المشاركة الأصلية كتبت بواسطة صديق هوندا
شف يا أخي .. الأخوان ماحيقصرون أبدا
وتأكد أنه مع كتيب المستخدم في السياره كتلاقي قسم يتكلم عن العنايه بسياره .. ( أستفد منها )
وعندي بصراحه كذا نصيحه :
أولا أستفد من الصيانه المجانيه من الوكاله وحيكون مع السياره كتيب الضمان و الفحص فيها .
ثانيا : تعامل عند تغييرك لزيت المكينه و السيفون مستقبلا من عند ورشه تعرفه حتى يكسبك كـ زبون و لايخسرك و يحترم سيارتك مثل ما أنت زبون عنده ولاحيخسرك بهتمامه لسيارتك
ثالثا : تأكد أن السيارات الحديثه تغيرت كثير .. فهي ليست قويه الهيكل أو التحمل ( بمعنى ) كن حضاري جدا في السياقه فهذا يدل على وعيك أمام الناس و تحفظ نفسك و الآخرين من أخطار الطريق بهتمامك ( بس لا تصير سلحفاة على الطريق ؟! ) خلك عادي
رابعا .. فيه مشكله بيعاني منها شباب الوقت هذا وهو ( لازم لازم ) يطلع كل عصريه للفرفره بشوارع أو إذا أمطرت طلعت بسيارتك .. وتذكر هنا أن الأكورد نازله جدا للأرض .. لا تطلع في الأمطار إلا للضروره و حتى تحفظ سيارتك من الماء و المستنقعات فسيارتك كلها كهرباء في كهرباء .
خامسا زي ماتعطيك السياره .. فأنت عطها بهتمامك بتغييرك للزيوت بحسب المتبع
سادسا والأهم .. فإذا أنت حافظت بسيارات حتكون مستفيد من شيئين :
أنك تثق بسيارتك بأي وقت تحتاجها ( مثل سفر طارىء أو أنك تسلمها لأنسان عزيز عليك ) و تكون أنت وعائلتك داخل السياره بأمان بأهتمامك مسبقا بسياره من زيوت و كفرات و نظافه
و الحاجه الثانيه أنك لما تبغى تبيعها تلقى الكل يتهاتف عليها و تحافظ على سعرها ( هذا إذا طاوعت نفسك ببيعها )
** وخل عنك الملصقات و الأكسسوارات إلي أشوفها مالها أي معنى و تخليك بشارع كأنك مهرج
أذكر أذكارك لما تركبها و أزل أي شيء فيها تدل على أنها جديده مثل الورق و القراطيس فهي تخرب البويه و تسبب القراطيس على الكراسي حراره في الجسم وتجيب لك عيون الناس
وافضل لو توديها لمحل تضليل حراري و وتأكد على حقين المغاسل أنهم مايمخشون القزاز لأن فيها تضليله لانه إذا أنمخشت .. تنعدم عيونك بليل من أنوار الشوارع و السيارات ( هذي من تجربه شخصيه ) ، و سخن سيارات بما لا يقل عن دقيقتين في الشتاء أو الصيف لما تكون بارده
لا تنسى .. سيارات الأكورد واطيه كثير .. لا تمشي فوق المطبات بسرعه خصوصا وأنت محمل ركاب أو أغراض
* و تذكر .. مع أهتمامك فأنت الكسبان و الربحان ( ماديا ونفسيا )
مبارك عليك
رد مع اقتباستحياتي لك
اكورد 2012 جديدة
ضوابط المشاركة
مواقع النشر (المفضلة)