قدر الله علي وصار لي حادث " ابي نصايحكم شباب "

**k.o.k.i** · 20-10-2007, 04:38 AM

السلام عليكم

كيف الحال جميعاً
يا اخوان صار لي حادث والحمدلله على كل شي
مافي اصابات بس جامد شوي
يعني الوجه الصدام والرفرفين الاماميين راحو وفيه ضربه بالباب اليسار الخالفي
والكفرات اشوف الي ورا يومين " مائل "

ودي بنصيحتكم شباب
انا قبل فتره صارلي حادث وقريب من الي صار لي اليوم وكلفة السياره 6000
والي اكلني فيها قطع الغيار
ما ادري افكر اركب الرفرف تجاري .. والصدام تجاري ؟ ما رئيكم مع العلم ان الفرق كبيييييييير بالسعر وهذا الي خلاني افكر بهالشي

ولو ركبت تجاري ودي تقولون لي وش السلبيات

مع الشكر

**k.o.k.i** · 20-10-2007, 05:27 AM

مممممممم ونسيت اسئل عن الشمعات

يجي منها تجاري ؟
ووش رايكم بالتجاري ؟ يمشي الحال ولا الاصلي احسن

**Accord07** · 20-10-2007, 12:14 PM

اخوووي خذلك اصلي في كل شي لأن البويا رح تبهت في الرفرف ونفس الطريقه الشمعات رح تصفر بعد فتره يعني الاصلي صح انه غالي بس سعره فيه

**عبد الله** · 20-10-2007, 12:49 PM

السلام عليكم

اول شي الحمد لله علي السلامه والله يعينك ويعوضك خير ان شاء الله

من رايي خذ الرفارف تجاري والصدام لانها حديد وبلاستيك ما تفرق شي لاكن

الله الله بالرشه السنعه ..

والباقي خذ اصلي ..

**$$الدولار$$** · 20-10-2007, 12:50 PM

القطع التجارية ما عندي فكرة عنها بس الله يعينك لانها راح تكلف واجد
انشاء الله الاخوان ما يقصروا

**The Stig** · 20-10-2007, 12:52 PM

الانوار الاماميه التجاريه ,, ماتقدر تتحكم بوزنيه النور اتوماتيكيا !!!

اما الرفرف والصدام ,,, بصراحه اعتقد انها راح تفرق معاك حتى لو شوي ,, في الرش ,,, وفي عوامل التعريه بعدين ,,, يعني يمكن انه مايمسك عليه اللون ,,,

انا انصحك بالرفرف والصدام التجاري ,,, طبعا اذا ودك تركب شي وتنساه !!

**B Useful** · 20-10-2007, 01:13 PM

الرفرف الاصلي : 520 ريال للواحد
الرفرف التجاري : 90 ريال !!!!!

الصدام دورت حق 2006 تجاري مافية !!!
الا الاصلي بــ 740 ريال

الشبك كامل 700 ريال من النعماني ... مافية الا اصلي ...

سمعت ان صدام 2005 وتحت بـ 250 ريال تجاري !

الشمعات فية 4 فئات ...

الاصلية من الوكالة الوحدة بـ 521 ريال ..... (مع اللمبات العالي والواطي والسكن اضف تقريبا 60 ريال ...)

التجارية درجة اولى مع عدسات ورموش وشكل رياضي طقم بــ 800 ريال مع اللمبات كاملة عدا الاشارة ..

التجارية ... نفس الاصلية مع امكانية وزن النور الثنتين بـ 280 ريال تقريبا ..(بدون اللمبات )

التجارية ابو كلب مررررة مافيها وزن نور بــ 220 ريال للطقم .. (بدون اللمبات )

الكبوت اصلي 1027 ريال
تجاري 270 تقريبا ..

الكفر اللي ورا ...
خلي الميكانيكي يشوفة ... وش اللي انكسر بالضبط ... بس اني خذيت جههة الكفر الخلفية كاملة ( المساعد مع الكرسي مع مدري وش اسمها زي الاعمدة المهم كامل ) من التشليح بــ 500 ريال

الباب ... انت ورغبتك ... اذا كانة يتسمكر الله يقويك .. او قيمة الباب بالتشليح الامامي بـ 2500 الى 2700 ريال ...

المراية من الوكالةاصلية 450 ريال مع الاشارة ..
بدون اشارة حقت 2004 تقريبا 366 ريال..

المهم ... الاسعار هذي لأن كل القطع اعلاة قد شريتها في حادثي الاخير ..

الرفرف والكبوت ... (حديد لا يحميك ولايأثر على اداء السيارة ) انا خذيتها تجارية لفرق السعر ولانها مجرد حديد لا يسمن ولا يغني من جوع ...

الشمعات خذيت تجارية درجة اولى مع الرمش والعدسات ...

المساعدات والمقصات واليايات واي شي حول الكفر السيارة تمشي بية ولا تمشي بدونة خذيتة اصلي او من التشليح اصلي ... ( لان سلامتك متعلقة بسلامة هالقطع بأذن الله سبحانة ) ...

والله الموفق ... امل اني اكون خدمتك

**هنادي 2005** · 20-10-2007, 01:23 PM

قبل كل شئ الحمد الله علي سلامتك وما تشوف شر

بما ان سياراتك جديده ومنتب افكر انك تبيعها خذلك شئ اصلي لانك تبي تستعمله والاصلي اصلي اما والله انك بتصلحها وبتبيعها فا انصحك بالتجاري
اما سالفة الاسعار فا والله ما عندي فيها ايت خبر بس الاخوان ما قصرووو

**ل م س 3 3 4** · 20-10-2007, 02:03 PM

اخوي انا معك السياره راح تكلفك مبلغ وقدره ،،،لاكن اذا ماقدررت على اصلي جديد اشتر من التشليح اصلي ،،،، التجاري بلشه وانا اخوك يعني الدعوه ماهي مساله حديد وبس ،،،التجاري ممكن مايركب كويس يعني الوزنيه تصير ززززززفت وهذي صارت معي في صدام تجاري

**The Stig** · 20-10-2007, 02:13 PM

صدام 2006 تجاري ب 220 ريال في الدمام !!1

**al3ood** · 20-10-2007, 02:31 PM

اول شي حبيت اقولك الحمد الله على سلامه

وثاني شي الحديد يتبدل بحديد اما رووح اتروح ولا تتبدل

وثالث شي بالنسبه بالتجاري اكيد جوده مب ليين اهنااك والاصلي دائمن الافضل
ورابع شي على راحتك الي اتشوف لك احسن على حسب رصيدك ايقولك المثل مد ريلك على قد حافك وبالتوفيق....ز

**k.o.k.i** · 21-10-2007, 12:59 AM

الله يسلمكم

مشكورين وما قصرتو بيض الله وجيهكم

الله يوفقكم جميعاً

اكرر شكري

**يامطنش** · 21-10-2007, 01:24 AM

شوف الرفارف والكبوت التجاري بتلاحض انها خفيفه لاكن ما تثر ع الوزنيه والرشه اذا وديتها ورشه محترمه يضبط الاساس والرشه اما الانوار اصلي عشان تتجنب تغير لونها الصدام مر حقين الفيبر قلاس بتلاقي الحل عنده ممكن صدامك يتصلح او بتلاقي عندهم تشليح بسعر معقول