مشكلة بقير اكورد 2005
السلام عليكم ورحمة الله وبركاته
من اسبوع تقريبا صارت عندي مشكله
لما ابدأ امشي بالسيارة القير يفصل ولازم اهدي السرعه
اطفي السيارة وارجع اشغلها يرجع الوضع طبيعي ولا كأن في مشكله
رحت شيكت بالصناعية قال لي واحد احتمال يكون عندك مشكله بالحساس ، لكن احسن لك افحصها كمبيوتر
قبل ما افحص كمبيوتر وديتها عند واحد شيك عليها وجربها ، قال يبي لك تنظيف حساسات القير وبتكلفك 400 ريال
رحت اليوم سويت لها فحص كمبيوتر قالوا عندك مشكله بالقير ويحتاج توضيب
الحين مين اصدق؟؟
وكيف اعرف ان القير يبي له توضيب ولا لا
وكم سعر تنظيف حساسات القير
وكم سعر التوضيب ؟؟
وهل الافضل اخذ تشليح ولا اوضب اللي عندي ؟؟
علما اني اشيك كل فترة وفترة على زيت القير ويقولون لي تمام
تكفى ريحوني لاني شايل همه والله :(
و الله من رأيي انك تشوف الحساسات لان توضيب القير عملية ليست سهلة ، 400 ريال اعتقد ليست كثيرة ، بما ان الدعوا حساسات ممكن تغيرها و تجرب ،، لكن اذا انت تطفي الموتر و تشغله و يرجع طبيعي مافيه مشاكل ،، اعتقد القير مافيه مشكلة يمكن الحساسات ،، و الله يكتب لك اللي فيه خير
سويت تنظيف للحساسات ونفس المشكله :(
قالوا لي لازم توظيب او تغيير قير بحدود 5000
وش السواة يا اخوان؟.
الحساس مايتنظف الحساس يتغير ولاتستعجل بالتوضيب يمكن من عصا القير مر على كذا ورشة ممتازة وشوف
افحص كمبيوتر بالوكاله لاتفحص بالصناعيه لاجل تعرف وش مشكلتك بس نصييحه لاتتهور عند الورش اللي برا وتخليهم يتعبثون في القير ....
مساء الخيرات اخوي ود موترك وكاله احسن لك وريح بالك ويشوفون مشكله هذي وانشاء الله يجودون لها حل وشكرا
لاتستعجل
اذا حطيت القير بوضع D اللمبة الي في الطبلون بدات تأشر
العطل يكون من احد الحسسات
ويظهر في الكمبيوتر
والله يوفقك ويجعله اكبر مصايبك
ضوابط المشاركة
رد مع اقتباس
مواقع النشر (المفضلة)