الموضوع: عيب ماكتشفته الا بعد ماشريت الاكورد :(

والله يابعد قلبي انت تفائل بالخير وثاني حاجة انا سيارتي هوندا اكورد موديل 2004 وماغيرت الطرمبة الا قبل يمكن سنة يعني خدمت معاي حتى الحين فوق 7 سنوات عشان كذا لاتتسرع بالحكم وحاول تشيك على زيت الباور مع تغير الزيت وما عليها شر :o

تدرون ليش تخرب طرمبة الدركسون ... وهو السبب الوحيد والرئيسي والوحيد ؟؟؟؟؟

هو إنك لما تغيير الزيت عند محلات تغيير الزيت ( المشاحم ) ... يجي أبو يمن ويزيد لك علبة الـــدركــســون من الزيـــت المعروف ( الأحمر ) وهو ما يناسب طرمبة الأكورد أبداً .... لكن إذا عبيتها من زيت الوكالة الخاص بطرمبة الدركسون فقط فما راح يصير شيء أبد .

وبعدين شل من قاموس كلماتك ( الخراب والأعطال ) وإلا ما راح تشتري أي سيارة أبد ... وعلى فكرة السيارات الجدد إلا ما رحم الله كلها أعطال مصنعية في المحركات ووسائل السلامة ( الله يكفين الشر ) يعني شغلت الطرمبة مقدور عليها ... والله يجعلها أكبر شيء .

غير زيت البور كل 80 الف وماتخرب عليك ان شاء الله بالاضافة لنصائح الاعضاء

من يوم شريت السياره سويت اصلاح مره وحده فقط والى الان ماشيه الامور

يعطيكم ألف عافية ماقصرتوا لكن مافهمت وش زيت الباور ؟

زيت الباور هو زيت الدركسون

يتم زيادته بين فتره و فتره يعني تقريبا كل شهرين يكون ناقص شووووي

و هذا طبعا موجود في كل السيارات و مكان العلبه اللي تعبيها هي اللي عليها دائره بالأحمر جمب قربة ماء المساحات




و تقدر تشتري علبة زيت الدركسون من محلات القطع غيار أو الوكاله بـ 45 ريال

هذا عيب في اللي يعبي الزيت اذا جيت تبي اي زيت لاتروح لبنشر روح لشركه او وكيل معتمد
لان هم عندهم خبره والشركه مقتنعه انو مافيها عيب لان العيب في الزيت الي تعبونه لو تحطو نفس الزيت الي
هو مخصص للاكورد ما تخرب لاكن تحط زيت احمر اكيد بيخرب

شوف الاكورد زي الانسان اذا شرب قاز مات واذا شرب ماء عاش
الاكورد زيت الشركه تعيش زيت احمر خراب علبه دروكسون

1 - مبروك عليك السيارة الجديدة

2 - حاول ان لا تقفل الدركسون على الاخر اثناء الدوران
لليمين أو لليسار وإن حدث ذلك فلا تزيد المدة عن
10 ثواني على اقصى تقدير

3 - أحذر كل الحذر من محلات البنشر والبنشرية
( المتعلمين ) في سياراتنا وليس المعلمين أحذر
منهم أن يضيفوا زيت الدركسون الأحمر على علبة
زيت الدركسون في سيارتك

4 - أستخدم زيت الدركسون هوندا الأصلي فقط ( الأبيض )

5 - راقب علبة الدركسون من فترة إلى أخرى وكمل الزيت
الناقص إذا إحتاج الأمر

وسلامتك

لا تخاف اخوي

التزم بالصيانه و وان شاء الله ما تشوف اي مشكلة بالموتر

انا لي 3 سنوات الان و الحمدالله ما واجهت اي مشكلة ما شاء الله

مساء الخير لكل الشباب مشكلة طرمبة الديركسون الاكورد 2003-2007 مشكله كبيرة واصلا مفقوده بجده والرياض وفي حل بسيط الها وهو تركب طرمبة هوندا اوديسي 2005 وتساويلها ترهيم(توليف) والله يوفق الجميع

وعليكم السلام ورحمة الله وبركاته

مبروك عليك السيارة

الله يعطيك خيرها ويكفيك شرها

ابعد الوسوسه عنك واتوكل على الله وأحسن التعامل مع سيارتك ومابيجيها شي ان شاء الله

1. زيت الدركسون المفروض مايبدأ في النقص الا بعد مرور سنه على السياره
2. وللتشييك لازم تكون السياره بارده
3. اذا كان مستوى الزيت بين الحد الأدنى والأعلى مايحتاج تزود عليه
4. لاتزود الزيت فوق الحد الأعلى لأنه بيسبب مشاكل في ضغط الزيت تؤدي إلى التسريب
5. عند قيادة السيارة لا تلف الدركسون للأخير ولا توقف السيارة والدركسون ملفوف