صوت حنه في النمره الاولى ... هل هي من طرمبه الدركسون الرجآء المساعده

**ABOoDY.TOP** · 17-09-2011, 08:07 PM

السسلام عليكم ورحمه الله وبركآته

اخبآركم محبي هوندآ عسآكم بخير
الموهم بدخل في الموضوع علطول
عندي مشكله في السياره اذا مشيت فيها مشوار طويل يسير صوت النمره فيه زي الحنه
صوت تحس انها لعبه مو اكورد ومع تغيره النمره الثانيه يروح الصوت

فُ يليت اللي عنده خبره يقول لنآ مع العلم انا مركب جنوط 20 + تهبيط خفيف
اتوقع الصوت من طرمبه الدركسون بس ابيكم تفيدون لان الصوت فقع مرارتي

بَ انتظاركم

**خلووود1233** · 17-09-2011, 08:24 PM

اخوي الصوت من طرمبة الدركسون شوي شوي ويطلعلك الصوت اقوى الحل النهائي تغيير الطرمبه اسئلني عن الصوت قروش مخي لين غيرت الطرمبه لاتعب عمرك ماراح تلقى حل الا بتغيير الطرمبه اتمنى اني افدتك سلام

**ABOoDY.TOP** · 17-09-2011, 08:40 PM

طيب انت غيرت الطرمبه ؟! وبكم غيرتها ووين غيرتهآ
ضروري الله يخليك بً انتظار ردك وانتظار الاخوان

ويعطيك العافيه اخوي

**خلووود1233** · 18-09-2011, 12:38 AM

سعرها بالوكاله بعد الخصم 2800 وانا شريتها من محل النعماني بالرياض بقيمة 2250 لكن انصحك خذها من الوكاله اضمن لك وركبتها بورشة قوة الأحلام بالصناعيه القديمه لكن انت من الغربيه يعني خذها من الوكاله وركبها عند صاحب ورشه في جده يمدحون شغله الشباب اللي في المنتدى مع العلم انه سعودي وهذا رقمه 0551443831 واسمه نسيته لكن كلمه وهو بيعلمك اسمه ولابعد بيوصفلك ورشته ويقهويك :d اتمنى اني افدتك

**ABOoDY.TOP** · 19-09-2011, 06:35 PM

يعطيك مليون عافيه اخوي خآلد
ومأ قصصرت والله وخلينا نشوف الاحضاء لان ما ودي اروح الوكاله ودي اسويها برا
وتكفون اللي في الغربيه يساعدنآ

**فتىسدير** · 20-09-2011, 08:04 AM

انا موديل سيارتي 2011 وكان عندي صوت حنه .. بعد مامشت سيارتي تقريبا 25 الف
رحت للوكاله قالو طرمبه وماقتنعت وانا كنت متوقع انه الشداد حق السير الي تحت طرمبه الدركسون
المهم رحت لكم ورشه واحد قالي اصلاح وواحد قالي الشداد وواحد قالي (طرمبه المويه )) انا بصراحه ماوثقت في الورشه طبعا في الرياض

المهم رحت الوكاله وقالو انت مو متلزم بالصيانه يلغي الضمان وتراسلت مع شركه الام اليابان ورجعو ابوها غصب وصار الاتصال بيني وبين مدير الفرع الخالديه الي في الرياض مباشره

المهم قالو طرمبه الدركسون الوكاله توقعت ان عندهم سالفه
غيرو طرمبه مانفع
غيرو شداد مانفع
غيرو طرمبه المويه وظبطت راحت الحنه

عشان كذا تاكد من طرمبه المويه اول
سعرها 150 ريال والتصليح يمكن 100 ريال

لايلعبون عليك ويقولون لك طرمبه الا اذا تاكدت

بالتوفيق اخوي "..