ابتهور ياشباب مشورتكم الله لايهينكم

**أكوردي 2009** · 09-12-2011, 12:06 PM

السلام عليكم ورحمة الله وبركاته
اخواني اعضاء نادي محبي هوندا انا حصلت كامري رياضيه se 2010 ماشية 70 الف فل كامل بس انها قير عادي ابابادله راس براس بالهوندا ...اكورد 2009 اسبيشل ماشيه 100الف ... انا بصراحه كرهت الاكورد من كل النواحي
تكفون ابي مشورتكم الاكورد انا مابيها ابي اي سياره غيرها وحصلت الكامري قلت حلوه خصوصا قطعها رخيصه علما باني لسا طالب
تكفووون عجلو علي قبل لاتطير السياره

**تألمت بس تعلمت** · 09-12-2011, 02:54 PM

وش سبب كرهك للأكورد ؟

ومانصحك بالكامري لانك بتندم على بيع الاكورد

اذا صامل على التغير خلك على الالتيما حلوه من خلال تجربه

رساوة ومواصفات

**كوورد** · 09-12-2011, 03:03 PM

نصيحة لا تشتري الكامري لانك راح تندم بعد فتره بسيطة لانها مافيها مواصفات من موديل97 الى 2012 مافيها الا زر الفليشر وللمعلومية قطع غيار الكامري ليس رخيص

**أكــــــــــورد11** · 09-12-2011, 03:37 PM

تبي النصيحه سيارتك افضل مادام انك نادم انك ماخذ الاكورد وبتاخذ الكامري بتندم اكثر
الاســـــــــــــــــــــــــعارمتقاربــــــــــــ ــــــــــــه ولا فيه فرق كبير ...

**أكوردي 2009** · 09-12-2011, 03:39 PM

طيب ومشورتكم يا اخوان وايش السواه

**ملك قوقل** · 09-12-2011, 03:58 PM

السواه انك تستخير الله في كل امورك والله يكتب لك الخير ان شاء الله

**دنيآ الغرور** · 09-12-2011, 08:00 PM

سيارتك سعرها بحدود 60 الف ممكن تزيد او تنقص شوي حسب النظافة ..

لكن الكامري اس اي اعتقد أغلى من كذا .. ولازم تشوف مسالة الاسعار !

احسبها من الناحية المادية ولاتستعجل ، في حال لقيت انها مكسب استخر الله وتوكل عليه وان شاء الله خير

في حال لقيت انك مغبون ، بيع سيارتك بالقيمة الي تجيبها وتشتري بعدها كامري او ماترغبه بشكل مستقل

أنا قبل شهر تقريبا جاني عرض واحد يشتري سيارتي بـ 70 ألف لكني استخرت ومانشرحت ، ومابعت .. مع انها مكسب من 5 الى 7 الاف ـ بس حسبتها لو بشتري سيارة بـ 60 الف واحدث مثلا بدفع عليها على الاقل 10 الاف للاشياء والتعديلات الي موجودة بسيارتي ، وبهذا ماستفدت شي.. فبقيت عليها اضمن لي ..

والله يختارلك كل خير .

**accordyon** · 10-12-2011, 09:05 AM

خصوصا قطعها رخيصه

حبيت اعلق ع هالجمله بس
قطع الكامري مهب ارخص من الأكورد وروح محل قطع غيار تويوتا واسأل عن بعض القطع
وبتشوف اذا هي مو اغلى مو ارخص
واخيرا ً خلك على مجنونك ليجيك اجن منه

**عمر 9889** · 10-12-2011, 11:48 AM

عاد كامري وقير عادي ترى العادي لوحده مشكلة
وبعدين الكامري ابداً ليست افضل من لاكورد واتوقع اذا اخذتها راح تندم
واسعار القطع ترى متقاربة واسعار الهوندا معقولة خصوصاً ان الواحد يغيرها ولا عاد يفكر فيها

**ابو امين** · 10-12-2011, 02:58 PM

يا رجال فرصة العمر لاتفوتك ..
بالله السبشل وش فيها مواصفات ...
الكامري قطع رخيصه . بعكس الاكورد كأنها بي ام من زود الغلا .
الكامري طياره خصوصا القير العادي .. بعكس البطه الاكورد
انا كان معاي سبورت والله ندمت عليها , اخذت الاكورد كأني مشتري يارس ..

