استشارة في شراء أكورد 2012 ( ارجوا الدخول )
بسم الله الرحمن الرحيم
السلام عليكم
يالله حي اعضاء المنتدى الغالين
أخوي ناوي يطلع أكورد 2012 وعارفين انتم انها امريكية ومايقدر يصبر الين 2013 مستحييل
واخاف انها ليست بجودة ورساوة الموتر اللي معي ( 2009 )
فاللي جربوها ياليت تعطونا انطباعكم عنها هل فيها فروقات واقصد من ناحية الجودة والمكده والرساوة والعزل اما المواصفات فهي معروفه بالنسبة لي
الله يعطيكم العافية مقدما
المشاركة الأصلية كتبت بواسطة تألمت بس تعلمت
خله يستاجر وحده 2012 ويشوف بس عادة بيلقى السيارة معدومة من التفحيط
الاكورد مقاعدها مو مريحة والـ 2012 صلبة وغير مريحة
الاكورد سيارة عملية ذات تصميم جميل غير مريحة قطع غيارها غالية ومكلفه ولكن تعيش
عندي اكورد2012 للبيع ماشيه 9500 كيلو صيانة 1000 و 5000 في الوكالة فل جلد بدون شاشة ابيض ثلجي لماع
نظيفة بس فيها 3 حكات بسيطة جدا جدا
:d حد 103
والله ابداا مهي بجودة 2009 ادا لقى 2011 احسن له حتى ولو ماشي قليل او مخزززن
اخوي اناا انصحك تروح الشركه وتطلب تجربه السيارة
اهم شي انت تجربها عشان تعرف تقارن بينهم
عموما اناا من وجهه نظري الجودة هي هي وهذه الكوبيه من ال2008 وهي امريكية ولااحد اشتكى منها
والله وانا اخوك مايحتاج يستاجر في حالة كانت نفس 2009 لان معي وحده
وعارف مكدة الاكورد
اما بخصوص موترك الله يركز البيعة الطيبة :d
طيب بس ماقلتي لي كيفها من ناحية العزل الجانبي والرساوة
اما العزل الارضي عارف انه فاشل
وش السبب ياليت تقول تجربتك
والله ودي بالتجربة بس انا برا الرياض وبمكان مافيه وكالةة
متى ماحصلت فرصه خذت اخوي وجربناها
وكلامك صحيح بخصوص الكوبيه بس انا اشوف العالم تقول عزل 2012 سيئة والرساوة بعد
شوف بعطيك الزبدة الاكورد كلها اليابانية والامريكية عزلهم الارضي خايس وفاشل جدا
الجانبي الياباني احسن بقليل يعني عزل اليابانية 5 من 10 الامريكية 4 من 10 الامريكية مب كاتمة للأزعاج اليابانية ارسى لثقل السيارة وثقل حديدها الامريكية اخف
اليابانية ارسى ، الامركية وسائل السلامة اكثر وتدفئة للجلد ، كلهم في الفرامل سيئين مع احترامي لسيارة قيمتها 100 الف وفراملها مش حالك
الاكورد كلها فيه حذفات وكلهن قاسيات في المطبات
يمدحون الكادينزا والازيرا والألتيما 2013 ، تشارجر 2012 6 سلندر بـ 107500 ريال بـ 8 تعشيقات
بدل هالدباب المسمى اكورد
ولا خل ياخذ الماني مستعمل ويعز نفسه
دام الواحد دافع 100 الف وفيها يدفع في شيء حلو ويستاهل وسيارة قوية ومكينه قوية ولا ؟:d
تشارجر استعمال نظيف 2011 او 2012 باسعار جدا معقولة دور في موقع حراج
معك حق والله حاولت في اخوي على ازيرا وكادينزا وتورس بس راسه يابس الا يبي اكورد
المستعمل ماودنا به والله
قل له لا يغرك شكل الاكورد وخله يدخل على الموضوعات التي تسب الاكورد 2012
انا توهقت فيها ولا اقدر ابيعها
تشاجر 2012 يمدحونه وبقوة
توقهت فيه من اي ناحية وانا اخوك ؟
وهل فعلا نظام التعليق في الموديل 2012 تغير وصار انعم ؟
والتشارجر كم سعرها .؟ نص فل
