تجربتي مع زيت هوندا الجديد

**هاااوي الاكورد** · 22-07-2012, 12:46 PM

السلام عليكم
اعتذر كثير للشباب عن الغيبا
بس سبب الغياب اني تزوجت الفال لكم >> والي متزوج عقبال الثانية :p
بختصار انا كنت رافض تمامآ اني احط زيت هوندا الجديد بسبب انه خفيف جدآ طبعآ سيارتي كانت ماشية 95 وانا من الناس الي اروح الوكاله كل فتره والثانية
وهذا الي جبرني استمر على زيت هوندا القديم برغم ان الكل عارف مشكلته ما يوصل 4 الاف اسود وناقص
المهم فكنت مجبور اني احط الجديد عشان اذا وديت السياره الوكاله ما يصير لخبطة واعدم الطرمبة
لان التغير من زيت لزيت كل مره يخرب الطرمبة
حطيت طبعآ الزيت الجديد سعر العلبة 40 مشي 10 الاف طبعآ كنت اشيك على الزيت اول 3 الاف كيلو كان الزيت جديد ونضيف وجا موضوع الزواج وطلعة على السيارة دبي ورجعت بدون ما اغير الزيت مع العلم ان كان الزيت ماشي عليه 4 الاف وبعدها سافرت يوم رجعة الاجالي كان 9450 كيلو كان الزيت محروق لاكن مو ناقص وللعلم انا طول الطريق ممشاي 210 يعني حارقة حرق
حبيت اطرح الموضوع للفادة

**جاكي2** · 22-07-2012, 01:07 PM

الله يعطيك العافيه يعني تجربه موفقه ان شاء الله للزيت الجديد

والله قبل امس مغير الزيت كاسترول 10w30 بس ممشي 6 الاف تقريبا وكان مسود بس اللزوجه كويسه وبدون نقص
بس ارتفعت العلبه الي 18 ريال

مشكله الزيت الجديد السعر العالي
بس تصدق ممكن يوفر على اللي يغير سيفون كل 5000 كيلو او يطلع بنفس السعر
18 * 5 = 90 ريال
سيفون اصلي 21 ريال
5 ريال شغل يد
الاجمالي 116 ريال
لو ضربناها ب 2 لانه بنساويها مع ممشي 10 الاف كيلو تطلع 232 ريال

طبعا زيت هوندا 5w30 متوفر براا بسعر 39 ريال

39 * 5 = 195 ريال
سيفون اصلي 21 ريال ويستخدم مره وحده لممشي 10 الاف كيلو
شغل يد 5 ريال
الاجمالي 221 ريال
تقريبا فرق بسيط بالقيمه لصالح الزيت الجديد ولكن فيه ميزه انه كل 10 الاف كيلو
يعني ممكن 3 أو اربع شهور وانت ناسي شي اسمه زيت
وصفر عداد الزيت وخليه على وضع 10 الاف مو كل 5000 الاف تصفير جديد

ان شاء الله التغييره الجاية زيت هوندا الجديد وان شاء الله ماينقص على ممشي 10 االاف

ومشكووووووور ياهاااااوي الاكوورد على طرح التجربة

**أنيس** · 22-07-2012, 01:53 PM

يا شباب بالنسبة لزيت هوندا الجديد متوفر بالمحلات أو بالوكالة ؟؟

الله يخلي الفلبينية اللي ببترومين أسوي صيانة الخمسات عندهم إذا كنت مضطر بدون سيفون بـ 80 ريال تقريبا فياليت أحد يعطينا رايه عن زيتهم لأني بديت أشك فيه !

ياشباب ترى أجوائنا حارة جدا جدا وأتوقع عشرة آلاف كثيرة !!!

**memories** · 22-07-2012, 03:29 PM

وعليكم السلام ورحمة الله وبركاته

بارك الله لكما وبارك عليكما وجمع بينكما على خير

بالنسبة للزيت الجديد غيرته قبل اسبوع العلبة بـ 35 ريال يعني 4 علب بـ 140 ريال

ومازال تحت التجربه

**Gamer** · 22-07-2012, 04:02 PM

صراحة انا خلفيتي بسيطة جدا عن الزيوت بس اللي اعرفه انه طبيعي الزيت يسود خاصة في البداية وهذا معناته انه يأدي وظيفته

ارجو واحد يصحح لي هالمعلومة اذا كنت غلطان

**meshoo** · 22-07-2012, 05:11 PM

وعليكم السلام

ممتاز

انا متردد اغير الزيت القديم او الجديد

واقل سعر للجديد حصلته بـ 40 ريال والقديم 20 ريال

**نادر الموسى** · 22-07-2012, 05:14 PM

زيت هوندا الجديد 5-30 زيت تخليقي بالكامل وليس معدني ومشي 10000 عليه قليل فهو يوصل الى 15000
اما بالنسبة لتغير لون الزيت الى السواد فهذا لالا يدل على ان الزيت رديء بل يدل على ان الزيت قام بواجبه جيدا وهو تنظيف المكينة وتتزييتها
يوجد زيت في بترومين 15-40 نفس لزوجة زيت هوندا السابق ولكنه صناعي ايضا العلبة ب34 ريال ويمشي 15000

