النتائج 1 إلى 8 من 8

الموضوع: استفسار عن الرش في الوكاله وخارج الوكاله

  1. #1
    عضو
    تاريخ التسجيل
    03-2013
    الدولة
    الرياض
    المشاركات
    31

    افتراضي استفسار عن الرش في الوكاله وخارج الوكاله

    السلام عليكم ورحمة الله وبركاتة

    اعزائي صار علي حادث بسيط في سيارتي اكورد 2011 لؤلؤي والصدمه في رفرف وصدام وشايل هم الرش بشكل ماتتصورون لان عندي جهه يمين مرشوشه قبل ماشتريها ورش للاسف فيها تعبان يعني اللون يفرق عن بويه الوكاله عشان كذا انا بصراحه نزلت موضوع هنا عشان ابي ناس توضح لي عن تجربه مو فلان رش وعلان رش لا ابي ناس جربت رش اكورد او غيرها لون لؤلؤي لان تعرفون اللون مو اي احد يرشه وانا بصراحه ابي ارش الصدمه واماكن ثانية برشها تجميل عشان اطابق اللون مع اللون الاساسي حق الوكاله في محتار بين الوكاله وبين الورش اللي برا الوكاله للاسف كلمت واحد وقالي بتخلص تقريبآ من 20 الا 30 يوم وصراحه فتره جدا طويله ووقات اقول ارشها برا وكثير ناس مدحو لي ورشه الوفاء في الصناعيه القديمه طبعآ انا من سكان الرياض ومحتار ياليت اللي رش وكاله يقولي مميزاتهم وعيوبهم وايضآ اللي رش برا مميزاتهم وعيوبهم للورش اللي سبق وجربها لاني بصراحه انا مشكلتي محتار بين الوكاله وقت طويل وصحيح الاسعار غاليه لكن اخذ شي تقريبآ شبهه مضمون لانه وكاله مابعده شي ومحتار بورش والخوف من الورش رش تعبان ولا يعفسون لي السياره من ناحيه ايدينهم كاتوصيخ والخ لان السياره نظيفه ومابي صراحه احطها عند ناس تعبانه او ناس تقدر تقول عنهم ورش مشي حالك فى ابي نصائحكم تكفى بخصوص النقطه هذي وياليت لو تكرمتم كاورش في الرياض كل شخص يعطيني افضل ورشتين رش عشان ابشوف ردود الناس اذا شفت ورشه اكثر من شخص مدحها لي احتمال كبير اروح لها واترك الوكاله لان حاليا صراحه ورش الوفاء كثير ناس يمدحونها حتى في الانترنت تصفحت وشفت ناس قيموها انها الافضل من ناحيه الرش وكذا فى ابي لو تكرمتم الافضل عن تجربه وخاصه في اللون الؤلؤي هل بيطبقه نفس الوكاله او نفس البدي حقي وكذا

    في الانتظار ,,

  2. #2
    عضو
    تاريخ التسجيل
    03-2013
    الدولة
    الرياض
    المشاركات
    31

    افتراضي

    معقولة مافيه اي شخص يرد علينا

  3. #3
    عضو
    تاريخ التسجيل
    04-2014
    الدولة
    Riyad, Saudi Ar
    المشاركات
    5

    افتراضي

    انا مثلك ولله صدمتي السمكها الي تحت الباب عفطه ومشخت بويه محتار وكاله او ورشة الي تقول عنها أتمنى احد يفيدنا

  4. #4
    عضو
    تاريخ التسجيل
    03-2013
    الدولة
    الرياض
    المشاركات
    31