بالضبط مدري لكن اعرف تشارجر ستاندر ( 107500 تقريبا ) وفيها بصمة على ما اعتقد وتعشيق 8 نمر
انت خذ اخوك وروحو المتحدة وخله يركب التشارجر انا متأكد انه بغير رايه وبقوة
الشارجر رهيب بتحس بمتعه القيادة ودك ماتنزل منة من هدوء وثبات وراحة وقوة حتى التبديلات ماتحس فيها
بس ووووينة ووين الهوندا اذا استعماله خفيف وراكد ياخذ شارجر والله شي عجيب متعه
الهوندا حمار كرف ومايقول اح ومرنة اكثر وتحكمها اسهل والبريك اقوى
ههههههههههههههههه .. ماشاء الله عليكم ألحين تسبون الأكورد لأنها تصنع في مصنع هوندا في الولايات المتحدة الأمريكية وبالمقابل تمدحون التشارجر ورساوتها وعزمها .. يعني الصناعة الأمريكية ممتازة برأيكم إذا ليش تسبون الأكورد 2012 لأنها صنعت في أمريكا ؟؟
الأكورد من 2008 إلى 2012 هي هي ولو إختلف مكان التصنيع من اليابان إلى الولايات المتحدة الأمريكية ,, فأمريكا ليست بلد ناشيء في صناعة السيارات علشان تسبها أو تقيمها,, امريكا ليست استراليا أو الصين أو ماليزيا .. الله يعينكم على هالتفكير اللي تمشون عليه
التعديل الأخير تم بواسطة أبوفيصل 22 ; 22-06-2012 الساعة 01:56 PM
التجميع ف امريكا ترا يعني القطع يبانيه
وبعدين انا معي اكورد وكل اسبوع القصيم / الشرقيه
ومافيه الا كرفماقد جربت اكورد موديل قديم بسس كل اللي ركبو مععي يقولون راسي وحلو
مشاء الله
توكل على الله بسس
وامريكي احسن من الياباني عند الشباب ..
غالي والله سعره فووووق .. طيب وش رايك يالتوريس ؟
انا عارف الاكورد ومكدتها عندي 2009 وعارف الهوندا وقوتها لولا الحذفه اللي فيها تطلع اطلق موتر
بس خايف تكون 2012 غير عن جودة 2011 ..
التشارجر والله كلمته عنها وماعجبته يقول ماتعجبني النوعية هذي من السيارات بس بحاول فيه
يامال العافيه
محد سبها وانا اخوك
بس انا ابي اعرف هل هي نفس مكدة وجودة 2011 وتحت ولالا
لكن الظاهر التورس بتغير نظرة اخوي عن الاكورد مع انها صامل عليها
موترك 2012 ؟
الاكورد 2012 امريكية بالكامل بـنسبة 100% امريكي ولا قطعة ياباني
يعني تقنعني ان هوندا اليابان ترسل القطع والسيارة مفككة وتقول لهوندا امريكا ركبوا القطع وارسلوها للسعودية مثلا !!
ومصنع هوندا الي في امريكا عجزان يصنع مكاين وقطع هوندا مثلا ؟؟؟
مكتوب على السيارة made in usa
فليه الواحد يلف ويدور
التورس كويسه وموتر فيه عزم وعزل جيد جدا سوا ارضي او خارجي + رساوة افضل من الاكورد + راحة ومعروفة سيارات فورد بالراحة والأعتمادية العالية + خدمات الصيانة الممتازة ما بعد البيع وتوفر القطع ( التورس مرشحه لإن تكون خليفة للكروان فكتوريا الاسطورية ) + توفر فئة دفع رباعي في التورس لو حاب
+ سعرها المقبول
لو يقدر اخوك يستاجر التورس مدة يوم ويجربها ويشوف
بلا اكورد بلا هم
كم اسعار التورس للدفع الامامي ؟
الستاندر 99 أمامي .. اما الرباعي مدري
نص فل الأمامي 106 والرباعي 114
طبعا منقوووووووووووول
الاسعار قد تزيد إلى 4 الاف ريال حسب العرض والموديل وتوفر السيارة
ياساتر واجد والله
احس تعبتك معي يالغالي والله ماقصرت ( قبله على راسك )
ضوابط المشاركة
رد مع اقتباس
مواقع النشر (المفضلة)