فلتر الهواء للمكيف أكورد 2012
أحبابي أعضاء نادي محبي هوندا
أنا أمس رحت أنفخ الفلتر حق المكيف بالهواء عند البنشري << مسوي نظيف:d و كان الهواء مرة قوي فتشقق القماش الأبيض اللي فوق الفلتر يعني ما عاد ينفع و ما رجعته في مكانه لأن خفت يطلع من الأوصال المتقطعة و يعدم لي المكيف من الداخل ،
فرحت اليوم للوكالة و سألتهم عن سعر الفلتر قالولي 319 فايش الحل برأيكم لأن السعر غالي بصراحة .
مع العلم أن الفلتر له تقريبا له 6 أشهر .
أتمنى إفادتكم
و لكم تحياتي
:dاوقات يجيك الواحد بيتفلسف مسوي فاهم ويجيب العيد :d
الحل ياكبتن الزوايد اللي بالفلتر اللي تقول ممكن تخرب المكيف حاول تشيلها :d
بعدين دفع المكيف موب قوي عشان تطير !
الحل الثاني تجمع كل يوم 10 ريال الين يطلع معك مبلغ 319 وتشتري الفلتر :d
الحل الثالث عندك شباب بالموقع ع حد علمي يبيعون فلاتر ممتازة بسعر 150 اتوقع :d
والحل الرابع << تعب
خلاص مافيه حل رابع :d
ترى بيجيك واحد بيلعب عليك ويقول شيك ع الحساس ممكن خرب عندك << مايقصد احد :d
مسألة إنك تترك المكيف بدون فلتر ... إحتمال يعدم عليك مروحة دفع الهواء الداخلية .
فشوري عليك إدفع مبلغ ( 319 ريال ) ... أحسن من إنك تدفع مبلغ وقدره ( الله أعلم .. والله لا يجيب ذيك الساعة ) في خراب أعظم .
وصدقني ما فيه مثل الأصلي وخاصةً في زي هالأمور ... أما التجاري في فلاتر المكيف ما أدري عنه بصراحة .
والله يوفقك .
[QUOTE=مجوووودي;559073]:dاوقات يجيك الواحد بيتفلسف مسوي فاهم ويجيب العيد :d[/QUOTE
الحل ياكبتن الزوايد اللي بالفلتر اللي تقول ممكن تخرب المكيف حاول تشيلها :d
بعدين دفع المكيف موب قوي عشان تطير !
الحل الثاني تجمع كل يوم 10 ريال الين يطلع معك مبلغ 319 وتشتري الفلتر :d
الحل الثالث عندك شباب بالموقع ع حد علمي يبيعون فلاتر ممتازة بسعر 150 اتوقع :d
والحل الرابع << تعب
خلاص مافيه حل رابع :d
أول شي شاكر لك تعليقك حبيبي
و باين عليك جاي تتونس و تطقطق علي :d:d:d
يعني مثلاً تبغاني أشتري حصالة و 5 من عندك و 5 من عندي الين ما نجيب فلوس الفلتر :p:p
و وينهم هذولي اللي يبيعون الفلاتر هنا
المهم ننتظر أحبابنا الباقين من الأعضاء
رسال المشرف King بتحصل عنده الفلتر بحدود 200 ريال تقريبا
خذ لك تجاري ب 30 ريال
الله يجزاكم ألف خير يالغاليين على إفادتكم لي
و لا عدمناكم
مافيه أي مشكله لو تخليه سنة بدون فلتر ما فيه أي ضرر معلومة ممكن الأعضاء الجدد ما يعلمون فيها أن الأكورد من موديل 2003 إلى 2005 ما جاء فيها فلتر للمكيف والوضع عادي مع العلم أنه تقدر تركب فلتر وبعض الشباب هنا معهم 2003 و 2004 مركبين فلتر للمكيف مع أنه في الأصل ما يجي فيها فلتر بمعنى أنه المكان موهيء لكن الوكالة أو المصنع ما وضع الفلتر . أنا موتري 2004 وما ركبت الفلتر لأنه ما يجي فيها من الأصل وأقدر أركبه بس ما شكل لي أي أهمية أني أركبه مع العلم أنه أفضل لي أركبه لأن معروف فوائد الفلتر ...
^^^^^
كل ذا بس بعطي الكل نبذه بسيطة عن الفلتر وللمعلومية الفلتر يركب على الأكورد من موديل (2003 إلي 2012 ) ومر محلات قطع الغيار الخارجية ممكن تحصله بأقل ...
وراسل المشرفين كنق أو المباشر هم إلي يبيعون فلاتر المكيف هذا إذا ما وقفوا بيعه أو نفذت الكميات من عندهم .
المشاركة الأصلية كتبت بواسطة ن ع ر السعودية 0005
الله يكرمك و يجزاك خير معلومة مفيدة أكتسبتها من شخصكم الكريم
لكن بالمدينة اللي أعرفه ما عندنا أحد يبيع القطع الأصلية تبع الوكالة - والله أعلم -
يا طويل العمر عدي ع اي فرع قطع غيار هوندا واساله اذا حصلت عنده فلتر اصلي وسعره اقل من الوكالة توكل ع الله
وترى لو اشتريت الفلتر ب 319 ريال انا اشوفها مهي كثيرة عليه لان وين ووين يتغير الفلتر يمكن يجلس معاك اكثر من 3 سنوات
وانت صاحب القرار الاول والاخير
والله شوف يالغالي الفلتر له فايده وهو انه يحافظ على الثلاجه ويحافظ على دفع الهوا للمكيف لسنوات عده ..بدونه راح تلقى العكس بيصير دفع الهوا ضعيف للمكيف وتتسدد الثلاجه على المدى البعييد فانت اشتريه من الوكاله ومو خساره تركبه ...
الحين ياحبيبي مرت ستة شهور فقط و انتهى الفلتر
و بعدين حبيبي تراى ماني بمستخسر فيه الفلوس لأن هذي سيارتي و لازم أهتم فيها لكن قصدي أن السعر غالي فقلت أسألكم يمكن تفيدوني بمكان يبيعه بأرخص
و ألف شكر حبيبي ما قصرت و رأيك عين الصواب
لكن أبشرك شريته من محل قطع غيار أصلية للهوندا ب 190 ريال
أبشرك يالغالي شريته من محل قطع غيار أصلية للهوندا ب 190 ريال و الحمدلله ركبته
وقالي راعي المحل مثل كلامك << لايكون انت اللي بالمحل يا مبارك:d :d
قالي يمكن يخرب عليك الثلاجة
شاكر لك حبيبي افادتك
ضوابط المشاركة
رد مع اقتباس
مواقع النشر (المفضلة)