محتار بين كفرات البرجستون البوتنزا او التورنزا ؟

**اكورد بحريني111** · 15-10-2011, 02:15 PM

سلام عليكم ورحمة الله وبركاته

شباب انا ابحث عن كفرات هادئة جدا وناعمة وراسية

فرسيت على البرجستون بس محتار بين البوتنزا والتورنزا

وشتنصحوني فيه؟؟

ناطر اجاباتكم

**Amir i-VTEC** · 15-10-2011, 02:22 PM

أكيد التورنزا لأن اسمه الكفر الصامت لكن مايجي رسمات رياضيه مثل البوتنزا

**FiReFiGhTeR** · 15-10-2011, 02:28 PM

فيه كفر اسمه Gr-90 من بيردجستون وهو كفر ممتاز جدا والناس تمدحه و عموما اذا بتاخذ الكفر من مؤسسة الطلائع في الشرقيه وتبي تخفيض يعني تفريبا 50 او 60 ريال للكفر فراسلني على الخاص.

او انك تروح لمحلات رد كاب وهي تبيع احيانا 3 كفرات وكفر رابع مجانا.. وهذا اللي انا سويته شريت اربع كفرات دانلوب وكان الكفر الرابع مجانا..

والله الموفق...

**Amir i-VTEC** · 15-10-2011, 02:34 PM

في شروط لهذا العرض من ردكاب ؟ وهل العروض بالرياض ايضاً

**FiReFiGhTeR** · 15-10-2011, 03:13 PM

ما فيه اي شروط .. لانه احيانا تجي رسائل على جوالى انه فيه عروض.. انت روح واستفسر سواء بالرياض او اي فرع من فروفهم..

**اكورد بحريني111** · 15-10-2011, 06:13 PM

مشكورين يا شباب على التفاعل وبتوكل على الله وباخذ التورنزا

بس ممكن تدلون وين احسن واظمن مكان اشتري منه في الشرقية ؟؟ ووين الوكيل مكانه يصير؟؟

**FiReFiGhTeR** · 15-10-2011, 08:17 PM

فيه مؤسسة الطلائع على طريق الملك فهد باتجاه المطار.. على اليمين حي 91 قبل الشارع التجاري.. واذا تبي تخفيض لانهم يسون تخفيضات لبعض موظفي الشركات وانا منهم..

بس كلمني وان شاء الله نتفاهم...

**اكورد بحريني111** · 16-10-2011, 12:52 AM

عزيز وغالي يا اخوي ما قصرت الله يرحم والديك وشكرا جزيلا

بس ادا ما عليك امر تعطيني رقمك يالطيب

**meshoo** · 16-10-2011, 03:04 AM

البوتنزا كفر هادئ وبدون اصوات

نصيحه البوتنزا افضل من التورنزا بكثير

مجرب الاثنين , والي يقول بوتنزا مزعج من غير تجربه !

وبالنسبه لتخفيض بريجستون ماعندهم سالفه اذكر عطوني خصم لان وقتها كان في عروض ترسل لبعض الشركات 68 ريال تقريبا هم مايحسبون الخصم للمجموع يحسبون الخصم لكل كفر فا يطلع الخصم اي كلام !

**الـمـسـافـر** · 16-10-2011, 05:57 AM

عن تجربه لكل الكفرين .. البوتنزا وارفع يدك

هدوء جدا رائع مقارنه بقوه الثبات والراحه والفرامل يتحسن اداؤه خصوصا الكفر لازق بالارض نشبه :d

**اكورد بحريني111** · 16-10-2011, 06:03 PM

مرحبا شباب

اليوم شيكت عالاسعار البوتنزا سعره حوالي 560 ريال والتورنزا 850 ريال

يا جماعة احين ايهما افضل ناس تمدح البوتنزا وناس تذم التورنزا ,, والحل يعني نبي نرسي على بر

**Gamer** · 16-10-2011, 08:41 PM

اللي اعرفه انه التورنزا هو الهادئ

شيك على جوجل

**meshoo** · 16-10-2011, 09:20 PM

المشاركة الأصلية كتبت بواسطة اكورد بحريني111

مرحبا شباب

اليوم شيكت عالاسعار البوتنزا سعره حوالي 560 ريال والتورنزا 850 ريال

يا جماعة احين ايهما افضل ناس تمدح البوتنزا وناس تذم التورنزا ,, والحل يعني نبي نرسي على بر