    افتراضي

    ^^^

    الله يكون بعونك اخوي واعتقد ان المنتدى مو زي زمان احس قل التواجد من الاعضاء لان موضوعي صارله اكثر من اسبوع ولم يتم الرد وقررت بخذ لفه كامله على ورش الرياض ووجدت ان ورشه الوفاء في الصناعيه القديمه هم الافضل والارخص لاني حصلت ورشه الرويضان اعتقد او الروضان في صناعيه النسيم يقولي بيرشها لي جهه يمين كامله مع صدام امامي وخلفي ورفرف يسار بـ 14 الف والله لونه الوكاله فى قررت ان شاءالله بكره ادخلها ورشه الوفاء لانه حسبها لي بـ 6500 ريال وان شاءالله يطلع رشه كويس اما باقي الورش كانت تتراوح بين 4 و 3 الالف لكن للاسف مو مضمونه ولكن ورشه الوفاء وضح لي ان البويه بضبط نفس بدي الوكاله بيكون فرق بسيط جدا لانه بيكون جديد الرش فى مع وقت شهر او شهرين راح يطابق وايضآ وضح لي ان الضمان على الرش بيكون 4 سنوات وبصراحه السيارات اللي عندهم سيارات موديلاتها جديده وسيارات مستوا متوسط وفخم فى اقنعوني وراح نشوف الرش بعد الانتهاء

  5. #5
    عضو
    تاريخ التسجيل
    04-2014
    الدولة
    Riyad, Saudi Ar
    المشاركات
    5

    افتراضي

    يعطيك العافية اخوي الله يعينك وان ترجع مثل اول ولله شكلها ورشة الوفاء
    رحت لهم اليوم لقيته مقفل بعد العشاء وبروح السبت الصبح ولكن رحت الوكالة انت وشفت الاسعار ولا ورش بس عالعموم اشرط عليهم اذا ما عجبك الوضع يعيدون الرش وادفع عربون بس قبل يشتغلون فيها واذا انت مرتاح لهم لاتقولهم شي الحمدلله على كل حال والحمدلله على السلامة

  6. #6
    عضو
    تاريخ التسجيل
    03-2013
    الدولة
    الرياض
    المشاركات
    31

    افتراضي

    الله يعافيك اخوي ووياك يارب

    بخصوص الوكاله للاسف جيتهم ووضح لي لزم فحص للسيارة بـ 250 ريال اذا وافقت على الشغل في الوكاله بتنخصم من قيمه الشغل واذا ماراح تسويها عندهم راح تروح عليك 250 ريال وهذا اللي قهرني في الوكاله يعني بتدفع سويت ولاماسويت عندهم ووضح لي نقطه مهمه هي اللي خلتني اترك الوكاله وهي ان السياره بتجلس بين 20 الا 30 يوم واهذا فتره جدا طويله ولكن وضح لي ان عندهم سيارات وزحمه فى اتجهت للصناعيه بحكم انوه وقت وسعر اكيد بيكون عالي جدا رغم اني واضع ميزانيه عاليه

    بخصوص الرش وضحت للمهندس في ورشه الوفاء انوه الرش بيطابق على السياره ولامن الحين ريحني لان وضحت له مناطق سبق وتم رشها في السياره ولكن للاسف رش سئي جدا وهو شافها بنفسه ووضح لي انه بيكون نفس البدي حق الوكاله فرق بسيط جدا بسبب ان هذا جديد وذا قديم شوي وبيندمج اللون بعد شهر او شهرين لاصار على البويه الجديده شمس بيتغير وبيطابق وهو وضح لي ظمان 4 سنوات على كلامه للبويه كان لون او تقشرت او صار فيها خلل من الامور هذي

    بخصوصك اخوي انا افضل انك تنتظر شوي او عندي لك فكره انا ان شاءالله اليوم بدخل السياره عندهم وانت وضحت انك بتروحلهم يوم السبت الجاي فى انا انصحك اذا جيتهم اسئلهم على سيارتي وخذ فكره قبل ماتستعجل وشوف تقريبآ نقول من الثلاثاء لو اشتغلو في سيارتي يعني يوم السبت يبين معاك شي بسيط وان صبرت اكثر راح يبين معاك اكثر وانت لاجيتهم هناك اسئلهم عن سياره اكورد 2011 اللون لؤلؤي ووضح لهم الرجال راش جنب كامل وبيورونك اكيد سيارتي وخذ فكره قبل ماتسويها

