الموضوع: للافاده اكورد 2004

بسم الله راح اوافيكم بالاعطال اللي مرت علي عشان الكل يستفيد طبعا كلها لقيت لها حل ممتاز ولله الحمد لاني خبير كبير خاصه في الاكورد من بد الهوندا بسم الله راح ابدا


1- الضغط يغير على 3 ونصف رغم اني ضاغط كل الدعسه والسياره عزمها طايحه جدا لدرجه انو في كورلا قامت علي

الحل

تغيير منظم الهوى + فلتر قير خارجي مع تغيير قير الزيت

سعر منظم الهوى 300 ريال تجاري اصلي ما يجي الا كامل مع البدي ثروثل وقيمته 2300 ريال
علبه الزيت الاصليه للقير ب 45 ريال وهي تاخذ 3 علب

الفلتر سعره 90 ريال وتركيبه 70 ريال




2-رجه بالدركسون على تسارع ميه وحذف في الطاره من جهه واحده

الحل

ميزان العضيب وزن اذرعه + كبس رمان 2 كفر امامي + خرط هوبات + تغيير فحمات





3-الباب حق الراكب ما يفتح بالريموت
الحل . تغيير قطعه بنفس الباب اسمها سنتر لوك سعرها تجاريه 120 ريال اما الاصليه فوق
ال 500 سعر مبالغ فيها وسعر شغل اليد تقريبا 50 ريال





4- المكيف ما يطلع هواء نهائيا اذا شغلته ولا يشتغل لاكمبرسر ولاغيره كأني ما شغلته
الحل . تغيير حساس مروحه اللي يجي تحت الدرج حقت المكيف اللي قدام الراكب
سعرها 260 ريال شغل اليد 50 ريال




5- اذا ولعت عليك لمبه المكينه فغالبا تكون المشكله من حساس الشكمان فكه عند ورشه ويسون له تنظيف ب 200 ريال وان شاء الله تطفي اللمبه .




6- ارتفاع حراره السياره عند الوقوف وانخفاضها عند المشي
الحل تغيير دينمو مروحه 300 ريال طبعا اصلي وشغل يد ب 30 ريال



7- اذا لفيت فجاءه بالطاره اسمع صوت طق الصوت مزعج بصراحه
الحل تغيير عمود دركسون



8- النور العالي يعلق معك واذا رجعت الواطي تطفي اللمبه اللي في الطبلون حقت العالي بس يكون العالي شغال يعني معلق

الحل في علبه فيوز اللي بالكبوت فكها وحده وحده احسن لك ونظفها زين بالهوى وودها لورشه خلهم يصنفرونها لك وحده وحده يمكن ياخذون 5 ريال ومره ما ترجع المشكله ان شاء الله


9- السلف بعض الاحيان يدق وبعض الاحيان مايدق معي وبعض الاحيان اذا تشغلت السياره يطلع صوت قوي ومزعج

الحل انك تغير فحمات سلف بس قبل لا تشيلها سطحه :d

سعر فحمت السلف وكاله ب 350 ريال
شغل يد متعب جدا يمكن ياخذون منك تقريبا 200 ريال



10- القزاز حق السواق اجي اقززها تنزل لحالها
الحل : تغيير الازرار اللي على باب السواق
واتذكر كانت الجلبه طالعه يعني القزازه لمن اقزز تطلع برى شكلها يفشل :d

خذت الازرار ب 400 ريال والجلبه ب 80 وشغل اليد 100 ريال تقريبا
بس طبعا خذتها من تشليح بالوكاله ما حصلت



11- كان المفتاح مايدخل مع باب السواق عشان افتح السياره عشان كذا اضطريت ما اقفل السياره

الحل : رحت لمحل الشايقي حق المفاتيح وفك لي الباب وطلع الدقمه حقت الباب
وصارت مجيمه رش عليها بخاخ صدى وزيتها ومدري وش سوى بعد وركبها وبعدها صار الوضع ممتاز شغل يده 80 ريال وبعدها صرت اقفل السياره


12- كنت وانا موقف يطلع صوت غريب كنه صوت شيول :d والقير على N
واذا حطيته على D راح الصوت وانا موقف واذا مشيت يطلع الصوت ويختفي على سرعه 80 او 100

الحل تغيير رمان المكينه



اتمنى اكون قد افدت :d واي شي ما ذكرته راح اذكره بالردود

وسلامتكم