الموضوع: اكورد وإلا تورس sel شوركم يا اهل الهوندا

طيب ياغالي الان اصبحت المشكله فرديه
وحتى في الاكورد لو رجعت المقاعد الى نفس المستوى اللي رجعه بتسير اضيق
اذن اصبحت مشكله شخصيه
اجل كيف لو ركبت اللكزس is 300 :d

المشاركة الأصلية كتبت بواسطة ملك قوقل

طيب ياغالي الان اصبحت المشكله فرديه

وحتى في الاكورد لو رجعت المقاعد الى نفس المستوى اللي رجعه بتسير اضيق
اذن اصبحت مشكله شخصيه

اجل كيف لو ركبت اللكزس is 300 :d

جرب رجع الكرسي الامامي للخلف قد ما رجعه هو وشوف المساحة المتوفرة امامك في الاكورد

وسوي نفس الشي في التوروس وتلقاها ضيقة جدا الكل يشهد بضيقها حتى اغلب المواقع اللي اختبرتها اشتكوا من ضيقها حتى انها اضيق من بعض السيدان مثل السوناتا واضيق من الهوندا

السيارات اللي من فئتها واسعات بشكل خيالي مثل الافالون والازيرا


اما IS لاتعليق

يعني سيارة صغيرة جدا وحاطينها دفع خلفي ومكينة بالطول حسيت اني راكب كورولا موديل 1981 كانت كذا مكينة بالطول ومافيه مساحة نهائيا ودفع خلفي يعني دفرنس ورى ماخذ مساحة يعني سيارة لشخص واحد فقط :d

على العموم تبقى وجهه نظر وللعلم تجربتي للسياره دامت اكثر من 3 شهور وطولي 174 ووزني 82 كيلوا ولم اشعر باي نوع من التعب بالعكس تماما زاد احترامي لهذي السياره وفكرت جدياً باقتنائها ،،،
[ame]http://www.youtube.com/watch?v=BBb8uvRWUEI&feature=relmfu[/ame]
همسه :
نظام Cross Traffic Alert والذي يقوم بتنبيه السائق عند الرجوع الى الخلف من السيارات القادمه من اليمين او اليسار او الخلف .
[ame="http://www.youtube.com/watch?v=QAcovRcgC_0&feature=player_embedded"]2010 Ford Taurus Cross Traffic Alert - YouTube[/ame]

المشاركة الأصلية كتبت بواسطة فـــيـــصـــل..607..

بصراحه ياملك قوقل ..

لو هالنظام موجود راح تعتمد عليه ..

يعني اتوقع من ناحية شخصيه قبل ما اريوس تنكسر رقبتي حتى اكشف الشارع واتأكد منه ولا اتذمر تعود عليهااا

يعني حتى لو هالنظام موجود بالأكورد مجرد زينه وميزه وماراح اعتمد عليه لأن المسأله تعود

انا صوتي يروح للأكورد لصاحب الموضوع وستخبرك الأيام ماذا تعني الاكورد

صدقني اخوي فيصل انا ماهضمت حق الاكورد بالعكس سياره شهادتي فيها مجروحه الى الابد وماقدرت افرط فيها مع العلم باني اشتريت سيارات انواع واشكال وما فكرت ابيعها
على العموم ياغالي الناس اذواق ولولا اختلاف الاذواق لبارت السلع وصاحب الموضوع طلب رائ كل واحد فينا وكلٍ ادلى بدلوه :d

المشاركة الأصلية كتبت بواسطة هنادي 8

التورس وبقوووووه الاكورد يكفيك العيب المصنعي الغبي اللي هو طرمبه الدركسون من عام 2003 لين الحين ماحلوه وأي واحد يقول مو فيها خل السياره تمشي 100الف وتشوف غير الطقطقة وسرعه استهلاك الفحمات

انحلت في موديلات 2011 اللي تنزل في امريكا وموديل 2012 اللي تنزل عندنا واحتمال يصير فيه استدعاء بخصوص الموضوع هذا

المشاركة الأصلية كتبت بواسطة هنادي 8

اخوي معه 2011وفيها نفس المشكله. ودخلها الوكاله اكثر من مره ولا حياه لمن تنادي وبالنهايه السياره راحت تشليح



