أسعار الصيانه والتشييكات في الوكاله 2008 وفوق ( 4 و 6 سلندر )

**keegan** · 03-09-2011, 10:42 AM

السلام عليكم ورحمة الله وبركاته

اتمنى يكون هالموضوع مرجع للاخوان لمعرفه الاسعار قبل مايمرون الوكاله

الاسعار بتاريخ 23/9/2011 5/10/1432

( ك ) ( 4 ) ( 6 )

10.000 475 ريال 474 ريال

20.000 515 ريال 515 ريال

30.000 590 ريال 595 ريال

40.000 620 ريال 620 ريال

50.000 475 ريال 475 ريال

60.000 790 ريال 795 ريال

70.000 475 ريال 475 ريال

80.000 1000 ريال 1005 ريال

90.000 590 ريال 595 ريال

100.000 1395 ريال 1980 ريال

الزيت + السيفون

135 ريال ( 4 سلندر ) 140 ريال ( 6 سلندر )

**moS3ab** · 03-09-2011, 12:45 PM

الله يعطيك العافيه ..

والله سبقتن ! أنا دآخل ابحط أسعار الصيانه بعد الزياده !!!
الصرآحه الناس بعد العيد يسون تخفيضات بمناسبة العيد
هذولا , لا ! بمناسبة العيد رفع الأسعار !!!

**عآشق الخرج** · 03-09-2011, 06:52 PM

موضوع يستحق التثبيت....شكرا

**قلبي حبك** · 03-09-2011, 07:28 PM

اما زودو الصيانه ههههههههههههههههههههههه

ثاني مره خلال سنه تزيد اسعار الصيانه

اول كانت 110 زيت وسيفون وزوددوها قبل ست اشهر تقريبا 125 والحين 135 هههه ياخوفي بعد سنتين ثلاث ياصلون 1000 زيت وسيفون

حسبي الله عليهم

**King** · 03-09-2011, 08:01 PM

حسبي الله ونعم الوكيل, أسعار الصيانة غالية جدا ً, وحرام الواحد يسوي عندهم بهذا السعر..

انا خلاص قررت اترك الوكالة بعد مارفعت السعر بهذا الشكل ومقدر استحمل إستغلالهم لي او لأي احد, قررت بما يلي شراء زيت هوندا مع السيفون وزيت القير (بالجملة)

وبعد مشاورات عند اي محطة او مركز تغيير زيت ثبتنا على بترومين وإلي منتشرين بكل مكان عمالتهم فلبينيين مختصين.

وضعت لكم الأسعار على شكل جدول وعدلت واضفت بعض المعلومات..

تحميل ملف PDF::
http://www.multiupload.com/ER7RXHAZHL

تحميل الصورة::
http://img849.imageshack.us/img849/5...lubpage001.jpg

**بلال العلمي** · 03-09-2011, 08:01 PM

الزيادة في اسعار الصيانة واسعار الاجور غير مبررة وليست في صالح الشركة

**راعي هوندا99** · 03-09-2011, 08:12 PM

!!!!!!!!!!!!!!

والله الاسعار غالية جدا جدا

**راعي هوندا99** · 03-09-2011, 11:46 PM

بعد جمع أسعار الصيانات الى 100 ألف

طلع المبلغ 8275 وربي مبلغ كبير جدا

الأعضاء اللي حالفهم الحظ وأخذوا العرض حق الصيانة يعني كأنهم سوا لهم خصم بمبلغ 4215

والسيارة في أول 100 ألف لا تحتااج الى صياانة الا في حاجات قليلة جدا وتغيرات بسيطة زيت جربوكس وهيك حكي

حسبي الله ونعم الوكيل

**MyStErIoUs-87** · 03-09-2011, 11:51 PM

-
يعطيكـ ربي ألف عافيه أخوي .. أنا على وشكـ صيانة الـ 100,000 لسيارتي ان شاء الله .. باقيلي أقل من 1500 كيلو

بس أستغرب صراحة بعض الأسعار اللي حاطتها الشركة .. وأهم شي فرق الريال في صيانة الـ 10,000 خخخخخ ما أدري الشركة وش تحس فيه !!

يالله .. الله يصبرنا عليكـ يا عبدالله هاشم .. ونشوف آخرتها معاكـ ان شاء الله !

**راعي ال ACCORD** · 04-09-2011, 02:04 AM

يارجال حتى قطع الغيار رفعها

اغلى قطع غيار على مستوى الخليج خوينا هشومي

اليوم شاري فحمات الاصلي ب 430 ريال ؟؟؟ خيرر !!!

