سويت حادث اليوم وتكسر زجاج السياره مشورتكم شباب

**green devil** · 24-10-2011, 11:28 PM

السلام عليكم

اليوم سويت حادث وتكسر زجاج السياره الأمامية والكبيره ... وخفسه في الكبوت بس هذا الي شفته قبل ماتشيلها السطحه .والحمدلله. لو ما العازل ولا كان ... الله ستر والحمدلله

بكره ان شاء الله بخلص اورقها وان شاء الله استلمها وابقى اركب الزجاج الأماميه الكبيره والخلفيه بكم اسعارهم .. الأصلي الوكاله بكم ؟ ولو في محلات بكم درجه اولى ؟! نصايحكم شباب .. مكاني الخبر بطلعها ان شاء الله وبغير في صناعية الخبر لان مستحيل بمشي فيها لين الدمام

**majood AL-azwari** · 24-10-2011, 11:38 PM

الحمد لله ع السلامه والحديد يتعوض

اتذكر وان شاء الله يخيب الظن انها ب 2000 ريال الامامية الكبيرة

وبرا بتحصل من 300 الى الخ

**green devil** · 25-10-2011, 11:20 AM

تسلم اخوي والله لحد الحين مارحت الوكاله بس احتمال اكلمهم واركب الاماميه بس عندهم

**راعي هوندا99** · 25-10-2011, 12:13 PM

درجة أولى أمامي ب300 أو 400

أنا سبق ان تكسر زجاجي الجانبي وركبت درجة أولى وأشوف أنه جيـــــد >> السيارة مش أكورد

**يزودي** · 25-10-2011, 12:42 PM

الحمد لله على السلامه أنا مغير القزازه الاماميه قبل اسبوعين في الوكاله كلفتني 2840

**green devil** · 25-10-2011, 01:57 PM

المشاركة الأصلية كتبت بواسطة يزودي

الحمد لله على السلامه أنا مغير القزازه الاماميه قبل اسبوعين في الوكاله كلفتني 2840

مشكورين شباب

صراحه واجد 2850 يعني 3000

بس بسألك اخوي .. هل نفس الي جات من مصنعها اول مره يعني نفس يوم ماطلعتها من الوكاله ! نفس النوعيه وكل شي ..
!

اليوم ان شاء الله بروح الدمام لان فيه محلات اكثر والأنواع اكثر .. وفيه ناس مدحوا لي النوع الأمريكي وسعره يكون اعلى من الفنلندي بشوي

ربك يسهل

**enad jeddah** · 25-10-2011, 02:30 PM

^^
اول شي حمدلله ع سلامتك
ثاني شي
نصييحه والله ,,
ركب قزاز درجه اولى ب300 وحولها يكون طبقتين زي وكلات السيارات>>
افضل من قزاز الوكاله..
خاصه الهوندا القزاز جدا سيئ ومعروف محلات تصليح القزاز بالليزر انو يتصلح.. اقل من اسبوع الخط يمشي ثاني
اسأل اي احد محل قزاز ويفهمك اكثر لا تسأل ناس ماعندهم اي خلفيه غير كلام الناس
...

**جاكي2** · 25-10-2011, 02:46 PM

الحمد لله على السلامه وماتشوف شر

بالنسبه للقزازه الاماميه انا مغيرها 380 ريال درجه اولي

بس اهم شي التركيب
لانه في عماله تركبها ويصير فيه تنسيم وبعض الاحيان اذا كان التركيب بدون تنسيم
تلقي الجلده اللي على التنده متموجه يعني ماهي على استقامه واحد

لازم تشوف عماله ممتازه في التركيب

**5aled** · 25-10-2011, 02:46 PM

اول شيئ الحمد لله على سلامتك

نصيحتي لك ركب اصلي انا اشوف انو 3000 مو خسارة في سلامتك وسلامة اللي معك من اي مكرووه لسمح الله

يكفيك انو الاصلي يكون متلاحم مو مثل التجاري تطقه بقوة يتطشر عليك والاصلي ما يطيح الا بالقوة وغير كذا يكون كومة زجاج مو متناثر ويطش في الوجه

خذ بنصيحتي وان شاء الله ماتندم

**فـــيـــصـــل..607..** · 25-10-2011, 02:59 PM

السلام عليكم

اول شي الحمدلله على السلامه ,,

ثانياا ياطول العمر والسلامه

انا مركب قزاز امامي من شارع الملك سعود ضمان سنه فرلندي حليووو ولاشفت منه شي ابداا ابداا الحمدلله يارب

الشغل كان ممتاااز جداا
والحين عدت سنه وشهرين ولافيه شي

نصيحه يخوي إذا انت كاش ودفيع اشتر من الوكاله ما اقول لك لا

إذا وضعك مثل وضعي :d

:o:p

,,اشتر لك فرلندي بـ300 ريال وحب كفك وجه وقفـا

**green devil** · 25-10-2011, 04:33 PM

ربي يسلمكم ماقصرتوا والله
مشكورين شباب .. وذكروا الله هالشي مايستاهل المشاكل ..

