الموضوع: ارتفاع درجة حرارة سيارتي؟

الظاهر ما فيه رد لذلك سأبحث عن حل بنفسي

اولا تاكد من غطاء الرديتر انه يكون سليم لانه ممكن يسبب لها الحراره
ثانيا تاكد من البلف والظاهر المشكله منها..

دام رديتر جديد ومراوح شغاله تمام
مثل ماقالك الاخ اللي فوقي اول شي بدل غطى الرديتر لانة اذا خرب مايدخل الماء للمطارة ويصير ضغط كبير داخل نظام التبريد وترتفع الحرارة
والبلف اذا ماكان يفتح ويسكر مضبوط يرفع عليك الحرارة
بدلهم وشوف شنو يصير معاك ؟
هذي ارخص قطعتين وتركيبهم سهل

في الحقيقة فحصت الماكينة كمبيوتر وطلعت 100٪ أما على غطى الراديتر :: فهل من طريقة لمعرفة ما إذا كانت خربانة أو مضبوطة لأني بصراحة أشوفها كابسة كويس وجلدها جيد ..؟؟؟؟

السلام عليكم
ممكن تقولي متا ترتفع الحراره
هل في وقت الانتظار او حتا وانت ماشي

اذا ماترتفع الحراره
الا في وقت الانتظار فانت لديك
1 - المراوح فيها مشكله اما من القلب او الفحمات حق المروحه
2- حساس تشغيل المراوح
3- اللديتر ناقص موووووية كثير لاتسمح بتعرف حساس تشغيل المراوح انه فيه حراره

وانصحك تشيك على بلف الحراره مع ان قيمته تقريبا 150 ريال ممكن يكون قافل


واذا كان مع مشي السياره والحراره زايده هذي مشكله اخرى واتمني ماتكون من المكينه

السلام عليكم

اذا لا الرديتاتور ولا المراوح بكون من صباب الحرارة بده تنظيف او شي انا هيك صار معي و اذا مش صباب الحرارة وصلة المياه الكبيرة الحديدية هي الوصلة الاساسية بأخرها يجي طابة اللي توصله بالموتور بهاي الطابة في الداخل يوجد فيشة كهربا بكون منها... و اذا ولا شي من هول بكون عندك شي وصلة مسدودة ما تخلي المي يمر

بصراحة الماكينة سليمة والحرارة ترتفع فقط في الظهر والسيارة تمشي والمكيف شغال أما إذا طفيته تنزل الحرارة بعد 5 دقائق تقريبًا ( بس أموت حر وارجع أشغله وترتفع مرة ثانية )

دام المكينة سليمة إن شاء الله ... فأكيد مشكلة الحرارة من أحد المراوح وهي مروحة المكيف اللي تجي على اليسار وأنت فاتح كبوت السيارة

قد يكون دورانها بطيء وما تلاحظ هالشيء ... شيك عليها يمكن تكون هي <<< صارت معنا في أكورد 2005

والله يسهل أمرنا وأمــــــــــــــرك .

ما ظنيت لأنها تدور بنفس سرعة المروحة الثانية وبعدين حتى بدون مكيف ترتفع إلى النص لكن بسرعه تنزل

انت تقول الرديتر جديد
هل سبب تغييره ارتفاع الحراره
وهل هو نحاس او المنيوم
او اصلي وكاله
وكيف مستوي مية اللديتر وهل فحصت بلف الحراره وهل تلاحظ فقاعات بعد تشغيل السياره والتشييك على موية اللديتر

بالنسبة للراديتر فهو أصلي وكالة والموية ما تنقص أبدا ..... وبلف الحرارة سليم لأن الخرطوش يسخن بعد تشغيل السيارة بدقائق ..

توصلت إلى الحل وسيتم الشرح التفصيلي لمشكلات الحرارة قريبًا