صباح الخير والجوري وحين يقوم عصفوري :(
وكان اخوكم فيصل راجعن من الريااض يتسحب على الخط لحاااله مامعه إلا نفسه ويقلب بذاا الجواال اتفرج على الصور واغير السيديااات واطق طق رقبتي اشوف احد نايم ادق عليه ازعجه مالقيت احد ,,
ولقد كانت رحله عجيبه فلقد طلعت من غرفتي متجها للرياض في تمام الساعه في حدود 3
ووصلت الرياض على 7
العلم وانا اخوكم إن المراوح حقة الأكورد فصلت علي واكتشفت هالشي من الحراره
ولا ادري وش السبب للحين
علما إن المراوح تشتغل مع المكيف
طبعا الكبوت راح من المراوح
كلكم بتقولون كيف؟
انا اقولكم كيف
مو انا راجع من الرياض الساعه 2 الليل ؟
يوم إني وصلت على خط الجبيل الدمام
قلت اوقف قبل راس تنوره اعبي بنزين
طبعاا دايخ وتعباان وباقي على سريري بالضبط 25 كيلو وجاالس افكر بالنوم والبطااانيه ولكن سبحاان الله
قلت افتح الكبوت واشوف المويه وهيك يعني مسوي خبير وفلسفه
المصيبه إني مارجعت سكرت الكبووت زيـن :d
ودخلت البقاااله وشريت لي موية بنص وفول سوداني بنص رياال <<<<رجع مطفر من الريااض
يوم إني عبيت بنزين وانا طالع ولا امداااني امشي 80 او 100 ما ااذكر بالضبط
قال الكبوووت إلا اني اعطيك خشم ويفتح ويرجع بكل قوته ويرقع بالكزازه الأماااميه
وانا إلي انفجع الدنياا ظلمت قداامي وجلست سااعه ادور الخط وين رااح
ولا استوعبت إنه الكبوت إلا بعد فتره من الصدمه واطلع راسي من الدريشه في ذاااك البرررد :(
وادوور على الخط لين لقيته وربك لله الحمد مافيه إلا انا بالخط حتى المجانين وسواقين التريلات ناييمين ويوم ثلاثاء يعني محد درى عني :(
و اوقف بجانب الطريق <<<<منت بسيط :d
وانا إلي اسوي زي الأفلام واقعد اشوت بالأرض إني مقهوور
وسويت نفسي اشر ساعه
ساعتين
ثلاث ساعات
ولا احد وقف لي
كل من شافني بعيد قال هذاا ياسكران او إنه شارب :d
وقفت سيارتي عند راس تنوره ودقيت على واحد من الشباب براس تنوره الله يعطيه العافيه ويوفقه ياارب
قلت له ناايم صح؟
قال وش رايك انت؟
قلت له فز ياذيباان تعاال لي عند المخرج و ودني بيت امي :(
خليت السياره إلي يوم الغد
ولقد ذهبت إليهاا ومشيت فيها وقد تكسر القزاز في مكاانه
وانا رايح اوديهاا عند محل القزاز حطيت على فخوذي سجادات وبطانياات عشان لو القزاز طااح مايعور اشياء خااصه ويدي بسيطه لو جاهاا شي :d
العلم سلمكم الله المراوح وش سالفتهاا ماتشتغل إلا مع المكيف ؟
ثانيا الكبوت اسمكره ,,اشتري جديد ,,,تشليح,,,؟<<<ضع دائرة على الإجابه الصحيحه :d
قالوا لي سمكره مايضبط وما ادري ايش علما إن في ورش سمعتها قويه بالجبيل قالوا ازهلهاا
جديد ماودي اروح وانصدم من السعر ,,خصوصاا إنناا بنص الشهر ورايح الريااض وصرفت صرفيه وبذرت بالفلوس يمكن 150ريال صرفتهاا هنااك<<<<لا ويبي كبوت جديد :d
اولا واخيرا الحمدلله القزاز ماطار بوجهي وإلا كان دخلت على اهلي وحاط على جبهتي من صاحب هذه الصوره :d
ركبت قزاز فرلندي 4 ملم وممتااز جدااا
شوركم بالكبوت وبالمراوح إلي كانت سبب في اثارة شكوكي
ما ودي اقول لو
