الموضوع: اكورد 98 القير خبط علي ، فزعتكم تكفون

السلام عليكم ورحمة الله وبركاته

تحية طيبة وبعد

اول شي اهنيكم على المنتدى الرائع وطبعا هذي اول مشاركاتي

الموضوع باختصار

انا شريت لي هوندا اكورد موديل 98 ، وكانت ماشية زي العسل

ولكن بعد ماشريتها باسبوع خبط معي القير :(

بداية التخبيط ، كنت لما ادوس بنزين احس يصير في تقطيع يعني ماشي وفجاه كانه صار بال N ف صرت ارفع رجلي عن البنزين ويرجع طبيعي

طبعا كنت اذا تعديت سرعه 80 عادي جدا ولافي أي تقطيع

وديتها ورشة وقالي القير كله يبي له توضيب او تغيير

المهم ماصلحتها لان الميزانية ماتساعد ، فالحين اذا جيت اعشق ما تعشق الا ب d2 واذا اخذت شوي رجعتها ل d4 وتمشي مع وجود تقطيع

طبعا انا ماطرحت الموضوع الا لاني ماعندي خبرة بالهوندا

ف اذا فيه احد عنده خلفية عن هالشي ياليت يفيدني ، و ياليت تدلوني على ورشة حلوة وسعرها مناسب

والله يعطيكم الف عافية