**أكوردي 2009** · 10-12-2011, 03:28 PM

الله يعطيكم العافيه وماقصرتو

**alkasr777** · 10-12-2011, 03:29 PM

المشاركة الأصلية كتبت بواسطة ابو امين

يا رجال فرصة العمر لاتفوتك ..
بالله السبشل وش فيها مواصفات ...
الكامري قطع رخيصه . بعكس الاكورد كأنها بي ام من زود الغلا .
الكامري طياره خصوصا القير العادي .. بعكس البطه الاكورد
انا كان معاي سبورت والله ندمت عليها , اخذت الاكورد كأني مشتري يارس ..

طيب ليه كذا :(

و من قالك قطع الكامري رخيصة

القطع الإستهلاكية (فحمات و فلاتر ...الخ)
نفس أسعار الأكورد ما تفرق و القطع الثانية مقاربة جدا للأكورد
لكن في بعض القطع مبالغ في سعرها

و اخوي صاحب الموضوع
أنا أشوف انك تستخير ربك و خلك على الأكورد بسبب الكامري جير عادي
بيتعبك كثير و الأكورد أفخم بكثيييير من الكامري

**مجوووودي** · 10-12-2011, 03:52 PM

انا اقولك ليش كرهت الاكورد :d

لانها ستوك ع وكالتها :d << خش بعينه :p

حاول تغير فيها من ناحية الشكل بين فتره وفتره :d

راح تتغير وجهة نظرك فيها

**kakashi-san** · 10-12-2011, 11:25 PM

عليكم السلام ورحمةُ الله وبركاتة ..

ان كان سيارتك على يدك من الوكالة

فالأفضل انك تستخير ، لان بيعة السيارة صعبه اشوي خاصه إذا كنت مطلعها من الوكالة ..

والكامري حلاتها تاخذها قير تماتيك ، لان القير العادي غير مرغوب ابداً ..

والأفضل انك تسأل محلات قطع الغيار وتقارن بين أسعار القطع الغالية وتشوف الفروقات ..

والله يسهل أمورك ..

**أكوردي 2009** · 12-12-2011, 04:05 PM

الله يعطيكم العافيه
كل الحكايه ياجماعة الخير ان سيارتي من يوم ماطلعتها من الوكاله بس اغيرلها زيت واعبي بنزيم يوم وصلت 100 الف قلت ابغا اهتم فيها يوم اني حسبت الحسبه طلعت علي اكثر من 5000 ريال ...؟
تخيلو 5000 بس قطع استهلاكيه وربي صفقه يعني قول السياره جديده مابدت تطلب الا بعد 100الف بعد كذا بتطلب بعد 50 يعني يبغالها ميزانيه لحالها
بالنسبه للاخ الفاضل الي يقول حاول انك تغير فيها ابشرك اخوي مافيه شيء الا ركبته من جنوط وشاشه ونياكل وجلد خليتها افل من الفل كامل
عموما الله يعطيكم العافيه وكفيتو و وفيتو

**أكوردي 2009** · 12-12-2011, 04:08 PM

اوف نسيت المهم
واحد من العيال معه كامري 2009 ويقول انها تشرب زيت ويقلي احمد ربك ان معك هوندا ...صراحه حسيتني واصل ...
ابغا ازبط سيارتي الله يكتب الي فيه الخير

**أكورداوي** · 12-12-2011, 04:41 PM

اذا 5000 ريال كل 100000 كم فهذا شي عظيم جدا .. وما أقول الا ماشاء الله تبارك الله ..

يعني انت مريح راسك سنتين أو 3 سنوات .. وبعد كذا تدفع مبلغ يعتبر بسيط نوعا ما لو قارنته بالسيارات الثانيه ..

هذا شي ,,

الشئ الثاني ال 5000 ريال مبالغ فيها عزيزي .. لأن كل 100,000 كم تحتاج الى تغيير التالي :

1- سير الماكينه الخارجي
2- فلتر الهواء
3- لو كانت البواجي مطوله تحتاج تغيير
4- لو كان زيت القير مطول يحتاج ايضا لتغيير
5- القماشات حسب حالتها

وغير كذا ماتحتاج فلايضحكون عليك الوكاله بأشياء ثانيه ما انزل الله بها من سلطان .. وهذي سياستي مع سيارتي الـ 2005 والحمد لله ما اطمح اني أغيرها الا بسياره أفضل منها من ناحية قوة وفخامه أما من ناحية تحمل وجوده فبالعكس راح اندم كثير لو فرطت فيها ..