وصدمت موتري :(
طبعأ كانت امنيتي افقع وجها الين يعض الارض يعني حتى وانا نايم لحقتني المصايب :(
اخليكم مع الصور

http://store1.up-00.com/Jun11/6yU56849.jpg

http://store1.up-00.com/Jun11/gMy56992.jpg

http://store1.up-00.com/Jun11/dYA57143.jpg

المهم قالولي شيك مع التامين ورحت للتامين قالولي قدر السياراه في الصناعيه

ثلتله انا سياراتي 2010 وتتصلح في الوكاله
قال نضام التامين القطع وكاله والتصليح برا
المهم رحت الصناعيه قدرولي شغل اليد 1800 والقطع 2700 المجموع 4500 المهم رحت الوكاله قالولي التكلفا 7600:(
طبعآ انا ما صرت اعرف وش اسوي اوديها الوكاله ولا اصلحها برا
قلت للوكاله انا اجيب الرفرف من التشليح لان سعره في الوكاله 2996 ريال
قال الموظف سياسة الوكاله ترفض لازم القطاع تكون من الوكاله :(
وش رايكم يا شباب وش السوات
انتضر اراكم

**uks3man** · 14-06-2011, 04:40 PM

يا ليل التكاسي

الله يقلعهم من وجه الارض نص الحوادث منهم

والله يعينك على تصليحها

**ماجد .** · 14-06-2011, 04:49 PM

الله يعوض عليك :(
صح شغل الوكالة ممتاز في السمكره والرش بس مره غالي لو تعرف ورشه ممتازه ويزبط اللون اللولي ويعطيك ضمان انه اللون مايفرق سويها عنده

**أكـورد 2009** · 14-06-2011, 04:50 PM

قال نضام التأمين القطع وكاله والتصليح خارج الوكالة ..

إللي فهمته من كلامك إن القطع وكالة وبيدفع قيمتهـأإ التأمين طيب حاول تزيد على مبلغ التصليح وصلحهـأإ في الوكالة

**alkasr777** · 14-06-2011, 05:12 PM

اخوي روح خذ تسعيره القطع من الوكاله مو من محلات قطع الغيار

لأن المحلات يعطونك خصم 10 بالميه تقريبا ;) و ودها للتأمين

و إذا بتصلحها في الوكاله لازم تدفع من جيبك :(

و الصدام ما تأثر يعني غير الرفرف في الوكاله و الصدام أي ورشه ضامن بويتها رح لها و قلهم يصبغونه لك

و الصدام ما رده بينحك عااادي يا رجال :d يعني بتصبغه ثااانيه :p

و ما تشوف شر ان شاء الله و يا ما كلنا حوادث و يا رجال انت مو أول واحد و أخر واحد تاكلها حادث

مع ان قهر السياره موقفه و بحالها والله تكسر الخاطر و بعد كنت نايم خخخخخخ :d

و الله يكفينا شر الحوادث

**عصير بنادول** · 14-06-2011, 05:15 PM

انا لله وانا اليه لراجعون

الله يعوض عليك

انا اتفق مع الأخ (أكورد 2009 ) وصلحها من الوكالة
اضمن لك شغل

وان شاء الله تكون خيره

**هاااوي الاكورد** · 14-06-2011, 05:39 PM

يا اخوان الي يقول طلع سعر التصليح من سعر القطاع التقدير بعد المضاربه سجلولي الرفرف ورفضو يسجلو الصدام والبطانه الداخليه
انا حسبتها تقريبا بزود 2200 من جيبي واصلحها بلوكاله
والله يعوض علي خير
واشكرا الجميع على التعليق

**alkasr777** · 14-06-2011, 05:46 PM

أجل ما لك إلا تلميع للصدام و تلقيط و ما يحتاج تصبغه

يعني الرفرف غيره في الوكاله

و معوض خير ان شاء الله

**meshoo** · 14-06-2011, 06:02 PM

وعليكم السلام

ياعزيزي لما تروح تقدر من الورش اطلب منهم صبغ الصدام بعد لانك ماتحتاج تغيره

**هاااوي الاكورد** · 14-06-2011, 07:03 PM

هم احسبوه رش بس الوكاله تقول لازم تغيار

**Solidus 2010** · 14-06-2011, 08:09 PM

الله يعوضك خير :(

**بلال العلمي** · 14-06-2011, 08:25 PM

يتصلح بدون تبديل للرفرف الخلفي

قدرها في التقديرات مرة ثانية وخلهم يعطونك سعر افضل المفروض يقدرون لك سعر افضل

**besoo** · 14-06-2011, 10:27 PM

غريب امركـ ...!!