بس يعني لو كانت المراوح سليمه مافتحت الكبوت ونسيته
لاتقولون كيف نسيته انا انساان صااير انسى بسرعه هالأيااام وانشغلت وفكرت ودخلت البقااله وعطيت المحااسب فلوس ونسيت إني فتحت الكبوت وماسكرته زين وصاار إلي صااار والحمدلله جت على كذااا علما إن الكزاز في اجزاء منه تطايرت على الطبلون <<<امش يبو تطايرت
وتعرفون آخر الليل و هواجيس وسوسه وحفرياات بالخشم خصوصاا بالبرد كلهاا عوامل خلتني انسـى :(
وياليت احد يواسيني ويقول إنه نسى وصار كذاا عشاان احس إنه في دلوخ بالعاالم مثلي ونسوي قروب لحاالناا :d
اوووف الحمد لله على السلامه وما تشوف شر والله يجعلها اخر المصايب وموديل سيارتك 2005 مالها داعي تشتري كبوت جديد سمكره افضل خصوصا انك مطفر:d<<<وش دخلك
والحراره فيه احتمالات تاكد من الراديتر يمكن يبيله تسييخ
الشي الثاني يمكن دينمو المراوح بيودع واذا كان سليم يمكن من الطرمبه المويه والله يسهلك دربك
اذا انت صاير تنسى هالايام مالك الا الزواج ولا راح تنسى باذن الله
وفي مثل يقول اللي ماخذ قلبك يتهنا به اكيد انك عزوبي<<طيحت الميانه
لاحول ولاقوة الا بالله مدري اخاف اضحك ويصير لي مثل ماصارك ..موقف لاتحسد عليه ابداً خلنا ساكتين ابرك :d
والله لو تشوف التشاليح اكيد تلقى واكيد الهديروليك حق الكبوت راح بعد عليك
^^^^
+1
ياشيخ بلا زواج بلا هم خلنا في موضوعنا تكفىالمشاركة الأصلية كتبت بواسطة مبارك عبدالله
اوووف الحمد لله على السلامه وما تشوف شر والله يجعلها اخر المصايب وموديل سيارتك 2005 مالها داعي تشتري كبوت جديد سمكره افضل خصوصا انك مطفر:d<<<وش دخلك
والحراره فيه احتمالات تاكد من الراديتر يمكن يبيله تسييخ
الشي الثاني يمكن دينمو المراوح بيودع واذا كان سليم يمكن من الطرمبه المويه والله يسهلك دربك
اذا انت صاير تنسى هالايام مالك الا الزواج ولا راح تنسى باذن الله
وفي مثل يقول اللي ماخذ قلبك يتهنا به اكيد انك عزوبي<<طيحت الميانه
لا تقلب المواااجع :d
بخصوص سؤالك إني عزوبي واحد كاتب الموضوع الساعه 4 الفجر تتوقع إنه متزوج ;)
اكيد إنه عزووبي ومطفر بعد من كل الحالات والجهات :d
الراديتر سليم اقول لك المراوح ماتشتغل إلا مع المكيف بس
تبي تضحك خذ راحتك مسموح :d
لأني اول واحد ضحكت على نفسي
ياخي ايقنت من جد بعدهاا إني صرت انسى ودلخ :d
تخيل ما اتذكر المخاارج إلي ابي اطلع منهاا إلا إذا جيت اتعداهااا وعلى هالحااال في آخر لحظه اتذكر إني ابغى المخرج ذاا واحذف من اليساار لليمين وعلى البركه والله :d
تشااليح الشرقيه يالله تلقى اكورد وإذا لقيت تلقى حتى الشماسه انبااعت منهااا
بالضبط كلامك صحيح مشكور على المشاركه المفيده :d
يارجال الحمد لله على السلامه وعسى ان تكرهوا شيئا وهو خيرا لكم
واذا كان الكبوت اصلي وما تاثر كثير سوي له سمكره اما اذا العكس خذلك واحد نظيف من التشليح
اما سالفة الخط يوم انك تدوره ساعه وين رايح وربي فكيت ضحك مو طبيعي مع الصبح
الله لايبلانا ......... جالس يتشمت :d وصارت معاي قبل سنه
ان شاء الله اخوي فيصل تكون اخر الاحزان