    تحياتي لك

  7. #7
    عضو
    تاريخ التسجيل
    04-2014
    الدولة
    Riyad, Saudi Ar
    المشاركات
    5

    افتراضي

    بروح لهم ان شاء الله
    وان شاء الله يظبطون سيارتك
    وبعدك عن كل شر
    اليوم شطفت صناعية الي في الدخل على شارع الشركه ان كانك تعرف المكان
    رحت للوعلان وقالي ترجع زي الوكالة فرق بسيط وتروح مع ضربة الشمس وقلت عليها ضمان قالي سنه 1 لاكن احس ورشة الوفاء اضمن وضمان اربع سنوات

  8. #8
    عضو
    تاريخ التسجيل
    03-2013
    الدولة
    الرياض
    المشاركات
    31

    افتراضي

    ان شاءالله ووياك يارب

    بخصوص الصناعيه اللي في دخل للاسف بعيد مره من عندي فى ماجيتها لكن على كلامك سنه صراحه ماتضمنهم يعني مقارنه بالوفاء 4 سنوات فرق وانا امس دخلت سيارتي عندهم وشريت وفيه واحد من الشباب برضه دخل سيارته اكورد موديل 2012 فل كامل مصدومه الوجهيه جايه الصدمه زاويه يسار وصدمه شوي قويه وبيصلحها عندهم ودخلنا سيارتنا سوا للورشه فى انا وضحت لك اخوي الافضل لك تنتظر 10 ايام ورح لهم بعد 3 او 4 ايام كذا عشان بتبين سيارتي وسيارت الرجال سوا وبتشوف رشهم قدام عينك سيارتي لونها لؤلؤي وسياره الثانيه لونها ابيض فى بتقارنهم وبتخذ فكره واضحه لكن انا مانصحك تدخل سيارتك الايام هذي لان عندهم زحمه بشكل فضيع انا يالله دخلوني انا ورجال سواء لان عندهم زحمه وسيارتي بتجلس عندهم 10 الا 11 يوم فى عشان كذا نصحتك انت بعد 4 ايام رح مرهم وشف السيارتين ومنها وره الصدمه وكم بتكلف ولاتصلحها الحين خذلك كم يوم ولاشفت الورشه خفت الزحمه عليها لان صراحه انا غلطتي جيتها وقت الرواتب لان مريتهم قبل ماتنزل الرواتب وشفت ماعليهم ضغط مره اما يوم جيت امس صراحه قدامي دخلت سيارتين وانا ورجال دخلنا سياراتنا فى عندهم ضغط وتعرف انا قلقان من سالفه السيارات اخاف شغلهم سريع سريع رغم اني نبهت المسؤول هناك وقلت له انا مو مستعجل علي سياره فى حبيت انصحك ومنها تخذ فكره قبل ماتستعجل عشان مابيك بعدين تحط اللوم علي انا مثلك ماجربت الورشه ولكن اللي شفته قدامي دليل انهم كويسين وراح يبين بعد ماينتهون من سيارتي وسياره الرجال

المواضيع المتشابهه

  1. استفسار عن تشييك الوكاله
    بواسطة كوكو شآنيل في المنتدى هوندا اكورد Accord
    مشاركات: 4
    آخر مشاركة: 08-12-2009, 11:22 PM
  2. ما رأيكم في تغير نوعية زيت الوكاله بختم وضمان الوكاله !
    بواسطة AL_ADMIRAL في المنتدى هوندا اكورد Accord
    مشاركات: 20
    آخر مشاركة: 28-07-2009, 06:04 PM
  3. استفسار عن كشافات الوكاله
    بواسطة هيمي 5.7 في المنتدى هوندا اكورد Accord
    مشاركات: 17
    آخر مشاركة: 05-01-2008, 05:49 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 64.26 Kb. compressed to 56.58 Kb. by saving 7.68 Kb. (11.95%)]