الموضوع: هل هذا الكلام صحيح عن الاكورد ( الشكل الجديد ) ؟؟؟

شوف من ناحية المقاعد فأنا ظهري مو بس عورني إلا تكسر لدرجة إني صرت أحط مخده صغيره عشان ظهري

ومن ناحية البنزين أنا أعبيها 95 وماشي معاي زي الحلاوه

ومن ناحية قطع الغيار الحمد الله للحين موتري ماشي 80 ألف والحاجات إللي بدلتها كلها إستهلاكية مثل القماشات وزيت غير هذي الأشياء ما غيرت

الله يوفقك

اذا كانت الاكورد تصرف بنزين
اجل ليش نشتريها ؟!!

معليش على المداخلة أخوي ( بلال ) ... من ناحية المراتب ... بس ترا قاسية والله حتى المخمل .... أما بالنسبة للبنزين بالعكس أنا أشوف القديم والجديد نفس الاستهلاك تقريباً .

واللي يقول موتري يشرب بنزين شرب الشر على قولك ... وحدة من الثنتين ... إما إن موتره ما يسويله صيانه وهذا الشيء يأثر أو إنه إستخدامه غير طبيعي للسيارة وكلتا الحالتين سبب لإستهلاك البنزين .

أما جودة السيارة فأفضل من غيرها بفرق مليون سنة ضوئية ... وكلمة بلاستيك شوفها وأنا أخوك على سيارات أخرى بدون ما أذكر اسامي حتى ما يزعلون أصحابها .

وبالنسبة للمكيف يطيح العزم ... فتراها 4 سلندر ... يعني بيأثر عليها بس بشيء بسيط ... وكل السيارات تقريباً تتأثر بالمكيف لأنه يسحب من عزمها بشكل ميكانيكي وكهربائي .

و كل الكلام اللي ذكرته مثل ما قال أخونا ( بلال ) سيارة من صنع البشر يكون فيها عيوب أو أخطاء .

والله يوفقنا وإيــــــــاكــــم

حرام عليك سووها جيب شاص مو اكورد !!

بالنسبة للبنزين والله انها ملكة المصروف انا كل يوم امشي 100 كيلو واعبي كل يوم جمعه !

وسرعتي تتراوح من 120-160

بالنسبة لقطع الغيار قارنها بالتويوتا قريبة جدا

والكرسي اذا مقاعد جلد قاسية شوي لكن مو لدرجة تكسر الظهر !

انا مشاويري طويلة ومعظم وقتي بالسيارة بس مايوم شكيت من ظهري ولله الحمد

اذا تبي اكثر راحة حط تحتك قطعة قماش فرو او لبس المراتب وريح

اما على سالفة البلاستيك ! الكابرس الي كان يتسم بالصلابة شوف كيف صار ..

والشركات الحين كلها تحاول تخفف من وزن السيارة علشان كذا صارت تستخدم الياف صلبة وخفيفة الوزن

اخيرا / علشان ما اكثر الكلام لان فيه تناقض كثير بالموضوع والي قايلك هالكلام او الي مستنتجه ياغالي سلبي اكثر مما هو الواقع

روح اقرب محل اجار واستاجر اكورد اجدد نوع بحدود 150-200 ريال واحكم بنفسك

انا معي اكورد 2008 فل مخمل الصرفية روعة والمراتب اشوفها حلوة
اما بالنسبة للخرابات الاكورد ما تطلب الا قطع استهلاكية مافيه خرابات ان شاء الله
والقطع الاستهلاكية سعرها معقول فالهوندا
وسواقتها ممتعة ما شاء الله


بس مشكلتي مع الفراااامل والدودة :(

من تجربتي للاكورد الجيل الجديد والجيل القديم
القديم
صرفيه اعلى من الشكل الجديد لكن بالقوه والتحمل والسرعه أفضل ولكن قطعها اغلى من الجديده

