يالربع نبي الفزعة بخصوص لمبة الايرباق الي يقدر يساعدنا

**ابو مجاهد** · 01-01-2012, 09:58 PM

السلام عليكم

حبيت اسالكم يالربع لمبة ايرباق مولعة عندي له اكثر من شهر

وكد سبقت وسالتكم عشان الفحص والحمدلله عدت وبكل نجاح

لكن السؤال الي يطرح نفسه

لاقدر الله لو صار حادث هل الايرباق يطلع ولا لازم اصلح لمبة

والي يعرف يفديني

موديل الموتر 2009 اكورد

الرياض
وشكرا

**مجوووودي** · 01-01-2012, 10:03 PM

شيك على الفيش اللي تحت مرتبه السواق والراكب يمقن مفصول :d

واذا مشبوك افصل البطارية ربع ساعه وركبها :d

**ابو مجاهد** · 01-01-2012, 10:08 PM

يالغالي توني فاصلها بس مادققت بالوقت يمكن 5 دقايق وشغلت الموتر لاني مستعجل عندي مشوار

اول ماشغلت الموتر لقيتها طافية قلت اوكية ثم يوم مشيت 10 امتار وتولع ههههههههههه (كنك يابوزيد ماغزيت) كد شيكت على المراتب الي تحت كل ش تمام

**دنيآ الغرور** · 01-01-2012, 10:46 PM

أول ماشريت سيارتي كانت اللمبة مولعة !

وعلى كلام صاحب السيارة انه غسلها بستم وبعدين طلعت المبة !

ولما سالته مرة ثانية قالي كان اخوي الصغير طالع فيها ورجع لقيتها طالعه

وراح فحصها بالوكالة قالوله برمجة !

وبعدها بفترة جيت بركب كشافات للسيارة ـ ففكيت الصدام الامامي / وانا احوس شوي بالاسلاك لقيت حق الايرباق مشبوك بس مو مضغوط تمام وفكيته نظفته وركبته .. واللمبة بقيت شغالة

بعدها فصلت البطارية بحدود ساعتين الى ثلاث واختفت المشكلة نهائياَ

ممكن يكون بعض الكلام مو مرتبط بشكل مباشر لموضوعك بس حطيته للافادة بحيث احد واجه المشكلة مرة ثانية ..

شيك على الاسلاك ! ، وبعدها افصل البطارية ..

في حال مانجحت سوي فحص كمبيوتر بمكان موثوق ..

**ابو مجاهد** · 01-01-2012, 11:11 PM

ماقصرت يالدنيا الغرور

ابشوف افصل البطارية واشوف وش يصير

فرضا ياخوي لو رجعت لمبة مولعه
ارجع لسؤالي الرئيسي
هل يطلع الايرباق لو صار حادث لاقدر الله او ضروري انها تطفى المبة الايرباق ؟؟؟؟؟؟

**هاااوي الاكورد** · 02-01-2012, 09:31 AM

لا ما يطلع
بس احتمال ان اللمبة الي عندك حقت ارباق اراكب يعني ما ندري هي حقت اي واحد
والي فيه العطل ما يطلع الارباق حقة

**مجوووودي** · 02-01-2012, 01:42 PM

المشاركة الأصلية كتبت بواسطة ابو مجاهد

يالغالي توني فاصلها بس مادققت بالوقت يمكن 5 دقايق وشغلت الموتر لاني مستعجل عندي مشوار

اول ماشغلت الموتر لقيتها طافية قلت اوكية ثم يوم مشيت 10 امتار وتولع ههههههههههه (كنك يابوزيد ماغزيت) كد شيكت على المراتب الي تحت كل ش تمام

اها شفت لونك فاصلها ربع ساعه كان راحت :d

طيب شيكت على الافياش اللي تحت المراتب

ترى الافياش حقت الارباق وحق التنبية الحزام اللي يطلع لك كل شوي طن طن طن :d

اذا فصلتهم يروح تنبيه الحزام وتولع لمبة الارباق :d

الزبده افصلهم واشبكهم والسيارة شغاله بعدين طف السيارة وشغلها وراح تروح ان شاءالله

**ابو مجاهد** · 02-01-2012, 07:51 PM

فاصل البطارية من امس وتوني مشغلها اول مشغلت الوتر طفت لمد 3 ثواني ورجعت مولعة

موتري عنيد اعرفه مثل صاحبه هههههه

طيب الحين ابي شوركم يالربع وش تشورن علي

انا والله مايهمني مولعة او لا بس اخاف لاقدر الله لوصار حادث اهم شى يطلع الايرباق