**امير الاكورد** · 22-07-2012, 05:19 PM

انا استخدم سوبر جي تي

**ماجد .** · 23-07-2012, 07:06 AM

ما همني الزيت المهم مبرووووووووووووك الزواج منك المال ومنها العيال ان شاء الله

**هاي الشرقية** · 23-07-2012, 09:05 AM

يعطيك العافية على هالموضوع وصراحة هالزيت كلا مدحه وبيني وبينك خلينا نفتك من شي اسمه بنشر وتغير زيت بهالحر

**هاااوي الاكورد** · 23-07-2012, 10:25 AM

اشكر الجميع
والله يبارك فيكم والفال لكم انشالله
وناس الي تسال وين تحصل الزيت في الوكاله وبره الوكاله
وبنسبه لسواد الزيت فعلن يكون قام بوجبه بس بدون ما ينقص اذا سوج ونقص هذا يدل على سوا نوع الزيت

**meshoo** · 23-07-2012, 11:04 AM

الان اذا انه على 10.000 ويتبدل ماستفدنا شيء

زيه زي ابو 5000 بس كاني مغيره مرتين مره وحده

حتى السعر العلبه القديمه ب 20 والجديده ب 40

**هاااوي الاكورد** · 23-07-2012, 11:19 AM

الي تستفيده ان الزيت القديم ينقص والجديد لا
الشي الثاني انت كل خمسه بتغير سيفون يعني مرتين لاكن 10 مره وحده
غير تعب انك كل مره تروح البنشر
غير فكت الصره كل مره كثرتها تخرب السنن
وغير وغير وغير

**الحيسوني22** · 25-07-2012, 05:22 AM

عن نفسي ما اركب الا زيت هوندا القديم امشي عليه 15 الف احيانا يوصل 18 الف والله العظيم ماكذبت عليكم والامور تمام

**فـــيـــصـــل..607..** · 25-07-2012, 10:29 AM

يارجال الترا سفن امشي عليه 10000 خخخ

بس والله شكل الزيت ذا حمولتن طيبه

ومبروك الزواج انتبه ترانا بنهار رمضان لا تسوي شي ض1

**moony10** · 10-02-2013, 03:05 AM

السلام عليكم ... طيب انا ذحين متردد لانه الصيانة اسويها بالوكاله وقبل 4 شهور اخر صيانه .. وقبلها غيرة عند بنشري الزيت بعد ما خذت الزيت الاصلي من الوكاله خمس علب مع السيفون ....والان الوكاله بعيدة عني .. وما ادري ايش اغير الجديد 5*30 والا القديم اشتريه من الوكاله والله يعين فيدكس ... طبعا 6 سلندر تاخذ 4 ونص بدون سيفون ... دلوني تكفون ,,,,:o

**عبداللهs** · 11-02-2013, 07:55 PM

زيت بترومين سوبر سينثتيك يمشيك 10 ألاف كيلو
من شركة بترومين 15w40
الزيت له مميزات:
نفس الزوجه الي تنصح بها الوكاله
خفيف والمكينه ماتنقص زيت
الشكمان مايطلع طبقه سودا على الكروم
أحس المكينه أنعم

مميزات شركة بترومين
عماله ممتازه
يكون في عروض(كان فيه عرض قبل أسبوع الفلتر مجاني))
بدل ماتغير الزيت بالفلتر ب 210 صار الفلتر مجاني وتدفع 160
يعطونك برنت بالامور التي تم فحصها بالكمبيوتر .شغل منظم وبحاول أصورها
يوضعون ستكر بالقزاز الامامي متى تغيير الزيت الجاي يعني ماعليك من العداد لو تصفره
يكنسون الداخليه وينظفون القزاز ويعطونك ريحه وكلينكس لسياره
يعني خدمتهم ما تلقاها في الوكاله
للمعلوميه ركبت زيت هوندا الي يمشي 10 الاف بس ماعجبني ينقص ويسود وينقص
وغلطت مره وركبت 20w40 ريحة كربون والزيت ينقص

أنا كنت محتار اركب 5W40

بس ركبت ]15W40
[IMG]D:\IMG_3767.JPG[/IMG]

**saad.z** · 22-02-2013, 10:57 PM

انا شريت العلبه من صناعيه ام الحمام لقيته عنده محل السبيع ب29 ريال للعلبه وركبته ب10

**هوندانا** · 23-02-2013, 04:10 PM

المشاركة الأصلية كتبت بواسطة saad.z

انا شريت العلبه من صناعيه ام الحمام لقيته عنده محل السبيع ب29 ريال للعلبه وركبته ب10

متـأكد انه بـ 29 ريال لزيت هوندا الجديد 5/30 ؟؟

طيب السعر هذا للحبة ولا سعر الكرتون ( سعر الجملة )؟؟

طيب ممكن وصف المحل في صناعية ام الحمام بالضبط :d

نوفر لنا 11*5 = 55 ريال

ووين الي يركب لك زيت بـ 10 ريال

انا جبت الزيت والفلتر قال لي البنقالي 25 ريال شغل يد قلت ليه قال الزيت من عندك .... وين خويك الي يغير ب 10 وكيف شغله ؟؟

15+55 = 70 ريال توفير

اذا كلامك صح علمني لاني على وشك اغير الزيت ماشي عليه 9 الاف

+ عندي فلتر جديد احتياط:d

في انتظار ردك

الموضوع: تجربتي مع زيت هوندا الجديد

أدوات الموضوع

عرض

تجربتي مع زيت هوندا الجديد

نصيحه في غيار الزيت وأسئل مجرب

..

مواقع النشر (المفضلة)

مواقع النشر (المفضلة)

ضوابط المشاركة