انا من حكة اطلع من اووم التأمين وانا اشرب شاهي 1000 1500 ..!!!

الصدام عندي انكسر كسرة خفيفة والاسطب شوي انكسر طلعت 2450 .!! وانت رفرف وصدام ..!! بس ذا .!! حرآآآمـ واللهي .!! تصدق اخوي انا رايح تركيـآ الصناعية سمكرة رفرف خلفي القطعة الصغيرة الى بين الكفر والباب توقع بكم سعروهـآ ...!!

1400 ..!! وانا معي حادث في الباب ... 950رش الباب ..!!
وقطع غيـآر باب + زيق من الوكـآلة عشان بدون الخصم هم بعدين بيخصمو اذا رحت لهمـ بـ 2070 ... 2100 ..!!
المجموع كـآمل حدود 4500 ... 5000 ...!!
عشان طعجة في الباب والرفرف ... صدمتكـ تستـآهل الـ 7 المفروووض ... >>
الله يعوضكـ يـآ رب .. ورآ ما تنكسر الاسطب وتفلق الجنط وترف السيارة وتشيل لك حاجتين من تحت وودهـآ للتأمين ..!! :p

**The Golden Accord** · 14-06-2011, 11:32 PM

معوض خير يالغالي

وصراحه قلبت المواجع علي هههه

ياما طلعت عند البيت ولقيت سياراتنا مصدومه

وان شاءالله اخر الحوادث

وحاول تنشب للتامين لان السياره 2010 والي اعرفه في نظام التامين اذا عدا على موديل السياره 3 سنوات
تتصلح برا الوكاله

**هاااوي الاكورد** · 14-06-2011, 11:43 PM

^^^ طيب يا المواجع ههههههههه
كلامك صح مفروض تتصلح في الوكاله بس اذا كنت انا الي متسبب في الحادث يعني الغلط علي 100% عشان تامين السياره شامل
لاكن انا طرف ثالث يعني المطالبه كاني انا مطالب الرجال مو التامين وفي الحاله هذي التامين يشملني القطع من الوكاله والشغل برا

**ĂςĉǿЯĎ** · 15-06-2011, 01:07 AM

سلامات والله وماتشوف شر والحمدلله انها في الحديد ومو فيك ..

والله شوف ياغالي لو انت من جده كان دليتك على ورشه يصحولك السياره فيها ويرجعولك هيا وكااااااااله ..

والله لمن تروح عندهم ابصم لك بالعشره انك ماراح تطب الشركه مره ثانيه !

انا صارلي نفسك مشكلتك .. بس بالصدام ! راح فيها هو والرفرف والشمعه اليسار .. طبعا الشمعه شريتها من الوكاله لانها انكسرت ..

المهم ياسيدي رحت التأمين وقالولي تدفع 2000 ريال لانك تحت 21 سنه وكلام فاضي وغير كذا التأمين قلبهم كبير يعني السياره تتكي عندهم اقل شي 15 يوم ..

بس ولد خالتي دلني على ورشه وقعدت السياره 3 او 5 ايام السياره ولا كأنها جاها شي ماشاء الله ..

وكلفتني الشغله 3500 صدام و رفرف مع الرش وكلو .. اما شغلتك اتوقع ماراح تتعدى الـ 1500 ريال !

يعني انا نصيحتي شفلك ورشه ممتازه ويسووها لك وقلت لك لو من جده ابشر بعزك بدلك على الورشه وانت احكم وتقدر تسأل الناس الي يروحون عنده كيف شغله ! لانه مره ماعليه كلام ..

**احبك يالاكورد** · 15-06-2011, 03:23 AM

سلامات جعلها اخر الحوادث والاحزان يارب

**فتى مكه** · 15-06-2011, 03:45 AM

:(الله يعوضك خير انشالله

>>>قمط وراح يعدل موقف سيارته

**هاااوي الاكورد** · 15-06-2011, 11:30 AM

^^^^ ههههههه انتبه لا يجيك راعي البقاله ويصدمك
ابشركم دخلت السيارة الوكاله ومابدايان تكلفات السيارة 6700
طبعا لازم يقولولك والله حصلنا مدري وش

و مكسور

عموما الله يعوض علي :d
قول لن يصيبنا الى ما كتب الله لنى حمدالله على كل حال
واشكرا كل الاخوان صراحه جد انا فخور اني مشترك في منتدى مثل هذا المنتدى
الجميع ما قصرو بنصيحا والجميع واساني :( << ليش الاخ ميت من عندا احد :p
يعطيكم الف الف عافيه