المشاركة الأصلية كتبت بواسطة أبوفيصل 22
حتى 2011 فيها عيوب لكنها افظل من 2011 في الرساوة والصناعة ومتانة البدي
وعندي ظروف لولا هالظروف بعتها الحين
يارجال انت وش تبي بالضبط عشانها سياراتك ما ترضى عليها ياخي قل الحق حتى لو على نفسك ترا مافيها شيء والاكورد مب مرسيدس او bmw عشان نقول انها تقريبا خالية من العيوب
فيها عيوب كثيرة وبيع 2012 كثيرة تنباع والاسباب قد تكون بعض ما ذكرتها وكل الاكوردات سوا 4 او 6 سلندر فيهم العيوب والـ 6 ما تستاهل سعرها ابدا رضي من رضي وابى من ابى
بعدين ياخي يمكن انت كانت معاك سيارة تعبانة وشريت اكورد وجلست تطالعها bmw
تحياتي للجميع
اخوي هوندانا مع احترامي لك بس اللي يشوف مشاركاتك في المواضيع يحس انك تتقصد السياره في حين ان اكثر الناس تمدح الهوندا وجودتها ولا تزعل من الشباب على ردة الفعل لانك
زودتها شوي للان العيوب اللي طلعتها في 2012 اليابانيين لحد الان ما اقدر يطلعونها
وتبقى عزيز وغالي ونتشرف بمعرفتك
هوندانا خوفتني بكلامك كنت ناوي على الاكورد بس كلامك شككني في جودتها.
هوندانا كلامك صحيح بنسبة 80% واغلب الاعضاء اللي متضايقين من كلامك انا متأكد انهم قبل ما يشتروا الاكورد كانت معاهم سيارات اقل جودة من الاكورد عشان كذا اكيد الواحد فيهم لما يشتري الاكورد جديدة تلاقيه يقارنها بسيارته القديمه هنا اكيد راح يمدح الاكورد .... على فكرة معاي اكورد 2009 فل كامل ولازالت معي الى حد الان وادعوا لي ياشباب ان ربي ييسرها وتنفرج ازمتي الماليه واغير سيارتي
الحذفة لا زالت موجودة عندي
اخوي هوندانا ياغالي والله انك تبالغ وظلمت الاكورد صارت دير ههههههههههههههههههههههه !
^^
انا قلت كل شيء بخاطري وكل شيء اعرفه عن الاكورد
مو بكره يشتريها ويقول ما قلتوا لي انا تورط انا كذا السيارة عطيتوها اكبر من حجمها ....الخ
اتمنى من الي يرد علي يناقشني في العيوب حبه حبه عشان ارد عليه حبه حبه
واتمنى من الي يناقشني تكون سيارته 2012 بالذات
سويتها سيارة صينيه ههههههههههههههههههههه
أنصحك بالأكورد وبقوووه
في بيتنا 3 هوندات
1- سيفيك 2006
2-أكورد 2007
3-أكورد 2010
وكلها ممتازه الحمد لله ما فيها مشااكل
^^
هو قال هوندا اكورد 2012 وانت تعدد لي سيفك و اكورد 2010 و 2007
هو عارف انها ميكانيكا جيده وتعيش بالمحافظة عليها لكن هو سأل عن العيوب الي بالاكورد
بدل لا تستهبل وتضحك علي
ناقشني في العيوب واحد واحد واتمنى تكون معاك 2012 عشان يكون فيه تعادل في الحظوظ
دير تسميها سيارة وانا اخوك
ناقشوني في العيوب واحد واحد لا تروحون بعيد عن الموضوع
يابن الحلال انت معاك 2012 ولا لا ؟؟
جرب 2011 او 2007 وجرب 2012 وبعدين تعال تكلم وقارن العيوب الي ذكرتهم
كلنا عارفين ان هوندا مكانيكا جيده وتعيش لكن فيها اشياء غبية في 2012
الشرف لنا
اخوانا كان يقول ما فيه فرق لكن تغير كلامه يوم جرب الموديلات الاقدم
انت جرب الموديلات الاقدم بشرط تكون نظيفه وكفراتها كويسه وراح تشوف الفرق في الرساوة
هوندانا يبالغ حاط 24 عيب سلامات ماخذ سوزوكي انا
احب اقولك ياصاحب الموضوع مافيه سيارة تخلا من العيب ولا تنسى ان السيارة هي الافضل في فئتها وطبيعي يكون فيها عيب لانها ماهي من السيارات الفارهه مثل الاودي والمرسيدس والبي ام
انا انصحك فيها اذا تبي 4 سلندر اما اذا تبي توصل سعر 6 سلندر خذلك لكزس es 2010 لاقيه قبل 3 شهور ب 127
انا حاط عيوب زايده قد تكون عيوب من وجهة نظري او سلبية وغيري يراها عاديه
لكن فيه عيوب اكثر من عضو متفقين ان 2012 فيها هذي العيوب من ضمنها
((( الرساوة وبعضهم تجي فيها حذفه يسار ، والعزل الجانبي السيء جدا على سرعة 100 ، ضعف متانة البودي ، وغلاء السعر مقابل الصناعة الامريكية وقلة المواصفات )))
، ومن وجهة نظري ايضا الفرامل خصوصا نظام abs في الاكورد 2012 جربته ماهو بذاك الجودة والقوة في الكبح
صوت الهوا خفيف بعد 100 خفيف ماهو قوي وبالنسبة للحذفة كانت عندي يمين بس بعد ماسويت وزن اذرعة صار يسار وبامكاني اصلحه بالوكاله لكنه على السرعات من 8 وفوق يخف الحذف والرساوه حلووه مافيها شيء اما السعر خذتها بسعر مناسب وبخصوص المواصفات مرتاح معها ماخذ فل شاشة وكل شيء موجود حتى الكاميرا يعني ما احتاج حساسات
انا مجرب كذا سيارة اقل من الاكورد واقدم ما فيها التنسيم زي الي بالاكورد ، الحذفة موجودة باغلب الاكوردات 2012
أنت اللي وش تبي بالضبط ؟؟ سيارتي لو ماإقتنعت فيها بعتها وإشتريت السيارة اللي مقتنع فيها موب مثلك قاعد تكتب كلام من راسك ومو صحيح ..
