مافائده d321

**ايام السراب** · 06-09-2011, 01:10 AM

كل عام وانتو بخير اتمني احد يفيدني او عنده خبره عندي اكورد v62007 وانا في خميس امشيط وكل اسبوع انزل مع هالعقبات والمرتفعات ياليت يشباب تفيدوني لما اكون في مرتفعات علي اي نمره احط القير وكمان لما اكون نازل من ارتفاعات علي اي نمره احط القير ياليت تفيدووني
وجزاكم الله خير الجزاء

**FiReFiGhTeR** · 06-09-2011, 01:42 AM

السلام عليكم ورحمة الله وبركاته

كل عام وانت بصحه وسلامه..

وانا اخوك بالنسبه للعقبات و المرتفعات اللي بالجنوب فما ينفع معها في الغالب الا القير العادي على سبيل المثال عقبة تنومه...
بس بالنسبه لسيارتك حاول تكون غياراتك بين 3 و 2 خصوصا في العقبات وحاول توزع قوة الكبح بين القير والفرامل يعني لا تعتمد على القير طوال فترة نزولك من العقبه خصوصا اذا كانت المسافه كبيره عشان ما يسخن معك وايضا لا تعتمد لفتره طويله على الفرامل عشان ما تسخن الهوبات ..

والاكورد بشكل عام ومن خلال تجربتي لموديل 2007 و2010 احس انك تسوق سياره غياراتها اشبه بالقير العادي مع انها اوتوماتيك يعني لا تشيل هم المرتفعات خصوصا سيارتك v6 الخوف دائما من العقبات ..

المهم .. حاول تتفدى العقبات شديدة الانحدار وعكسها من المرتفعات وتذكر سيارتك اكورد مو "جيب"..

ارجو اني افدتك ويفيدونك الاخوان ايضا..

شكرا..

**راعي هوندا99** · 06-09-2011, 02:04 AM

اخوي لو تحطها على الدي هيا راح تمشي بنفسها وتغير

لكن المشكلة القير مايحط السيارة في الدي1 أبدا غير القومة يارجال طلعت طلعة قوية والسيارة على الدي الموهم السيارة كانت معشقة نفسها على 2 الين وصلت لراس الطلعة واضغط بنزين ابغاها تحط ال1 لكن مواضيه الين السيارة بدأت تتحدر وانا ضاغط بنزين يوم حطيتها دي1 طلعت

**أنتراوي** · 06-09-2011, 04:07 AM

في العقبات شديدة الإنحدار الغيار الأول أو الثاني عشان تريح الفرامل
أما الطلوع فلازم الواحد من أجل ما يسخن القير من التغييرات

**Eng ZeeeZo0o** · 06-09-2011, 11:26 AM

هلا فيك اخوي

انا من خميس مشيط ودايم اسافر على سيارتي وماشاء الله عليها

الموهم وانت نزل من عقبة ضلع ولا شعار انزل على 3 او 2 وحاول ماتمسك فرامل كثير والطلوع على 3

وشكرا

**راعي هوندا99** · 06-09-2011, 02:05 PM

طيب اخواني عادي تغير وانت ماشي ولا لازم تهدي ؟؟

ولازم وأنا أحول نمرة أكون ضاغط على دواسة الفرامل ؟

**Eng ZeeeZo0o** · 06-09-2011, 02:47 PM

اخوي عادي تغير بين النمر بدون فرامل

هاذا اللي انا اسويه

**ايام السراب** · 07-09-2011, 12:23 AM

مشكورين ياشباب علي الردود وماقصرتوا والله كنت شايل هم عقبه ضلع والف شكر لكل واحد رد او شاهد موضوعي

**بلال العلمي** · 07-09-2011, 12:29 AM

قير الاكورد يشبك كلتش خاص اسمه lock up torck clutch

وهو يخلي المكينة ماسكة في القير بشكل مباشر

غير كذا تصميم القير في الهوندا يشبه القير العادي تماما غير كذا لو تحطها بالغيار اللي تبيه نزول او طلوع ما يسخن القير ابدا لان وثاني شي ما يحتاج تسويها بنفسك فيه نظام في سيارتك اسمه grade logic control يرجع النمر للخلف نمرتين او ثلاثة حسب السرعة وقوة النزلة او الطلعة

**الفـــارس** · 07-09-2011, 02:34 AM

لا تخاف اخوي انا دايم اطلع عقبة ضلع وانا طاالع احطها بالدي ماشاء الله لان سيارتي 6 ما اسمع صوت ضغط على المكينة او اي شيء ..

وانا نازل بd3 عشان ما امسك فرامل كثير ..

