الموضوع: تركيب كشافات اكورد 2012

اذا بتركب تجارية مافي تجريح ولا خرابيط انا معي 2005 ومركب كشافات 2007 .. وزي الحلآوة

انت اذا اخذ الكشاف راح يجي معاه 3 اسلآكـ

السلك الاول يوصل بين الكشآفين وفيه حاجة تشبه الفيش كذا ...
ويجيك سلك ثاني تشبكه في السلك الاول وتوصله بالبطـآرية ...
والثالث عشان زر التشغيل ...^^

يعني الدعوة كلهـآ تشبيك في البطارية وهو سلك صغييييير ... بدون تجريح ولآ شي ...^^

بس شوف لك محل نظيف يركبهـآ لآ يلعب بحسبه الفيوزآت .. لأنه بعد ما يخلص شغل الاسلآك بيوصلهـآ في الفيوز عشان تشتغل وتنطفي حتى لو نست تطيفهـآ تنطفي لحالهـآ زي انوار الوكـآلة ...^^

توكل على الله وشوف لك محل نظييف ..^^

انا باركب بدون فاصل بااشبكها مع السكن ويقولون لازم يجرحون سلكين او سلك

مع السكن ما أنصحك لأن بتخرب عليك الكهرباء بعدين لأن السكن ما بيتحمل (الكشافات يجي معاها زر التشغيل وضفيره يعني ما يحتاج تشبكه مع السكن ولا تاخد الكشافات بدون الزر حق التشغيل والضفيره لأن هو يجي مع الكشافات بس المحلات تشيله ويبيعه لحاله وإلا يقول لك ما عندي زي ما صار لي ورجعت له بعد كم شهر ومع الشبقه عطاني وياهم)

يالغلا لا تجريح ولا غيره وعليك ياطويل العمر بالعليان انا مركب عندهم شغل فلبيني فاهم ونظيف انا ركبتها عندهم ب (150) ريال فقط وتاخذ منك الشغله تقريبا اربعين دقيقه بالكثير بس اشتر كليبسات من قطع الغيار حقت هوندا. ... ولا تروح ليمني والا سوري يلعب عليك يقول تجريح وتقطيع يلعب في ام الظفيرة عندك. . اكورد اسلاكها ممذه وجاهزه من المصنع واتكلم عن موديل 2008 وفوق
الاشياء المطلوبه منك :
1- كلبسات من عند قطع هوندا تجاري الحبه بريال وعند الواله الحبه بسبعه تقريبا تحتاج 14 حبه تقريبا
2- عصا الانوار الي فيها تشغيل الكبوس قيمتها بعد الخصم 320 ريال من الوكاله
3- كبوس تجاريه تلقاها عند قطع غيار هوندا 150 ريال طبعا انا افضل انك تشتري طقم كبوس يجيك كامل قيمته تقريبا 1300 من الوكاله وتركبه عند العليان
4- تروح للعليان الي على خريص بعد وكاله هوندا تجيك وانت متجه شرق

زي ما قالو الشباب تجي ظفيرة كـآملة ويجي معاهـآ زر تشغيل بروحهـآ ... ما يحتاج تشبكهـآ في السكن ..!!! وتنطفي بروحهـآ لما تطفي السيارة ...

نصيحه لك موترك 2012 حرام تحوس فيه وتركب التجاري

ركب من الوكالة الكشافات مع فاصل الانوار حتى لو القيمة وصلت 1500

بس شغل نظيف

الغالي للغالي :d
نصيحة
ركب كشافات الوكالة احسلك من التجاري
اذكر ايام الاكورد 2007 مركب كشافات الوكالة
لدرجة اني اسافر فيها والنور طافي

ان كان تبي الفاصل حق الوكالة موجود عندي جديد وبسعر يعجبك ان شاء الله

اخوي خلك من التجاري وركب الاصلي من وكاله تراه في فرق من بينهم

التجاري نوره ضعيف جداً

اما الاصلي حق الوكاله مااشاء الله نووره قوي جداً

وانا سيارتي 2007 ومركب اصلي وماشاء الله نوره قوي جداً لدرجه اني ما اشغل النور بس الكشافات شغاله

وركبتها بنفسي بدون تجريح اسلاك ولا هم يحزنون

الاسلاك تكون موجوده الي عليك تفك الصدام وتركبها والاسلاك تكون موجوده

ركبت كشافات من الغرابي بدون تجر يح اسلاك ركبها باليد وصل اسلاك الكشافات مع البطارية وفيوز السكن والله يعطيكم العافيه وجزاكم الله خير ماقصرتم

تبغا النصيحه لا تركب لانو ممكن يحصل للظفيره شي لاسمح الله او التماس لاني اعرف واحد من خوياني معا اكورد 2011 ستاندر ركب الكشفات والله يبعد عنكم السوء ولعت السياره وذحين
معا اكورد 2011 فل اوبشن والله يعطيك خيرها ويكفيك شرها

المشاركة الأصلية كتبت بواسطة دنيآ الغرور

ان كان تبي الفاصل حق الوكالة موجود عندي جديد وبسعر يعجبك ان شاء الله

أخوي لو كان جديد وماهو مستخدم

بلغني علن سعره بالخاص

ياخي ركبها من الكاله وكبر راسك سياره جديده حرام تلعب فيها انا مركبها من الوكاله طالعه زي العسل