ابو ماجد
سبحان الله وبحمده سبحان الله العظيم
الحمد لله على سلامتك وجات سليمه الحمد لله عموماً
امس كنت بالتشاليح ولقيت اكورد 2006 نضيفه اذا مايفرق خذ الكبوت منها والظاهر فيه كم وحده 2005 بس انت روح تأكد التشليح اللي اقصده بعد تشليح البلادي طبعاً البلادي فيه اكثر من واحد بس اكشخ واحد اللي في بداية التشاليح هذا اللي اقصده تخليه على يسارك وتروح سيده يجيك حرف t خذ يسار تلقى الاكورد على يسارك او يمينك بعد مومتأكد بس اللي متأكد منه اني شفتهم امس حتى اللي يبي بيبان اكورد ولا انوار خلفيه لـ 2008 وفوق موجوده بتشاليح الدمام نضيفه مره لأن الصدمه جايه بالوجه وبس
آسف على الأطاله
حمدالله على السلامه
انا كنت احسب نفسي اكثر واحد ينسى بس طلعو في ناس اعدا مني :d
وموضوع الكبوت انا افضل انك تشتري كبوت جديد افضل
وموضوع الحراره المروح اذا كانت ما تشتغلى الى مع المكيف هذا يعني انه فيه مشكله في حساس المروح السرعه الاوله ما تشتغل
الحمد لله على السلامه
عطنا صوره للكبوت عشان نقيم الوضع
يقول ابليس لله عز وجل
( وعزتك وجلالك لأغوينهم مادامت أرواحهم في أجسادهم )
ويقول الله تعالى
( وعزتي وجلالي لأغفرن لهم مادامو يستغفرونني )
استغفرك ربي واتوب اليك
شاشات ستيل كول قوقل اندرويد 3g - wifi - full hd للاكورد 2008 - 2012 تفضل بالدخول
زنـــون اللكــــزس 4300k 55w خصم 15% وشحن فيديكس مجانا لفترة محدودة
يا رجال الحمد لله على السلامة
انا اشوف انك تسمكر الكبوت
وو
النسيان موب انت لحالك تنسى عن نفسي انسى اغراض البيت وانسى كتب الجامعة بالبيت :d
تحب اكمل ولالا >> بينطق :d
اما المرواح شيك على الاسلاك ممكن مفصولة حصلت لي وسواها لي خويي لقاها مفصولة :(
فلم هندي :d
انصحك تعرض قصتك المحزنة ع مخرج افلام هندية :d
انت تقول تنسى كثير
اتوقع عندك مرض الزهايمر
تعرف فلم الزهايمر لعادل امام :d
هو نفسه تنسى وزي كذا يعني :d
الله يسلمك يابعدهم
لكزس اجل
ينطيك خيرها ويكفيك شرهاا
الكبوت ما تأثر اصلا مو واضح للعياان<<<<يمديك على العيآآن ترا توني قاريها بشريط الأخبار
المهم يوم صارت معك وش سويت هنا السؤال ؟
وخل الضحك لا تصير معك باللكزس الله لايقوله :d
يعطيك العاافيه حبيبي وبيض الله وجهكالحمد لله على سلامتك وجات سليمه الحمد لله عموماً
امس كنت بالتشاليح ولقيت اكورد 2006 نضيفه اذا مايفرق خذ الكبوت منها والظاهر فيه كم وحده 2005 بس انت روح تأكد التشليح اللي اقصده بعد تشليح البلادي طبعاً البلادي فيه اكثر من واحد بس اكشخ واحد اللي في بداية التشاليح هذا اللي اقصده تخليه على يسارك وتروح سيده يجيك حرف t خذ يسار تلقى الاكورد على يسارك او يمينك بعد مومتأكد بس اللي متأكد منه اني شفتهم امس حتى اللي يبي بيبان اكورد ولا انوار خلفيه لـ 2008 وفوق موجوده بتشاليح الدمام نضيفه مره لأن الصدمه جايه بالوجه وبس
آسف على الأطاله
الدمام فيها تشاليح؟
مافي إلا على خط بقيق ويابعدهاا مالي خلق امسك خطوط طفشت :(
لكن إن شاء الله إني بطلع وبشوف
