الموضوع: فزعتكم يا اخوان خرب عندي البوري رحت لهم قالو بـ 450

وعليكم السلام

مشكلة البوري سهله مرة والكهربائي إلي أنت رحت له أسمحلي ما يدري وين هي هابه وش دخل المثبت والأرباقات بالسالفة السالفة كلها أنه يبغالك تفك البوري وتنظفة وراح يرجع جديد وأنت بنفسك تفكة أمره سهل فيه موضوع هنا بخصوص تنظيف البوري للمشرف المباشر أطلع عليه وطبق خطواته وأمورك إن شاء الله تمام سو بحث وراح تحصل الموضوع .

والله انا مع اخوي ن ع ر السعودية مايعرف من وين تهب اعجبتني هاذي :d البوري مشكلتة كهربائي بس انت حاول تنفخه بالهواء واذا ماضبط روح التشليح

اخوي انا خرب معي البوري قبل سنيتين واقرب محل زينة وقفة عنده وركبة بوري فورد والحمدالله ليومك هذا يشتغل معي البوري ومافي اي مشاكل بسيارة

هلا اخوي مشكلتك عاديه جدا

روح اشترلك بوري جديد وركبه مكان القديم وانتهى الموضوع

الاصلي 220 والتجاري 110 اتوقع كلهم يؤدون نفس الغرض

واي محل يركبه لك

انا عندي اكورد وتواجهني نفس مشكلتك

مرتين غيرت البوري

الله يوفقك

جزاكم الله خير يا اخوان ماقصرتو

صراحة ابو يمن ما اقنعني بكلامه قلت

أسأل مجرب ولاتسأل خبير وانتو ماقصرتووو

ركب بوري فورد وريح مخك

هالمشكلة صارت لي قبل أقل من شهر , رحت للكهربائي - الكهربائي هذا شغلة ماشاء الله نظيف - المهم فك الدركسون وطلع الملف وقعد يلحم بالملف وركبه ثانية واشتغل وماعندك باحسن منه ماشاء الله , مع العلم ان لمبة الايرباق كانت مشتغلة وبعد ماركب الملغ طفت , وكلف علي 100 ريال شغل يد بس وتقريبا جلس ساعة ونص , أما الملف الجديد أعتقد أنه بحدود 1600 ريال .

ركب بوري فورد اطلق شي

المشاركة الأصلية كتبت بواسطة mr.khaled

هالمشكلة صارت لي قبل أقل من شهر , رحت للكهربائي - الكهربائي هذا شغلة ماشاء الله نظيف - المهم فك الدركسون وطلع الملف وقعد يلحم بالملف وركبه ثانية واشتغل وماعندك باحسن منه ماشاء الله , مع العلم ان لمبة الايرباق كانت مشتغلة وبعد ماركب الملغ طفت , وكلف علي 100 ريال شغل يد بس وتقريبا جلس ساعة ونص , أما الملف الجديد أعتقد أنه بحدود 1600 ريال .

شكراً لك على الإفادة
بس الكهربائي هذا في القصيم ولا في الرياض
إذا كان في الرياض ياليت تعطينا الوصف

اخوي انا جتني هـ العلة قبل اسبوعين تقريبآ مرات يفصل ومرة يمسك معاي ويكون بعض المرات صوته ضعيف ،،
الحل : روح لأقرب كهربائي وقله البوري يفصل ومرات يمسك معاي
وقله فكه وسويله وزنية ويرجع زي الـ ع ـسل ع الإشطة
ومسويه بـ15 ريال ><

مشاكل البوري بالاكورد هي مشكلتين

المشكله الاولى ان صوت البوري ضعيف والحل هو تغيير البوري وتلاقي نوعيات بديله افضل من الوكاله ونفس الصوت

المشكله الثانيه انك تضغط بوري وماينضغط معك والمشكله من داخل الدركسون في قطعه تحتاج تغيير او اصلاح

ولو تبحث بالمنتدى تلاقي مواضيع عن هذي المشكله

لازم تعرف وش مشكلتك بالضبط عشان تشوف الحل المناسب ..وسلامتك

المشاركة الأصلية كتبت بواسطة متصفح

المشكله الثانيه انك تضغط بوري وماينضغط معك والمشكله من داخل الدركسون في قطعه تحتاج تغيير او اصلاح


لازم تعرف وش مشكلتك بالضبط عشان تشوف الحل المناسب ..وسلامتك

اخوي متصفح الله يبيض وجهك ممكن سؤال بس

انا هذي مشكلتي بالبوري لما اضغط مايدق

وكنت لما اجي الف يدق لحاله والسياره تكون واقفه اطلع القاه معلق

قمت فصلته رحت لكهربائي قال لي يبغى لك تغيير اللي داخل الدركسون داخله

رحت التشلبيح قالوا لي 800 ريال تركته للحين

رحت لكهربائي طلع لي سلك من ورا الدركسون يدق بوري ولمبه الايرباق شغاله

هل في حل وسطي يحل المشكله

ملاحظه في كهربائي قال عندك شريحه البوري خربانه , وش هالشريحه وشكرا لك

خلك مهندس وفك الطاره

لو انا مكانك كان فكيتها من زمااان خخخخخخ

المشاركة الأصلية كتبت بواسطة متصفح

المشكله الثانيه انك تضغط بوري وماينضغط معك والمشكله من داخل الدركسون في قطعه تحتاج تغيير او اصلاح

ولو تبحث بالمنتدى تلاقي مواضيع عن هذي المشكله

لازم تعرف وش مشكلتك بالضبط عشان تشوف الحل المناسب ..وسلامتك

شكراً أخي متصفح

المشكلة الثانية وش أسم القطعة عشان نبحث عنها

أنا عندي لمبة الإرباق مولعة من زمان بدون حادث
والآن البوري ماعاد يضرب
أشك أن مشكلتي في القطعة الثانية
وماهي طريقة إصلاحها

المشاركة الأصلية كتبت بواسطة ب د ل accord

شكراً لك على الإفادة
بس الكهربائي هذا في القصيم ولا في الرياض
إذا كان في الرياض ياليت تعطينا الوصف

لا والله هذا عندنا بعنيزة وان كان تبي الوصف عطيتك اياه .

جزاكم الله كل خير علىآ هالتفاعل

جزاك الله خير أخي متصفع علىآ تفاعلك

مع الموضوع وتجاوبك مع الاخوان ....