أصوآت في أكورد 2012 !
السـلآم عليكمـ ورحمة الله
(( ندخل بالموضوع ع طول :d))
أنا توي شاري أكورد 2012 v6 .. وإلى الحين الحمد لله السيارة معي أوكي .. طبعا أنا ما أقدر أحكم على السيارة الآن بشكل كامل لأني توي شـآريهآ ,, لكن إلى الحين الحمد لله الأمور في السليمـ ..
بس عندي كم سؤال وإن شاء الله تجاوبوني ..
السؤال الأول : في صوت يطلع لما أفك البريك ,, يعني مثلا لما أكون واقف عند إشارة , بعدين الإشاره تفتح .. (( لما أفك رجلي عن البريك يطلع صوت ( طق ) مره وحده ,, وكل مره اضغط بريك واشيل رجلي عن البريك يطلع ذا الصوت .. أبي أعرف إذا كان الصوت طبيعي ولا لا !
السؤال الثاني : لما الجير يكون بـ ( D ) بعدين أجي أحطه بـ ( R ) .. بعد يطلع صوت .. يعني صوت تبديلة القير تكون واضحة وجاية من جهة الكبوت .. الصوت طبيعي ولا ؟
السؤال الثالث : لما أوقف السيارة على سطح مائل ( مثل القراج ) .. في صوت يطلع والسيارة واقفة والصوت هذا واضح من داخل السيارة ,, الصوت تقريبا من الخلف ,, ( علما أن قراجنا مو ذاك الميلان ,, مائل ششوي !! )
والله يا أخوان حيرتني الأصوات هاذي .. علما أن السيارة ممشاها أقل من 1000 .. توي مطلعها لي أسبوع ,, إذا كانت الأصوات هاذي تعتبر مشاكل ,, ياليت تفيدوني عشان أشوف شغلي معاهم بتشييك الألف.. وإن شاء الله مافيه إلا الخير ..
دمتمـ بـ وٍد ..
ما شاء الله تبارك الله
1) الفقرة الاولى اتوقع انه حساس الفرامل الي عند البريك
كانت عندي سيارة تطلع صوت كذا
2) صوت طقة القير اذا كانت خفيفة اتوقع انها طبيعية
3) لا اعلم
اكتب ملاحظاتك في صيانة الف وخلي مندوب الصيانة يشوفها ويفحصها
وما قدامك الا العافية
الله يعطيك العـآفية ,, وإن شاء الله بدونها ,, بس أخوي تتوقع الحساس عندي فيه مشكلة والسيارة توها جديدة !! << الله يستر :(المشاركة الأصلية كتبت بواسطة هوندانا
انت اذا ضغطت بريك او رفعت رجلك من البريك يطلع صوت طقة بسيطة ؟؟
واذا كانت كذالك من اول ما شريتها فتراها كذا الفرامل الجديدة
اما لو كانت فقط في حالة رفع الرجل عن البريك
فهذي لا اعلم عنها
هلا بك اخوي الف مبروك على السياره ويعطيك خيرها ويكفيك شرها من كلامك اظن مالك بالقير الاتوماتيك لانه
حساس ويبغالك تهتم بعنايه عشان لاينعدم القير عليك ...
اولا : تقول تسمع صوت طقه لما تفك البريك لانك حاط القير على d وانت واقف بالاشاره طبيعي بتسمع صوت طقه
بسيطه والصوت طبيعي المفروض تخليها على n الفاضي هذا مريح للسياره ولافتحت الاشاره حطها على d .
ثانيا : لما تبي ترجع ريوس وتغير النمره من d الى r يبغالك نمره نمره بالراحه لان n الفاضي مريح للسياره سواء
للتوقف للتغير من نمره لنمره وان شاء الله اذا اخذت بهالخطوات بتكون سيارتك سليمه ولا بتسمع صوت طقه لانها
من القير والتبديل بسرعه .
ثالثا : لما توقف السياره بالكراج ومايل المكان وبتطفي السياره اول شي حطها على n وربط الجلنط وفك رجلك
عن الفرامل وتثبت السياره ومابتسمع صوت الطقه بعدها حطها على p ونفس الشيء مابتسمع طقه ولاشي .
وفي الاخير اعتذر عن الاطاله ونصيحتي لك اتبع التعليمات اللي قلت لك عليها وبأذن الله مابتسمع شي
ولا تخاف من اصوات الطقطقه ولاتحسس لأي شي بتتعب بمرور الوقت بتعرف ان السياره جودتها وقوتها ورساوتها
عالي العال وفخامتها مع منافسيها متقدمه وربي يبارك لك تحياتي لك ..........
السلام عليكم حياك الله أخوي :
السؤال الثاني : لما الجير يكون بـ ( D ) بعدين أجي أحطه بـ ( R ) .. بعد يطلع صوت .. يعني صوت تبديلة القير تكون واضحة وجاية من جهة الكبوت .. الصوت طبيعي ولا ؟
صديقي عنده أكورد 2011 وأنا عندي أكورد 2012 لاحظنا هذا الصوت ولما سألنا الوكالة عنه قال هذا الصوت موجود في كل الموديلات والأفضل للقير مثل ما تفضل الأخ prince raed
بشويش على القير حاول تفضيه ومن ثم تعشق بشكل طبيعي مو سريع جدا .
