الموضوع: مشكلتي اليوم مع الوكالة

الله يلعنهم من وكاله
صراحه قمه بالسفاله و الحرمنه
اخوي انا نفس حالتك صارتلي مواقف كثيره مع ورشة الوكاله
انت اهم شي لا تسكت عن حقك و بعدين حاول تعرف شنو المشكله بالضبط اللي بالمكينه عشان نساعدك

ما هي المشكلة في الماكينة ، و كم قالوا لك تكلفة الاصلاح ؟

نظاميا من شركه الام ماتشترط عليك الصيانه الدوريه اذا ماكنت ملتزم يروح الضمان !!

عشان كذا بعطيك حلول ناجحه بأذن الله بس ابيك تسويها ..

الامر الاول .. تعطي مقالك لجريده سبق والوئام تدخل على موقعهم وتقولهم المشكله ان رفضو واني دقيت على حمايه المستهلك ومانفعوني وهذا رقمهم حق حمايه المستهلك 8001241616

لامر الثاني واهو الانجح بأذن الله المضمون .. تدخل على موقع الام شركه هوندا في اليابان وتاخذ رقمهم او اميلهم وتدق عليهم طبعا انجليزي تكون .. وتعطيكم رقم السياره الهيكل واسمك الرباعي ورقم جوالك وتوضح لهم ان الوكيل رفض يستقبل السياره على الضمان على 60 الف ورغم الضمان الى 100 الف .. هل هذا تعامل شركه هوندا مع عملائها لان اذا كان هذا تعاملها سوف انشر الخبر في الصحف .. وسوف ابيع سيارتي اذا ماعالجتو المشكله في الايام القريبه .. في انتضار ردكم ..


وانا متاكد باذن الله خلال 3 ايام بيدقون عليك ابو هشومه بيقولون لك هات سيارتك نصلحها ويعطونك سياره بديله بعد هههه بس انت اذكر في الرساله ابي سياره بديله

ارسلي على الخاص وش ااخر التطورات ولا اطرحه هنا عشان الشباب يستفيدون

بالتوفيق حبيبي

كيفك يااقلبي
انا دخلت سيارتي الوكاله لنفس المشكله تقريبا صوت عند بدايه التشغيل
بس كانت علي 150 الف
وقالوا لو ماعدت 100 الف كان صلحناها علي الضمان
والمشكله هي
الاكتيوتر
وهي قطعه صغيره داخل المكينه وليس لها ضرر علي المكينه اطلاقا
عند تبديلها
وخرابها نادر جدا
قيمه الاصلاح
اكتيوتر 524 ريال تقريبا
اجور اصلاح 750 ريال طبعا بعد الخصم
انا استفدت من عرض الفحص المجاني
وسوولي خصم كويس واعلي من خصم الفحص
بنسبه 2٪ زياده علي خصم الفحص
وطلع الحساب 1066 ريال
مضاف اليها 230 ريال حق المعجون اللي يقفل المكينه
والامور الحين تمااااام
لها يمكن 4 شهور
وما في صوت الحمد لله
مع بدايه التشغيل

عاشق هوندا v6

والله مالي نية اسكت اذا لي حق
والمشكلة بالضبط مثل ماقال اخوي جاكي2

Cruiser

التكلفة اللي قال عليها مقاربة للتلكفة اللي
ذكرها جاكي2 مع فرق بسيط لأنه استفاد من الخصم

فتى سدير

انا العصر بروح لهم .. وباطلع لمديرهم وان شاء الله نلقى حل
يرضيني ويرضيهم مع انهم مايرضون الا بالدراهم

ــــــ في الأخير
بالنظر للتكلفة .. لا أراها كبيرة جداً .. وغيري لا يكاد يذكرها
وبالمقابل أيضاً فهي قاصمة للظهر لدى من ليس لديه مايكفي
وباختلاف الأحوال المادية لدى الناس .. تختلف شدة المعاناة .
والوكالة لا تعرف ولا تفرق بين هذا وذاك .. وليس بينك وبينهم
الا دفتر الصيانة .. مع ان بعض العيوب مصنعية وتعترف بها هوندا
وفي بعض الوكالات ببعض المناطق تصلح مجاناً كعيب مصنعي .
او بأي طريقة ملتوية .. وفي بعض الوكالات لا تصلح ابداً مهما كان

ما السبب ياترى ..
هل كل ادارة اقليمية او فرعية لها سياسة مختلفة عن سياسة هوندا الأم ؟؟

اقدر لكم تعاونكم وردودكم اللي بصراحة نحرج امامها من مصداقيتها اللي تخرج من القلب
ربي يرعاكم ويوفقكم .. و يبارك لكم بحلالكم ولا يريكم مكروه ابد بحياتكم ...... الله معاكم