الموضوع: استفسار عن صوت في 2011 أكورد

غريبة هالشئ اول مرة اسمعه يمكن الشباب بيفيدونكـ

المشاركة الأصلية كتبت بواسطة أبو هياء

السلام عليكم،،

أبشركم شريت لي أكورد 2011 سبشل لؤلؤي والحمد لله السيارة تمااااام،، اللهم إلا أشياء ملاحظها على السيارة وما ادري إذا كانت طبيعية وإلا فيها مشكلة
بين فترة وفترة يطلع صوت أتوقع إنه من جهة الدريكسون (يسار الدريكسون تحت تقريباً) كذا صوته "" كليك "" ثم يرجع مره ثانية "كليك".. سألت الصيانة عنها في فحص ال 1000 قالوا لي تعال لنا الصبح علشان تلقى المهندس ويفحص السيارة ويتأكد من الصوت هذا،، قلت قبل ما أروح لهم خلني أسأل الشباب هنا لعل أحد يساعدني ويريحني من مشورة لهم في هالشموس:d
هلابك اخوي هذا الصوت طلع عندي اول ماطلعت السياره من الوكاله وراجعت الوكاله بخصوص الصوت وتم الكشف وطلع المشكله من الركب الله لايوفقهم سياره جديده وركب خربانه بس انشب لهم يغيرونها على الضمان واى خدمه انا حاضر


الشيء الثاني إنه لما أحط المكيف على الوجه والرجلين دفع الهواء يكون على الرجلين أقوى فهل هو طبيعي أم صناعي :d

شي عادي

الشي الثالث
وش التظليل الزين قالوا لي (في كول) ظلل من عنده وأنت مغمض وش رايكم؟؟
أقول قولي هذا واستغفر الله لي ولكم ولجميع المسلمين وعطوني الجواب السديد:d

انصحك في 3m

الصــوت غـريب مع ان عنـدي 2011 ولا صـآر هـآلشي

اللي كـآن عندي ان جيت ارص عالفرامل يطلع صوت اسفل السياره (طقطقه ) وانزعجت منها وقلت يمكن وسوسه وبالاخيـر ماعاد سمعت شــي راح الصوت

اتوقع هذا الصوت طبيعي لانه يطلع لي دائما كل فترة بس ما دام فيها شي اسحب عليها واللي يقول لك الركبة يمكن يقصد شي ثاني

المشاركة الأصلية كتبت بواسطة King

يااخي غريبه هذه موديلات الأكورد 10-11 انواع المشاكل فيها لكن موب كلهم بنسبه قليله يعني انت وحظك!.

عموما ً انت في كل من الاحوال راح تراجع الوكالة عشان يشوفون وش المشكلة, ومثل ماوضح لك العضو "م ل ك" انشب لهم ولا تخليهم ولا تستلم السيارة إلا والمشكلة انحلت..

إذا عندك ملاحظات ثانية على السيارة فرصتك تقولها لهم لأن كل ماتأخرت راح تصير اصعب وإذا مامشيت على جدول الصيانة راح يلغي الضمان حسب التنبيه الموجود بالوكالة..

ماشاء الله عليك ياأبو هناء مسجل من عام 2006 و 4 مشاركات!. :d

واللي سـآحب عالصيـآنه مـرتيـن :d

مشكورين على الردود،، بس واحد من الشباب قال لي يمكن صوت المكيف،، والصوت كأنه شي يشبك ثم يفصل حتى وأنا ماشي في طريق عادي بدون مطبات

المشاركة الأصلية كتبت بواسطة King

ماشاء الله عليك ياأبو هناء مسجل من عام 2006 و 4 مشاركات!. :d

توفير ما أبغى رصيدي يخلص:d:d

المشاركة الأصلية كتبت بواسطة gamer

اتوقع هذا الصوت طبيعي لانه يطلع لي دائما كل فترة بس ما دام فيها شي اسحب عليها واللي يقول لك الركبة يمكن يقصد شي ثاني

كيف شي ثاني انا مغيرها عند الوكاله على الضمان قالولي من الركب جلدها تعبانه

مشكورين على الردود..

أنا وديتها للوكالة وجرب العامل سواقتها وما طلع الصوت،، فقال لي ما فيها مشكلة وان طلع معك الصوت جبها على فحص الـ 5000 كلم نشيك عليها..

طيب وإن كانت المشكلة فعلاً من الركبة فهل يضر السيارة لو خليتها الفترة هذي مع العلم بأني ناوي أسافر عليها وأخاف تبلشني :(

الله من الوسوسة في بعض الخلق ... يرجال موتر جديد امش عليه وسافر

ولا عندك اي مشكلة انا استغرب بعض الناس كل ماسمع صوت قام يوسوس ويروح الوكاله ...

ويسجل بالمنتدى وينزل موضوع ومدري ايش ؟

توكل على الله

اتوقع الصوت طبيعي مثل ما قالوا لك من المكيف

مشكورين يا شباب