الليله بروح الدمام واشوف يقلون فيه وكيل هناك بعد تويوتا شغله اغلى لاكن مضمون لان شلت الوكاله من راسي صراحه .

**يزودي** · 25-10-2011, 07:12 PM

المشاركة الأصلية كتبت بواسطة green devil

مشكورين شباب
صراحه واجد 2850 يعني 3000

بس بسألك اخوي .. هل نفس الي جات من مصنعها اول مره يعني نفس يوم ماطلعتها من الوكاله ! نفس النوعيه وكل شي ..
!
اليوم ان شاء الله بروح الدمام لان فيه محلات اكثر والأنواع اكثر .. وفيه ناس مدحوا لي النوع الأمريكي وسعره يكون اعلى من الفنلندي بشوي
ربك يسهل

ماحسيت فيه فرق يوم غيرتها زي الاوله

**green devil** · 25-10-2011, 09:20 PM

والله احترت انا. :/. ^. كم تاخذ وقت تركيب الوكاله ؟!

**MTS** · 25-10-2011, 09:59 PM

خذ الوكاله احسن بس اظني ياخد وقت عشان التركيب والميزانيه التركيب

**green devil** · 25-10-2011, 10:36 PM

احتمال اركب الامامية في الوكاله والخلفيه من بره. شرايكم ؟!

**meshoo** · 25-10-2011, 11:59 PM

وعليكم السلام

الحمد لله على السلامه

الخلفيه فيها حق الرطوبه وماينفع مع التجاري بس يمشي الحال

وبعدين ترا التجاري بشكل عام سواء الخلفي او الامامي يجي فيه زي تموج الالوان اذا انعكس فيه الضوء مأنصحك فيه بصراحه

عندك النعماني موزع قطع غيار هوندا اطلبه يجيبها لك من الوكاله وشيك على فواتير الوكاله عشان تتأكد ويعطيك خصم 20% على سعر الوكاله

**معاند الكورد** · 26-10-2011, 12:02 AM

الحمد لله على السلامه

**green devil** · 26-10-2011, 09:56 AM

توني رجعت من الوكالة. وخذت الاسعار الاكيده بعد الخصم طبعا
سعر الامامية. 1520. وسعر التركيب 870. ً=2390
سعر الخلفية. 1274. وسعر التركيب. 870. = 2144

التركيب ياخذ 3 ايام

ليش 3 ايام يعني

استغفر الله

صرت جذي

ابي اسويهم قبل العيد

**مجوووودي** · 26-10-2011, 10:03 AM

الحمدالله ع السلامة :d

كنت بعطيك الاسعار بس سبقتني ;)

**Accord F15** · 26-10-2011, 10:16 AM

الجمك فيصل خلاص كفايه

**الـمـسـافـر** · 26-10-2011, 10:26 AM

خذها وكاله وركبها عند محل كويس بـ 100 - 150 ريال

**green devil** · 26-10-2011, 11:07 AM

^^
هذا. رايك اخوي. المسافر.
جاة في بالي الفكره :/

**Accord707** · 26-10-2011, 11:24 AM

معوض خير ان شا الله

انا قبل 4 أشهر مركب الامامي ب 3200 ريال موديلها 2010
بس الحمد لله كنت مأمن تامين شامل
اخذت حول الاسبوع مع التأمين

بس قبل شهرين بعت السياره :(

والله مشتاق لها وتمنيت اني ما بعتها

الحمد لله على كل حال

**green devil** · 27-10-2011, 12:23 PM

اشتريت اليوم الزجاجه الأمامية من الوكاله بـ 1520 ريال بعد الخصم

والخلفيه مافيه حاليا قالي طلبية من جده وتوصل السبت الظهر او الأحد خليته يسوي الطلبيه .. سعرها 1270 ريال بعد الخصم

شباب سعر السيليكون في الوكاله الـ tube الواحد بـ 260 ريال .. شرايكم اشتري السيليكون من الوكاله (صناعته يابانيه يقولي) ولا اركب من بره .. الي متوفر عند محلات الزجاج سعره 15 ريال (الماني الصنع*

رايكم شباب؟!