ملاحظه قد يكون العيب تعدل في بعض السيارات وليس الكل

ايش هي المشكلة ؟؟؟ وليش راحت تشليح؟

وموديل 2011 السعودي نزل من اليابان وما انحلت مشكلة الطرمبة بينما من عام 2011 انحلت مشكلة الطرمبة فقط في امريكا وموديل 2011 عندهم نزل عندنا على انه موديل 2012 وتوه قبل شهر نزل موديل 2012 في امريكا يعني بيننا وبينهم قرابة شهرين

المشاركة الأصلية كتبت بواسطة طالب مجهول

انااا اشهد انهم ماقصروو ابددد ،،

واهم شي ماشفت التعصب للهوندا بمنتدى الهوندااا

شكراااا لجميع اعضااااء منتدى محبي هوندا ،،

واقدم تحيتي خاااصه للمنتدى ..


بإذن الله بــاخذ لي سياره امشي بها الحال .. إلييييين تنزل العروسه الجديده ،، ومتأكد ان الهونداا ماراح تخيب الأمــآل ..


لكن سؤال اخير ،، <بتنجلد ..

هل صحيح ان اول موديل لـ (هوندا) يكون فيه عيوب بكثرهـ ..

لا ما يكون بكثرة لو بكثرة استلموها مثل ما استلموا تويوتا بس يكون فيه عيوب مصنعية في اول جيل ابتداءا من الجيل السادس الى الجيل الثامن الحالي في اول موديلات الجيل


يعني مثلا موديل 2003 كان فيه عيب في امريكا في بعض حساسات القير وصار استدعاء في امريكا عليها ومافيه مشاكل عندنا غير طرمبة الدركسون ولي الدركسون والكراسي والدودة
والفرامل

صار استدعاء على لي الدركسون وصار استدعاء على الدودة وفي موديل 2007 اعلن اكتمال السيارة تماما وخلوها من العيوب ما عدا عيب الطرمبة والفرامل وفي عام 2009 صار استدعاء على كل ملاك هوندا اكورد لتغيير كراسي المكينة مجانا


في موديل 2008 كان فيه عيب مصنعي في الكليبرات الخلفية كانت تخلي الفحمات تتاكل بسرعة وعيب في الركب الامامية كانت تطلع صوت وتم حلها في موديل 2012 تماما واصبحت الان السيارة مكتملة تماما تماما تماما والكمال لله


موديل 2013 اللي بينزل لو نزل فيه عيب بيكون بسيط مثل اللي فوق ويصير عليه استدعاء

وباعطيك سر يالغالي

قبل لا تنزل المحرك الجديد والقير الجديد على هوندا فهي تنزله على اكيورا قبل ثم تنزله على هوندا ودامه ناجح في اكيورا تعطيه للهوندا علشان تطقطق عليه واكيورا تبدأ انتاج محرك جديد


فتوقع انت محرك 4 سلندر على الاكورد تقنية SVTEC + vti بقير 6 سرعات اوتو


وتوقع محرك 3.7 ايضا بنفس التقنية السابقة وقير 6 سرعات


لاني سمعت ان الهوندا بتنزل قيربوكس جديد على اكيورا بسبع سرعات وفي مواقع تنبأت بثمان سرعات والحرب جارية




محرك الهوندا اكورد الاربعة سلندر سلسلة K كان على اكيورا TSX قبل لا يعطونها للاكورد في عام 2003

ايضا محرك هوندا اكورد ستة سلندر 3.5 كان على سيارات الاكيورا وبعدها اعطوها لنا بعد عام 2008 في هوندا اكورد وباقي سيارات هوندا


والان بتمشي نفس المسألة باذن الله فالمحرك لا تخاف عليه من هوندا ولا القير بوكس

والعيوب المصنعية دائم بسيطة في هوندا ما عدا طرمبة الدركسون فهي موجودة على كل الموديلات بس فيه استدعاء متوقع لجميع موديلات 2008 - 2011 بالنسبة لطرمبة الدركسون

المشاركة الأصلية كتبت بواسطة اكوورد 2005

اخوي اتوقع التوريس مافيه مثلها بالفخامه الداخليه والعزل الصوت والمساحه الكبيره

اخوي معه توريس 2011 ماشالله مساحه كبيره ولا اشوف فيها ظيق مره

وارشح التوريس

بالنسبة لموديلات 2003- 2007 ترى النظرة تختلف المساحة طبعا في التورس اكبر لكن لو تقارنها بالاكورد 2008 - 2012 المساحة في الاكورد اكبر خصوصا في الخلف