وراعي المحل يقولي لو تروح للبحرين ولا قطر تلقاها ب150

يعني السالفة ضحك على الدقوون ونصب عيني عينك الله يصبرنا :(

**قلبي حبك** · 04-09-2011, 02:45 AM

المفروض نسوي مقاطعه للصيانه عندهم الين يخسرون من العماله حقتهم بعدين يضطرون ينزلون الاسعار وقتها نرجع لهم

وبالنسبه لضمان صدقون يا اخواني الضامن الله ثم نفسك انت اللي تضمن موترك ماهو كتيب الوكاله انت حافظ عليه وغير المستلزم وابشر بسياره تجلس معك عشر سنين ماتطلب الا اشياء استهلاكيه

ياما اشترو ابوي وابوك وجدي وجدك سيارات ولا واضبو على صيانة الوكاله ولا شي اللي سووه واضبو على الحفاظ على موترهم وتوكيل الله

**دنيآ الغرور** · 04-09-2011, 12:37 PM

انا بعمري ماسويت تشيك باي وكالة .

عندنا بشركة الوالد يجيبون سيارات ايسوزو وكالة وعلى سواقة العمال الدفشة

والحين ماشيات على 100 الف ومايغير لها الا زيت وسيفون بانتظام بالاضافة للفحمات وقت الحاجة

وتسوقها كنها وكالة

وسيارات الاجار نفس الكلام وماشية زي العسل

وعن نفسي اشوف ان الواحد هو الي يقرر هل سيارته تحتاج صيانة ولا لا لان احيانا يغيرون قطع مالها داعي ومسالة نهب فلوس

غير كذا بالنسبة للزيت والسيفون انا يكلفني اقل من 80 ريال وزيت افضل من حق هوندا بنظري !

اخيرا التشييكات ممكن تشتري القطع الي تحتاجها وتغيرها باي ورشة محترمه ورح يفرق معك 30% ع الاقل من السعر ..

**keegan** · 04-09-2011, 01:14 PM

اشكر على الجميع على ردودهم الطيبه وتفاعلهم مع الموضوع خصوصا اخوي king

ولازم يكون عندنا ردة فعل ردا على اسعار عبدالله هاشم

لازم تكون حملة منظمه تبدأ من المنتدى مروا بالفيس بوك الى الصحف الالكترونيه

وكل مازاد عدد المتفاعلين مع الموضوع اكيد راح تكون هناك ردة فعل من الوكاله

والحملة طبعا راح تكون ضد اسعار الصيانه وقطع الغيار وتجاهل الوكاله لاستبدال العيوب المصنعيه الا بطلب العميل

**بلال العلمي** · 04-09-2011, 04:12 PM

صيانة اللاندكروزر في عبداللطيف جميل على صيانة 40 الف قيمتها 4000 ريال حسب ما سمعت

وما يغيرون فيها الا زيت وفلتر هواء وصنفرة هوبات فقط

**راعي هوندا99** · 04-09-2011, 05:33 PM

^^
أخوي لاتبرد الموضوع

**أكــــــــــورد11** · 04-09-2011, 06:10 PM

ياخوان انا مدري ليش تتكلمون على هشومي ياشباب احمدوا ربكم والله الاسعار ارحم من غيرنا اعطيكم مثال جيب اللكزس تعرفونه صح اخوي كان بتويوتا والله المهندس يقول لاخوي انامدري ليش الناس يشترون السياره وهم مو عارفين اسعار قطعها قسم بالله تدرون كم سعر الفحمات حقها 1500ريال اقول يالبى هشوومي:d

**م ل ك 2008** · 04-09-2011, 10:43 PM

الله لايوفقهم على زيادة الاسعار

ولاهنت على الموضوع

**majood AL-azwari** · 05-09-2011, 03:27 AM

اللي يقول اللكزس 1500 ريال فحمات واللي يقول تشيكك الاندكرورزر 4000 ريال

بالله عليكم تقارنونها بالاكورد ما فيه احد بيشتري لكزس الا وعنده فلوس

وانا من ناحيتي اساسا مقاطع هشومي اخر صيانة كانت 10الف

افضل حل قاطعوه خلو صيانته تخيس وتشوفون كيف يعتدل ويصير محترم

**قلبي حبك** · 05-09-2011, 04:11 AM

^^^

من جد والله كلامك صح الصح

يجوني يقارنون لي سيارات صالون بسيارة سيدان

للمعلوميه الاكورد سعرها مايجي نص سعر الصالون اللكزس او السيدان اللكزس واللكزس شركه عالميه وافضل من هوندا بكثييير

وبالنسبه للاندكروزر سعره وكاله اكثر من 200 الف يعني ضعف سعر الاكورد وتجي تبي الصيانات تصير سوا !!!!
بعدين هذا صالون ماهو سيدان عادي وطبيعي جدا تكون سعر قطع الغيار اغلى خصوصا الفحمات لان الصوالين يحتاجون فحمات قويه ماهو زي السيدان

فيه شي بعقل وفيه شي خبال ( ماتوقعت الهوندا تعميكم كذا )