رد مع اقتباسالعضيب احسن مليون مره
لاكن الوكاله على الضمان بلاش افضل
صباح الخير
صباح الخير
لو سمحتم
سيارتي أكورد 2010
اول ما طلعت السايرة كان فيها رجة
رحت الوكالة وارسلوني لميشلان وفحصوا الكفر بعدين عطوني تقرير يقولون لازم الكفرات كلها تتغير لأن فيها مشكلة من سوء التخزين
رجعت الوكالة عطيتهم التقرير قالوا خلاص
راح نتصل عليك و بنغيرها على الضمان ( تعامل راقي)
أسبوع أسبوعين شهر شهرين وأنا اتصل وأحيانا أروح ويقولون المستودع ما فيه كفرات
شهرين ثلاثة أربعة شهور رحت للوكالة قالوا خلاص الأسبوع الجاي
بعد مرور خمسة شهور اتصلت عليهم وقلت خلاص ما أبي كفرات
عطوني قيمة الكفرات واروح أغيرها في أي مكان
قالوا تعال ألحين ونغيرها
المهم رحت وما قصروا غيروها على الضمان ( تعامل راقي)
الحمدلله مشت الأمور تمام
بس قبل أسبوعين حسيت السيارة فيها رجة
الظاهر ترصيص
عاد رحت الوكالة اليوم عشان فحص 25000
وكلمتهم عن المشكلة قالوا خذ موعد
سألتهم إذا جيت الساعة 7 الصباح متى استلم السيارة
قالوا الظهر
أما ترصيص إلى الظهر !!
المهم يا الربع
لو رحت رصصت في ميزان العضيب أحسن أو لا ؟
ياليت تفيدوني
لكم جزيل الشكر
ووافر الاحترام
العضيب احسن مليون مره
لاكن الوكاله على الضمان بلاش افضل
المشاركة الأصلية كتبت بواسطة القايله
يعطيك العافية
مشكور ما قصرت
يا الربع وينكم ؟
فيه استفسار ثاني
أيضا فيه رجة إذا كنت مسرع ومسكت فرامل
يعني إذا بدت سرعة السيارة تتناقص تظهر الرجة
وبعدين فيه صوت صرير للكفرات على أدنى مسكة بريك
ما أدري وش المشكلة ؟
مشكلتك الأولى ترصيص وانا افضل تروح لمركز الطيار معروف إذا انت بالرياض تعرف مكانه!, إضافة ان العضيب اسم فقط كثير ناس تشتكي منهم..
إذا تبي ترصص سوي ترصيص ليزر افضل لك وتسارع لامحدود!, بعكس الارضي يقولك إلى 120كم/ساعة.
قيمة الترصيص الليزر بـ 35 ريال للكفر الواحد يعني 4×35=140 ريال وريح بالك
مشكلتك الثانية شيك على الفحمات والهوبات وانشب للوكالة إذا طلعت لك اي مشكلة بالفحمات او الكليبرات اعتقد انه عيب مصنعي..
:(
المشكلة الاولى حلها الترصيص
المشكلة الثانيه 90% من الكليبرات و تغيرها ع الضمان
ود الموتر الوكالة و وخلهم يغيرون الكليبرات ع الضمان و مره وحدة الترصيص
[quote=مواصل;530339]يا الربع وينكم ؟
فيه استفسار ثاني
أيضا فيه رجة إذا كنت مسرع ومسكت فرامل
يعني إذا بدت سرعة السيارة تتناقص تظهر الرجة
وبعدين فيه صوت صرير للكفرات على أدنى مسكة بريك
ما أدري وش المشكلة ؟
بنسبه لرجه مع الفرامل طبيعي تحتاج فحمات وخرط هوبات ولاكن لاتخرط غير فحمات فقط
الصرير اكيد ان سيارتك فل كامل وتحس اذا حطيت رجلك على الفرامل انك تمشي مليون
المشكله من نوع الكفر اذا انعدم غيره ويروح الصرير
king
ياليت تعطينآ وصف للمركز الي تقول عنه :d
فيه واحد على طريق الميه شرق الرياض..
وفيه واحد عند مخرج 14 (الربوة) مقابل العثيم..
وفيه واحد على شارع خالد بن الوليد (إنكاس سابقا ً) قبل طريق الملك عبدالله تحصله على يدك اليسار..
:(
والله يالغالي الرجه ترصيص وعلى فكرهـ
فيه شغله اكتشفتها قبل يومين لمن غيرت كفراتي الاماميهـ
اول كنت اشوف زي حباب الترصيص راكبه من داخل الجنط زي هاذي
غير الترصيص الي يركب بالشفهـ
فشيك عليها
بيض الله وجهك
لك جزيل الشكر
يا خوي الوكالة
يومهم بسنة
آخر مرة رحت يوم الأحد الماضي
قلت لهم: اذا المشكلة ترصيص وجيتكم 7 الصبح متى أستلم السيارة؟
قالوا: الساعة 1 الظهر
اجل اذا المشكلة فحمات وخرط هوبات .............. يمكن أسبوع
بس شكلي بروح لهم الشكوى لله
يعطيك العافية
مشكور ما قصرت
والله يالغالي الرجه ترصيص وعلى فكرهـ
فيه شغله اكتشفتها قبل يومين لمن غيرت كفراتي الاماميهـ
اول كنت اشوف زي حباب الترصيص راكبه من داخل الجنط زي هاذي
غير الترصيص الي يركب بالشفهـ
فشيك عليها
هذا ترصيص الليزر, ويعتبر افضل شيء بالسوق سعره ممتاز مقارنة بأداء السيارة وقت المشي..
اذكر يوم سويت ترصيص عن مركز الطيار من ضمن الفاتورة يجي خلفها ضمان لشغلهم ماادري كم المده لكن احسن من إلي يرصص ولا يعطيك ضمان!.
وللعلم ترى مااسوي دعاية ولا شي بس شغلهم صراحه نظيف وعمالهم محترمين.. :d
:(
يعطيك العآفيه
ضوابط المشاركة
مواقع النشر (المفضلة)