تحياتي ,,

**ايام السراب** · 08-09-2011, 01:08 AM

اخ بلال والفارس مشكورين ويعطيكم العافيه
ومانستغني عنكم ابد
وجزاكم الله خير:d

**ضعيف الشخصية** · 09-09-2011, 12:11 AM

مع أن عندي أكورد 2003 قير عادي ، ماشفت و لله الحمد أي مشاكل فيها

وخذا هذ نصيحتي وأنا أخوك مع أن معك قير أتوماتيك

لاحظت أن القير الأوتوماتيك من بعد عام 2008 متقدم جدا في أغلب السيارات خصوصا النظام السلسل مع القير الأوتاماتيك و لي تتسمى بـ تغييرات اليدويه ( + - ) يعني وسياره تمشي تقدر تحرك القير لوضعيه التغيير اليدوي أما للترس الأعلى ( + ) أو الترس الخفيف ( - ) يدويا و سيارتك أوتوماتيك أساسا

و تعشيقه ( d ) للحالات العادية ، بس حبذا لو كانت في حالات المرتفعات و المنخفضات تكون تحاول تقوم بالنيابه عن القير الأوتوماتيك بس بطريقه ماتتعب سيارات و مكاينتك و القير ، بمعنى ..
إذا مافي موديل سياراتك خاصيه التحكم بتعشيقات يدويا ( + - ) بجنب القير الأوتوماتيك .. وشفت مجموعه مرتفعات .. يرجع لذكائك مسبقا بمعرفتك للطريق نفسه ( يعني أنا ماعمري شفت دربك ) لكن إذا كانت المرتفعات متوسطه حطها على d3 إذا كنت لحالك بسيارة و مآمعك حموله وركاب و كانت سرعتك بيت 50 و 60 ...... وعلى d2 إذا كانت سرعتك بطيئة إلى عاديه ومعك ركاب لأن في حالة الصعود بيكون المكينه شغاله أما على 1 أو 2 ( أتوماتيكيا ) وفي النزول حاول أنك ماتسرع سرعه كبيره لأنك محدد بـ d2 أو d3 ومحدد بين الغيار الثاني أو الثالث وأن زادت السرعه بيحمي المكينه

الرد على سؤالك ... هو أنت إلي تحدده ... بحسب حمولتك - سرعتك - طبيعة التضاريس كل منطقه عن المنطقه الأخرى - مفآجآت الطريق - الأحوال الجوية - زحمه السيارات

وفي الحقيقه خاصيه التحكم بـ تعشيقات يدويا إلي تجي مع الأوتاماتيك خاصيه ممتازه بتعطي السياره ثقتها للسائق نيابة ًعنها في بعض الطرق الوعره
* * وخذ بأعتبار 3 أمور

1 - حمولة السيارة
2 - الحاجه الفعليه و الكافيه من قوة الدفع من ( المكينة ) على الغيار المناسب

3 - الأستفاد من خاصيه وضعيه التعشيق اليدوي ( مع القير الأوتوماتيك ) في حال أستخدمت التعشيق d .. لكن بذكاء وأخذ النقطتين السابقتين في الأعتبر ( الحموله x الجهد المناسب في المكان المناسب ) وتذكر أنك تقرأ حالة الطريق نيابة عن سيارتك

وكلامي كله للي عنده قير أوتوماتيك

وبعدين يا جماعه إذا أنتم عرفتوا أن تضاريس منطقتكم حاده فأفضل دائما بـ 6 سلندر وأن زاد فأفضل

راحه و ثقه و طمأنينه

مع ان وضعيه D فقط يكفي إذا تعبت أو صعب عليك الحال لأن صناعة القير أصبح الآن ذكي أكثر من الأول

وحذاري من السرعه أو التهور أو الغفله في الطريق أما بجوال أو بمسجل أو بتفكير في المناطق الجبليه وفي أي مكان حتى

**Mr.Khaled** · 09-09-2011, 11:41 PM

المشاركة الأصلية كتبت بواسطة راعي هوندا99

اخوي لو تحطها على الدي هيا راح تمشي بنفسها وتغير

لكن المشكلة القير مايحط السيارة في الدي1 أبدا غير القومة يارجال طلعت طلعة قوية والسيارة على الدي الموهم السيارة كانت معشقة نفسها على 2 الين وصلت لراس الطلعة واضغط بنزين ابغاها تحط ال1 لكن مواضيه الين السيارة بدأت تتحدر وانا ضاغط بنزين يوم حطيتها دي1 طلعت

أعتقد أن القير كان برقم 2 عند الصعود , وهذي لاحظتها حتى بسيارتي إذا عشقت القير بـ 2 مستحيل انه يرجع للنمرة الأولى بعكس d3 و d .

الموضوع: مافائده d321

أدوات الموضوع

عرض

مافائده d321

المواضيع المتشابهه

مافائده هذة ؟؟trc نظام التحكم في الالتصاق الناتج عن التسارع؟؟

مواقع النشر (المفضلة)

مواقع النشر (المفضلة)

ضوابط المشاركة