إذا انت تقارن الأكورد بسيارة ثانية من غير فئتها فهذا دليل جهلك وياليت تقراً المقصود ب ( الفئات ) علشان تعرف الأكود وش ينافسها وتترك عنك الكلام الفاضي اللي تكتبه هنا .
ولمعلوميتك ترا ال bmw والمرسيدس فيها عيوب لكن مميزاتها تغلب على كل عيوبها ,, يعني كل سيارة لها عيوب لكن يجب النظر لمميزاتها .
من قالك أن فيه بيع في ال2012 ومن وين تألف هالكلام ؟؟؟ أنت كاذب واتحداك تثبت كلامك
رأيك في الأكورد شأن يخصك لكن ماتلزمنا برأيك الخاطئ فلسنا مغفلين أو صغار سن ..
قبل الأكورد كان معي سيارة موديل 2009 ومن نفس فئة الأكورد فرجاء ترك الفلسفة الزائدة .. وياليت تبيع سيارتك وتترك موضوع وموال الظروف اللي ترددها في كل مشاركة .. اي ظروف وأي نيله بع سيارتك وخذ بقيمتها سيارة خارقة مافيها عيوب وفكنا ..
العلة إما في سيارتك او في إستخدامك ..
سيارتي مافيها اي حذفه ولله الحمد وموديلها 2012 .. المشكلة من الإستخدام السيء للسيارة
تنطيط الرصيفات والمشي بطرق غير ممهدة والمطبات سبب رئيسي للحذفه في كل السيارات فتأكد من قيادتك
بارك الله فيك ابوفيصل
مايحتاج نقاش يمكن سيارتك فيها عين ولا فيها اخطاء مصنعيه بيعها وخلاص اشترلك كامري افضل واذا شريتها روح طلع عذاريبها بتلقى علووووم والله بتستانس وانت تسجل بالورقة بتوصل للرقم 20 وبعدك
يالله سلام ترى جد ياخوي خربت ام المنتدى وطيحة سمعة الاكورد
للمعلومية انا شاري السيارة مستعمله وصاحبها الاول ضرب فيها الرصيف خرب الجنط + الكفر وممكن يكون هذا سبب الحذفه وليس عيب مصنعي
اتمنى منك يا هوندانا ترجع للسيارة اللي كنت عليها اول لاني ملاحظك من كذا شهر على نفس الوضع ماخليت موضوع الا وسبيت فيه الاكورد واجزم انك مندوب من وكاله ثانية
بارك الله فيك ابوفيصل
مايحتاج نقاش يمكن سيارتك فيها عين ولا فيها اخطاء مصنعيه بيعها وخلاص اشترلك كامري افضل واذا شريتها روح طلع عذاريبها بتلقى علووووم والله بتستانس وانت تسجل بالورقة بتوصل للرقم 20 وبعدك
يالله سلام ترى جد ياخوي خربت ام المنتدى وطيحة سمعة الاكورد
لا ولله الحمد لكن الصدق ان هذا مستوى الاكورد بصراحه لاني بصراحه كان معي موتر جيد وافضل من الاكورد وحسيت انها اقل بكثير من السيارة السابقة
لكن الحذفة جت كذا انا ما اكل ارصفة او حفر او افحط ( لكن الأخ مزحماوي 2012 يعرف حل المشكلة ولا علمنا لحد الآن لانها احتمال كبير بسبب الكفرات التعبانة
الله واكبر الحين انا بطيح سمعة الاكورد طيب يوم بطيح سمعة الاكورد بدون سبب وش لي مصلحه هي سيارتي ولما افكر ابيعها ما تجيب لي سعر بسبب سمعتها وهذا مو من مصلحتي
لكن لما اكون مطبل او ما احب اسب سياراتي عشان ما اكرهاا هذا شيء ثاني
الصدق واجب حتى لو على نفسك
كل سيارة فيها عيوب لكن الي انتم ما تستوعبونه ان الاكورد مثلا الفل كامل 4 سلندر سعرها 115 الف وعيبوبها كانه سيارة كورية ام 60 الاف ( اتكلم عن 2012 )
الرساوة مو ذاك الزود ف 2012 جربوا زين وامسكو خطوط بها مو تمسكون خطوط بالمدينة ابي خط 200 كيلو مثلا لما يكون فيه هواء خفيف او قوي او متوسط قارن وشوف
ضوابط المشاركة
رد مع اقتباس
مواقع النشر (المفضلة)