اسعارهم وحده وش الارتفاع العجيب في التورنزا تاكد يالغلآ من السعر

وخذ الكلام من مجرب للنوعين مو من شخص قاري برشور اعلاني للكفر

البوتنزا شيء خيال

**taigr** · 16-10-2011, 10:54 PM

من خلال تجربتي التورنزا اهدأ من البوتنزا بكثير و معروف الكفر الي نقشته رياضية يصير مزعج
طبعًا كفرات بوتنزا نقشتها رياضية و مزعجه بس ثباتها عالي جدًا
و كفرات تورانزا اكثر هدوء وثباتها ممتاز جدًا بس البوتنزا ثباتها اعلى
بنسبه لي كفرات بريجستون تورانزا هي الافضل لكن سعرها غالي وهذا الشي الي يخليني احول الى الميشلان الامريكي او الالماني

**taigr** · 16-10-2011, 10:57 PM

سعر التورنزا مقاس 17 يصل الى 900 ريال في الوكاله

**تألمت بس تعلمت** · 17-10-2011, 12:27 AM

التورنزا مجربه انا مقاس 215 / 60

رهيييييييييب

البرجستون بشكل عام لا يعلى عليه

**الـمـسـافـر** · 17-10-2011, 12:52 AM

انا اتكلم من واقع تجربه للكفرين
التورنزا جربتها لمسافه 60 الف كيلو وهذي مسافه كبيره عشان اقدر احكم عليها

المشاركة الأصلية كتبت بواسطة الـمـسـافـر

السلام عليكم ورحمه الله وبركاته
اسعد الله اوقاتكم بكل خير
كلامي اليوم عن كفرات برجستون تورنزا gr-80
bridgestone turanza gr-80
طبعا الكفرات مشيت عليها الان تقريبا 55 الف كيلو متر مكعب
المقاس 215 / 55 / 16 اكورد 2007
الكفرات انتاج شهر 9 عام 2008 م وشريته بشهر 2 / 2009 م
التقييم العام لها من وجهه نظري كالتالي :
الرساوه = 5.5 /10 << يالبى ميشلان الوكاله على ايام الـ 2007
الهدوء = 9 / 10 وبعد استخدام كم شهر طبعا بدى الصوت يطلع
العمر الافتراضي للكفر= 8/ 10 يعني نقشته للحين كويسه جدا
شكل الكفر من ونقشته ونظرته على الجنط =8 /10
السعر =510 ريال للكفر الواحد << غاااالي على هالكفر
خلاصه الموضوع
السعر غالي نوعا ما على البرجستون تورنزا

طبعا الحين مركب البوتنزا ماشي عليها حدود 35 الف كيلو
الرساوه 9 /10
الهدوء الى الان 7 / 10
العمر الافتراضي 8 /10
نقشته حلوووووه مره شكلها نص رياضي ونص هادي 10/10
السعر بشهر 3/2011 كان 530 ريال

الزبده البوتنزا ابدااااع

**اكورد بحريني111** · 22-10-2011, 01:53 AM

ان شاء الله نازل باجر بركب كفرات

**Albattar** · 22-10-2011, 11:01 AM

والله يا جماعه انا محتار ايش اركب وين ما اروح ينصحوني بالمشلان؟؟
ويش رايكم ؟؟

**اكورد بحريني111** · 22-10-2011, 12:06 PM

شباب وين محلات برجستون بالسعودية؟؟

**اكورد بحريني111** · 22-10-2011, 01:22 PM

شباب اليوم كلمت الوكيل اخر سعر 740 ريال و4 كفرات ب 2960 ريال

تورنزا برجستون سنة 2011

شباب بليز خبرووني وين افضل مكان اروح اشتري انا مستينكم

**Albattar** · 30-10-2011, 12:22 AM

كم سعر البوتنزا ؟؟

**moony-im** · 30-10-2011, 01:07 AM

السلام عليكم ,, ممكن استفسار ,, طيب كفرات الوكالة كم ممكن تدوم من اول استخدام ,, يعني الى كم الف كيلوا
اذا كان الوضع ماشي بهدوء ومافي اي مشاكل ؟؟؟؟؟؟؟؟؟

**هاااوي الاكورد** · 30-10-2011, 08:36 AM

^^^^
من 70 الى 80 الف

**Albattar** · 30-10-2011, 11:07 AM

اليوم كلمت وكالة بريجستون قالولي البوتنزا خالص ما في
والتورنزا 540

الموضوع: محتار بين كفرات البرجستون البوتنزا او التورنزا ؟

أدوات الموضوع

عرض

محتار بين كفرات البرجستون البوتنزا او التورنزا ؟

المواضيع المتشابهه

محتار بين 3 أنواع كفرات

كفر البرجستون تورنتا عجييييييييييييب؟

وأخيراً ركبت التورنزا

يا شباب كفر البرجستون رااااافع ظغطي 225 /60 /16

أخبار الهوندا أكورد 2007 - أخبار سرية مسروقة

مواقع النشر (المفضلة)

مواقع النشر (المفضلة)

ضوابط المشاركة