ماتدري او محد يدري كم سعر الكبوت جديد للـ2005؟
يارجال انا يقول لي النسياان يرحم امك فكني شوي ابلشتني خلني بحاالي :d
فرضاا يعني إني بشتري كبوت جديد كم تتوقع قيمته عشان لا تصدمني وتسبب لي انهيار في الأعصاب الماديه
اقل من الف ريال او اكثر ؟
ابشررر بأقرب فرصه
اختلف العلماء
ناس يقول سمكر
ناس يقول اشتر جديد
وكلهاا ااناا إلي بدفع <<<يعني تبيهم يدفعون لك بعد :p
يارجااال من ناحية اغراض البيت عسااك سالم بس ليومك كل ما قالوا لي اهلي جمب كزبره جبت بقدونس
حتى لو تذكرت إنهم قالوا كزبره ما اعرف افرق بينها وبين خويتهاا واجيب بقدونس ,,
وبعض الأحياان إذا نسيت خميت كل شي اخضر قداامي وجبته البيت عشان لا ارجع مره ثانيه البقااله
خير ان شاء الله
ما قصروا الشباب نبغى نقول شيء لكن كل اللي بقوله قالوه >>>يا زينك ساكت :d
بس والله قصتك دراما و أكشن و كوميديا و رعب :d
و سعر الكبوت جديد أتوقع حدود 1500 ريال يعني السمكرة ممتازة :d
و ما تشوف شر ان شاء الله و يا رب أخر الأحزان
وقتها غيرت القزاز والكبوت والمفصلات والبساتم والمرايه الاماميه على حساب التأمينالله يسلمك يابعدهم
لكزس اجل
ينطيك خيرها ويكفيك شرهاا
الكبوت ما تأثر اصلا مو واضح للعياان<<<<يمديك على العيآآن ترا توني قاريها بشريط الأخبار
المهم يوم صارت معك وش سويت هنا السؤال ؟
وخل الضحك لا تصير معك باللكزس الله لايقوله :d
سبحان الله وبحمده سبحان الله العظيم
ماتشوف شر ان شاء الله وبسيطه
بالنسبة للكبوت سعره مثل ماتفضل أخوي الكاسر وممكن زاد شوي بعد الارتفاعات الاخيره
فالافضل اذا ماتأثرت مقدمة الكبوت انك تسمكره بورشه كويسه وترشه وان شاء الله مايفرق
أو تاخذ من التشليح أرخص وممكن تحصل نفس اللون وما يحتاج رش وسعره من 400 الي 700 حسب راعي التشليح ومزاجه ذاك اليوم
بالنسبة للمراوح وان الحراره ترتفع عندك وتلاحظها أكثر شي وقت الانتظار وهو ان الحراره راح تعدي النص وتحس بانه مو ارتفاع طبيعي
فهي ماتطلع عن هذي الاشياء
1 - حساس حرارة في اللديتر ويسوي هذي الحركه لما يكون خربان ومايقرا ان اللديتر مويته سخنت ولازم تبريد
2- قلب المروحه متعطل عندك بس سعره غالي فوق 700 ريال وفيه بديل له قلب مروحه حق الكامري وسعره 290 ريال أصلي وكالة بس مادري اي جيل هل هو ( 03-06) أو (07 - 11) ولايختلف عن حق هوندا الا بالفيش وتحتاج القلب القديم عشان تركب افياش الهوندا على حق الكامري
3- وممكن يكون فحمات قلب المروحة فقط يفك القلب ويغير الفحمات ب 80 ريال وتنتهي المشكلة
انت متأكد من سعر الكبوت؟
مافي خصم :(
المفصلات انا احس إنها تأثرت عندي
ما ادري يضبطونها بالسمكره؟
لنه ماطلبهاا مني
يااخي انا تعقدت نفسياا الحين امشي واطالع الكبوت لايطلع علي :(
<<<<<تستاااهل من قال لك تنسااه :p
ينطيك الف الف عاافيه ومعهاا جركلين صحه
فحمات المروحه كويسه لأنها تشتغل مع المكيف
وانا اتوقع إنه من الحساس لأني إذا حركت بعض الأحيان الأسلاك حقة المراوح تشتغل
ضوابط المشاركة
رد مع اقتباس
مواقع النشر (المفضلة)