والشكل الجديد
العزم فيه ضعيف خاصه الاوتو ولكن من 2011 و2012 تحسن الاداء

صرفيه الشكل الجديد للبنزين ممتازه
انا عندي صوره لممشي 500 كم وعداد البنزين تحط النصف بخط صغير جداا
ولكن كل هذه لاتعتبر عيوب
والقطع الاستهلاكيه معروفه
اقمشه وتغيير زيت قير اول مره على 60 الف وبعدها كل 40 الف
وفلتر بنزين كل 80 الف
وفلتر هواء مكينه كل 100 ألف او أقل 80 الف
السيور الجانبيه تتغير كل 100 الف اختياري
وكل 200 الف اجباري وأفضل لك

يعني هذي اغلب الاشياء اللي تحتاج صيانه ولاحظ انها على فترات متباعده
بالنسبه للاقمشه الخلفيه كانت تستهلك كل 20 أو 25 أو 30 ألف
وبعد تغيير الكليبر مع الاقمشه مجانا في الوكاله الان ماشيه 38 ألف ولسا جديده
طبعاالمشكله الاخيره لم اكن اعاني منها

طفشت منكم :d

الكثير هنا لايجيد ما معنى كلمة(مقارنة)..

أيضاً طرح الإيجابيات لا يعني التغاضي المطلق عن السلبيات لكن الموضوع مبالغ فيه..

والأخوان أفادوا بشكل جيد لا داعي للزيادة..

* ثقافة الردود تحتاج الى تطوير في معظم المجتمعات الإلكترونية

عندي 2010 المقاعد مقبولة نوعا ما

البنزين اعبي 95 وحسب رجلك ياحبيبي

القطع غالية والى الان ولله الحمد لم اغير سوى القطع الاستهلاكية فقط

اما الباقي عال العال والحمدلله

الاكــورد جودتها عاليه وخاماتها الداخليه عاليه ومااحد يختلــف على هالكــلآم
صرفيه الوقود عاديه جداً بحكم انها اربعه سلنــدر
قساوه السياره وقساوه المقاعد هذي حقيقه ومااحد ينكرها
العزم طـآيح وبقوؤوؤه لدرجه انها حصلت على لقب بطه الاربعه سلندر :d

البدائــل كثيره وافضــل بحكم السعــر المرتفــع للآكــورد بدون تميز عن باقي منافسيها من نفس الفئه
فورد فيوجــن
شفروليه ماليبو
الالتيما
المازدا 6

اللي ما يطول العنب ,,,,, حامض عنه يقول

السيارة يقولون فيها وفيها..
من بيركب السيارة انت ولا اللي يقولون؟؟
من بيشتري السيارة انت ولا اللي يقولون؟؟

اذا السيارة اعجبتك توكل على الله وخذها
ما اعجبتك السوق مليان وفلوسك معك

الاكورد عندي ما تصرف

مقاعدها قاسيه مع اني موتري مخمل

قطغ غيارها غالي مقارنه بالتويوتا الرخيصة

العزم اوكيه

عن موضوع العزم يوم تشغل المكيف عزم السيارة يقل هذا موجوده في كل سيارة مب بس الاكورد

انا عندي فل جلد والمقاعد فعلاآ تكسسر الظهر وغير مريحة , لكن أخذت لي فرو والحمدلله مرتآح الحين ..

بالنسبة للعزم فحدث ولاآ حرج , وخصوصآ عند تشغيل المكيف ..

صرفية البنزين أمشي 350 كيلو وأوصل يكون البنزين فوق النص بشوية , أشوفهآ جدآ معقولة ...

والحمدلله رآضي تمآم الرضى عنهآ توديني وتجيبني ومرتآح نفسسيآ فيهآ :d

وعليكم السلام
انا بس بعلق على شي واحد

*والبنزين تشرب شرب الشر

:p
WTF
انا اول ماشريتها ماعديت ال 100
مشتني 600 كيلو !! وباقي الربع
يمكن لاني ماعديت الـ100

والحين تقريباً تمشيني
500 او اكثر وامشي 120 -130
!!!

