الموضوع: نصايحكم بخصوص الهوندا 2012

اول شي
الف الف مبررروك الله يعطيك خيرها ويكفيك شرها ..

من ناحية الجلد او المخمل
اذا انت تحب الجلد خذه بس تراه يبي يغثك كل فتره وفتره يبله تمسيح علشان ما يتشقق

بس من ناحيتي افضل المخمل ..

والون اذا انت ناوي بعدين تبعيه خذك ابيض ..تراه ابيع من الالوان الثانيه بس البني حلووو لون رايق

اذا انت من اهل الشرقيه بوه معرض بالدمام اسمه معرض شلالات تربة رخيص يعني يفرق بينه وبين الوكاله 1500 ريال تقريباً


والله يكتب الي بوه الخير..

الراحه والشكل = للجلد .... مشكلته بس يتوسخ

الله يعطيك خيرها ويكفيك شرها

أنا مع الفل الجلد وركب على السيارة تضليل عازل حراري وانتهت مشكلة الحر

مبـروكـ مقدمـآ أخوي ,, الله يعطيك خيرهـآ ويكفيك شرهـآ ,, وإن شاء الله تكون سيـآرة مبروكة

بالنسبة للجلد أو المخمل << هذا يعود عليك أنت .. أنا أقدر أعطيك رايي عن السيارة , أو مقارنة بين سيارتين أنت محتار فيهم .. لكن المواصفات أنت الي تختار الي يناسبك والي ترتاح له .. إن كنت تشوف المخمل مناسب لك أختاره والعكس إذا كنت تشوف الجلد مناسب لك .. كلهم يتوسخون كلهم لهم إيجابيات وسلبيات .. بس لكل مشكلة حل .. وأرجع وأقولك (( هذا رآجع لك أنت فقط )) ونفس الحكـآية بالنسبة للون .. أنا أشوف اللون الأخضر ( مثلا ) حلو .. وأنت تشوفه غبي وبايخ .. أختار الي يناسبك ..
وبالنسبة للوكالة أو المعرض << هو دايما المعارض أقل أسعار هذا الي دايم أسمعه .. بس ماعندي خلفية عن الموضوع هذا

ربي يوفقك بإختبـآرك ..

مبروك اخوي والله يعطيك خيرها ويكفيك شرها
من ناحية تاخذها مخمل والا جلد

انا ارشح تاخذ جلد افضل
ومن ناحيه اللون اذا انت هاوي غسيل كل اسبوع او كل بعد كم يوم خذ بني محروق
اما اذا مو هاوي غسيل خذ لؤلؤي وانسى الغسيل شهور هههههه مثلي

اما بخصوص تاخذها من وكالة او معرض

انا ماخذ موتري من معرض بفرق عن سعر الوكاله 1500 ريال