موفق لكل خير
( الزبــــدهـ ) كل من طلع اكورد سئل نفس اسئلتك ،، لو بحثت في الموقع كان حصلت الحل ،،
كلهـــآ اصوات طبيعيه ،، نزل اكثر من 1000000000 موضع واسباب الطقه هذي الا بالقير انه تكون
السياره بوضع الامان اذا جيت تغير من r الى d ،،
المهم انها كلها عاديه ،،
لا .. بس لما أرفع رجلي :(
هـلآ بك زوود .. الله يبـآرك فيك ويجزآك ألف خير .. أنا سيـآرتي الي قبل الأكورد توماتيك أرضي ,, بس ماكانت تطلع الأصوات هاذي ,, علما إني شبه جالدها ! .. عشان كذا حبيت استفسر .. سالفة الإشارة << هاذي بطبقها من اليوم ورايح إن شاء الله .. أوما سالفة الـ ( D ) إلى (R) .. هاذي صدقت فيها , أنا أمر على ( N ) مـرور الكرآمـ ! .. اوما الثالثة ,, الظاهر إني ماشرحتها زين ,, لما أوقف السيارة على الكراج , واحطه بالفاضي وأربط الجلنط .. السيارة تكون ثابته لكن فيه صوت ,, تقول صوت مثل حديد ..
الله يعطيك العـآفية أخوي ,, ماقصرت .. بـآرك الله فيك
وعليكم السـلآم ورحمة الله .. حيـآك ,, أبشر ,, إن شاء الله بنطبق نصيحتكم ,, مشكور أخوي .. والله يوفقك ,,السلام عليكم حياك الله أخوي :
السؤال الثاني : لما الجير يكون بـ ( d ) بعدين أجي أحطه بـ ( r ) .. بعد يطلع صوت .. يعني صوت تبديلة القير تكون واضحة وجاية من جهة الكبوت .. الصوت طبيعي ولا ؟
صديقي عنده أكورد 2011 وأنا عندي أكورد 2012 لاحظنا هذا الصوت ولما سألنا الوكالة عنه قال هذا الصوت موجود في كل الموديلات والأفضل للقير مثل ما تفضل الأخ prince raed
بشويش على القير حاول تفضيه ومن ثم تعشق بشكل طبيعي مو سريع جدا .
موفق لكل خير
مشكور أخوي ( عصبي ) على مرورك .. الله يعطيك العافية ,,, بس حبيت أبين لك شي :
أنا جديد على المنتدى + حريص جدا إني ما أنزل موضوع إلا وأشوف الصفحتين الأولى من القسم ,, للأسف أنا ما شفت موضوع عن طقة القير , وإذا شفت .. فهي مواضيع لموديلات قديمة << لاتنسى 2012 وآرد أمريكا , والموديلات السابقة وآرد اليـآبآن ,, عشان كذا أنا طرحت الموضوع ..
مشـكور على المرور .. موفق ,, وآسفين عَ الإزعـآج !!!
هلا فيك اخوي
كل الي تكلمت عنه طبيعي ما عدا الصوت الي بالخلف و انت راجع من مسفط البيت و هالصوت مزعج و هو بسبب الديكور خلف المراتب الخلفيه بس لا تحاتي انت بس كلم الوكاله عنه من اول صيانه و خلهم يحلون المشكله و بعدها انسا الاصوات من الداخل :d
لآ أبشرك طلعت كل الأمور تمامـ ,, اليوم عرفت سبب الصوت , أنا ما أشد الجلنط صح
يومـ شديته اليوم رآح الصوت ,, والسبب الي خلاني ما أشد الجلنط .. هو أن أغلب الناس يقول لي طقتين تكفي .. طقتين تكفي على سطح أفقي , بس مايل .. ماتنفع !
الله يعطيكم العافية ياشباب على مروركمـ ومشـآركتكمـ
الحمدلله انحلت المشكله وهذا اقل من واجبنا واحد من اخوياي كان مطلع يارس قبل كم سنه واشترى قريب قراند
ماركيز 2010 ومايعرف شي عن الاتوماتيك وبالصدفه ركبت معه ووقف الرجال السياره على مكان شبه مايل وحطها
على ال p بسرعه وطفا السياره وسمعت صوت طقه قويه ويقولي ياخي هالصوت مزعجني بقوه قلت يافالح لو
استمريت زي كذا بتدور في التشاليح قير مستعمل ههههه وعلمته على الطريقه الصحيحه والوضع ماشي تمام
معاه ....
زين ما سويت .. الله يجزآكك خـيـر ..
هلا فيك اخوي
الله يعينك على اصوات الاكورد انا معي اكورد 2011 فيها اصوات بس اتوقع الاصوات في الاكورد شي طبيعي الله يعين على الاكورد ماتوقعت فيها كل الاصوات
هلآ بك زود أخوي .. أغلب الأخوان يقولون الأصوات طبيعية .. أنا الحمد لله بعد ما طبقت نصائح الأخوان .. أموري صـآرت أوكي وأختفت الأصوات ,, الحمد لله الحين ما أشكي من شي .. والله يعينك ,,
ضوابط المشاركة
رد مع اقتباس
مواقع النشر (المفضلة)