المشاركة الأصلية كتبت بواسطة enad jeddah

نادرا تلاقي احد يعترفلك هههههه

عن نفسي
العزم ضعيف ,, السبب ثقل السياره من جد,,
المقاعد جدا سيئه والى يقلك لااء ( مهايطي اكوردي)
البنزين انا ماجربت سياره ثانيه فتره طويله ,, بس يمشيني 450 بلقوه 95
قطع الغيار نار ومعروف وكل شهر بتزيد ,, اذا نيكل الشكمان ,, الاكسسوار 460 سلامات !
البلاستيك مافهمت >< بس الداخليه اشوفها حلوه ومنااسبه ,, بس ناقصتها التشغيل ببصمه وشاشه حاجات كذا..
لا راحة مقاعد ولا عزل ><..
بس من ناحية الامان الرساوه حلوه صراحه..وال6 في ستاير ايرباق..و12 اعتقد كمان

___

ياخي انت مالك فالسيارات مره دام الاكورد مو عاجبتك ليش شاريها بيعها وريحنا من البكبكه حقتك بعدين لا تتفلسف وتقول اللي يقول مراتبها مو حلوه مهايطي انا اشوف مراتبها حلوه والحمد لله دايم من الجبيل للغربيه واووصل وانا مرتاح يعني 12 ساعه بالخط واخر حلاوه وظهرك شكله مكسر من شيء ثاني

على فكره ترى ماعندي اكورد عشان ما تقول اني جالس اهايط عليك يبو هياط:p

المشاركة الأصلية كتبت بواسطة accord f15

ياخي انت مالك فالسيارات مره دام الاكورد مو عاجبتك ليش شاريها بيعها وريحنا من البكبكه حقتك بعدين لا تتفلسف وتقول اللي يقول مراتبها مو حلوه مهايطي انا اشوف مراتبها حلوه والحمد لله دايم من الجبيل للغربيه واووصل وانا مرتاح يعني 12 ساعه بالخط واخر حلاوه وظهرك شكله مكسر من شيء ثاني

على فكره ترى ماعندي اكورد عشان ما تقول اني جالس اهايط عليك يبو هياط:p

اول شي من متى المعرفه حتى تتكلم بذا الاسلوب ,,؟
ثاني شي معليش اغلب الاعضاء الى قالو المقاعد قاسيه كذابين,,
وحرك من هنا وانا اخوك =)

عناد جده والله يخووك انت وكم واحد من الأعضاء إننا نحاول نعطيكم جوكم قد مانقدر ,,

لكن انا ماقد شفت ناس بالعقليه ذي والنفسيه ذي إنهم يقعدون يشتكون من السياره لدرجة البكاء والنياح
خلاص ياخي الأكورد افشل سيااره
ليه تتعب نفسك وتراقب راعين الأكورد بالطريقه ذي ؟

ترا والله ماراح تتعب إلا نفسك وحناا هالشي مانبيه ولا نبي إلا سلامتك وااناا اخوك

تبي الحل وانا اخوك؟
انت اذكر لنا وش السيارات الي في بالك تحس ودك تشتريها غير الاكورد ونقارنها مع الاكورد
حتى نذكر لك عيب كل سياره وميزتها وبالنهايه القرار الاول والاخير لك انت

^^
يرحم امك ههههه
ياخوي ودي اعرف بس فين شكيت لاحد وقلت اسياره فيها وفيها
الحمدالله مو من الناس ذي,, وابغاك تجبلي كلمه شكيت فيها لاحد,,
اي احد سال وطلب راي بقولو راي ,, ولو في شي مزعلني اقلو من رايي كذا وكذا..
وماراقبت احد,, انسان نزل موضوع يطلب رايي الناس .. طيب ايش لو اقولو راايي؟؟ وطبيعي رايي واحد لاي احد يسال
http://www.hondaarabia.com/club/post549193-45/
شوف ردي هنا..
ولو بتذكرو عيب كل سياره
اول شي لما يجي انسان طالب شوركم في الاكورد
اذكرولو العيوب بصراحه والمميزات,,
ماقصدك انت,, بس ناس بتمدح فيها لحد الكذب
تحياتي لك,, ومشكور ع التعقب
__
ولعلمك,, تراني برضو احب الاكورد:d وشاد حيلي فيها.. واجازة الحج بسويلها تزويد فلتر وهدرز والعيال ><
__

السيارة اللي أكرهها ... من الممكن أن تعجب غيري لحد الجنون .

والسيارة اللي أحبها ... من الممكن أن يكرهها غيري لحد الجنون .

فكل واحد وذوقه في كل شيء فهالدنيا ... فاللي ما يعجبني مهوب جبر علي يعجب غيري ... والعكس صحيح .

وبالاخير يا أخوان تراها كوم حديد ... الله يكفينا شرها بس ... ناس ماتوا من سبب السيارات وناس إنشلوا بحوادث وغيره وغيره وغيره ... ( نسأل الله السلامة ) .

ونصيحتي لكم حاولوا إنه الحديث لا يخرج عن محور معين ، ولا يصل إلى حد الشتم والاحتقار ... حتى أنه يشك القارىء أن من صنع السيارات نحن (( العرب )) .

أرجو العلي القدير لي ولكم السلامة ... وأن يكفينا مصارع السوء .

دمتم بخير وسلامة ... آمــــــيــــــــــن .

بسم الله الرحمن الرحيم

قبل لا أعطيك رأيي الخاص والملاحظات اللي حاب تستفسر عنها يا أخي الحبيب :
أحب أقولك أن المسألة في الأول والأخير هي مسألة ذوق وقناعة وأنت من يحدد قناعاتك الشخصية .

المقاعد أو المراتب
بكل أمانة وصراحة فيها قساوة بعض الشيء ولكن هناك حلول بديلة وفي نفس الوقت تعتبر جيدة جدا

قطع الغيار
تويوتا اللي أزعجونا الناس فيها برخص قطع الغيار أصبحت الأن غالية وجودة سيئة
ولو عملت مقارنة الأكورد مع الكامري ستجد أن هناك تقارب في الأسعار وبإمكانك تأخذ تسعيرة للكامري والهوندا وراح تشوف تقارب بالأسعار .
لا تنسى كذلك أنك إذا أنت موظف أو طالب فالموظف لن يشتكي من الأسعار لأنه يستطيع أن يوفرها بنفسه بينما الطالب راح يواجه مشاكل في الأسعار وبالتالي يرى أن الأسعار غالية .

صرفية البنزين
أتكلم عن تجربة شخصية وهي أني أسافر من المدينة إلى جده حوالي 400 كلم وأمشي بسرعة 160 إلى 180 والمكيف شغال وعند وصولي لجده يبقى تقريبا النص أو أقل بقليل ..!!

الرساوة والعزم
أهم ميزة بالأكورد هي أنها قمة في الرساوة وصدقني مافيه فرق بين 120 و180
أما العزم فالسيارة ماتنفع مطارحات وقومات وخرابيط وهذي ميزة لها بأن تحافظ على سيارتك
أما في الخطوط الطويلة فالسيارة تعطيك عزم حتى الفصلة ..

الديكور الداخلي
قمة في الإبداع والتصميم ونجاح باهر للشركة في تصميمه ..!
ولك أن تقارنها بالأوريون على سبيل المثال ستجد الفرق كبير وليس هناك مقارنة .

أتمنى إني أفدتك ولو بشيء بسيط وفي النهاية المسألة هي قناعات شخصية
محبكم / أنيس

ارجو ان ياخذ كلامي بسعة صدر

ترى موضوع المقارنات و الانطباع عن السيارة لا تقدم ولا تاخر لدرجة ان بعض المنتديات تغلق هذه

المواضيع .

تحياتي