الموضوع: الاكورد الامريكيه ,,

المشاركة الأصلية كتبت بواسطة wwvip

السلام عليكم

اخوي بامريكا ومعه اكورد 2010 وتخرج الولد ويبي يجي السعوديه
ويوم بغى يبيع سيارته بامريكا الشريطيه حقين امريكا خسفوا بسعرها بالارض
يا زين الشريطيه حقيننا عندهم والله

المهم انا قلت له بشتريها منك بالسعر اللي قالوا لك عليه الشريطيه
بس خفت من قطعها ما تكون متوفره هنا

هل الاكورد الامريكيه تختلف عن السعودي ؟
بغض النظر عن الحراره وكذا
لان اخوي اصلا في تكساس ومنطقه زي الرياض بالحراره تجيب المرض توصل عنده الحراره احيان 45
ش
وش رايكم اتوكل واشتريها منه ؟
ولا اسحب عليه واخيله يبلش مع شريطيه امريكا ؟

اذا اخوك شاريها جديدة ،،، وهو يحافظ على غيار الزيت حق القير في الوكالة + ان السيارة تتحمل حرارتنا توكل على الله واشترها


بالنسبة لقطع الغيار لا اعلم عنها اي شيء





شريطية امريكا رضعوا الشريطو من شريطيتنا


ههههههههههههههههههههههههههههههههههههههه


سؤال اذا مافيه احراج ،،، كم ساموها شريطية امريكا ؟؟

تأكد قبل ممكن فيه بعض القطع تختلف خصوصا الرديتر

المشاركة الأصلية كتبت بواسطة هوندانا

اذا اخوك شاريها جديدة ،،، وهو يحافظ على غيار الزيت حق القير في الوكالة + ان السيارة تتحمل حرارتنا توكل على الله واشترها


بالنسبة لقطع الغيار لا اعلم عنها اي شيء





شريطية امريكا رضعوا الشريطو من شريطيتنا


ههههههههههههههههههههههههههههههههههههههه


سؤال اذا مافيه احراج ،،، كم ساموها شريطية امريكا ؟؟

ايه اخوي يحمد ربه اصلا ان ابوي شاري له موتر جديد , بيحافظ على امه ياشيخ
بعدين هناك الواحد غصب عنه يصير على النظام , مافيه شغل الدخلات وقطع الاشارات عندهم
يعني حتى مخش مافيها الموتر والله ,
تخيل عاد مره اخذ 5 مخالفات بنفس اللحظه ومن عقبها تاب ماعاد يطبق هياط السعوديه عندهم
تخيل تقاطع ووقف بنص التقاطع
جت الدوريه عطته
مخالفه انه دخل تقاطع مع له
المخالفه الثانيه انه سبب ازمه بالسير
المخالفه الثالثه ان دعس على خط المشاه
المخالفه الرابعه انه ما وقف عند علامه قف حقت التقاطع
الخامسه لانه سوا كل هذولا الاربع ههههههههههه

سعرها بامريكا طال عمرك من 20 الف دولار وفيها ,
وساموها منه ب 9 الاف بس !!
يعني ياحليل الشريطيه اللي عندنا
اخوي يمديه يبيعها بس السوق عندهم , بس يبي لها فتره طويله
خص ان الامريكان قعاطه قسم سياراتهم ابو الف والفين محد يبي غالي الا اقساط

وهو راجع بعد شهرين يعني يا يبيعها ب 9 لهم ولا يبيعها لي ب 9 وانا ابلش بها
الفرق عن اللي عندنا ان مافيها مكيف خلفي ؟
مافيه طريقه نرهم لها مكيف ؟
والعداد بالميل , وما اتوقع يحتاج تعديل
المكينه والداخليه وحده , لون الداخلي بيج وفيها زر زياده مدري حق وشو

المشاركة الأصلية كتبت بواسطة تألمت بس تعلمت

تأكد قبل ممكن فيه بعض القطع تختلف خصوصا الرديتر

ان جت على الراديتر سهله , انا اخاف من اشياء ثانيه والله
ودي بكاتلوج الاكورد السعوديه وكاتلوج الاكورد الامريكيه عشان نقدر نقارن مبدئيا

المشاركة الأصلية كتبت بواسطة wwvip

ان جت على الراديتر سهله , انا اخاف من اشياء ثانيه والله
ودي بكاتلوج الاكورد السعوديه وكاتلوج الاكورد الامريكيه عشان نقدر نقارن مبدئيا

اذا السيارة 2010 + امريكية + استخدام 3 سنوات + ستاندر سعرها 75 الف ريال قل لو انها نظيفة مرهـ وانها امريكية على انها بتنقص كل سنة 10 الف كحد اعلى = 45 الاف بالدولار تصير 12 الاف دولار على الاقل وبالميت

هههههههههههههه بس هالشريطية ناوين يبيعونها بـ 15 الاف دولار

ويتكسبون في الموتر الله

حاول معاهم بـ 12 الاف دولار رضوا ولا بكيفهم ( اعرضوا السيارة بمواقع الحراج في امريكا ) لعلها تجيب سعر

نصيحتي له ولك : أرسلوها للسعودية كلها شهرين بالكثييييير وهي عندكم وتستخدمونها أحلى استخدام وصدقوني راح تبيعونها بسعر جيد جدا حتى لو توقفونها بصالة لفترة ..!
أنت وأخوك أبخص ببعض إذا الموتر محتاجينه بالسعودية جيبوه ولا تترددون لأن إجراءات شحنه سهلة جدا حسب ما أسمع ..
القطع وأنا أخوك منت بلشان شوف الكوامري الامريكية أغلب قطع الياباني تركب عليها وبعدين إذا على قطع غير متوفرة عندنا الله يخلي لنا شركات الشحن أسبوع والقطعة عندك من أي مكان بأمريكا !!

ودي وتقديري ..!

توكل على الله وجيب السياره

وبنسبه للقطع ما فيه فرق بينهم غير بحاجات بسيطه جدا
يعني الاستهلاكيه واحد ما فيه فرق ولا تنسى ان مصنع هوندا الي في امريكا هو الي يصدر سيارات هوندا في الشرق الاوسط والسعوديه
يعني ما عليها خوف ان شاء الله
وانا سيارتي تجي امريكيه لانها ما تتصنع اصلا في اليابان ومع ذالك القطع وحده بيني وبين السيدان ولا يفرق ولا شي

افادوك الشباب

اتوكل على الله وجيبها واستخدمها وبإذن الله مافيها ندامه

واذا ماودكم جيبوها وانا اخذها منكم بـ 10 الاف دولار بس اتأكدلي من فئتها

المشاركة الأصلية كتبت بواسطة هوندانا

اذا السيارة 2010 + امريكية + استخدام 3 سنوات + ستاندر سعرها 75 الف ريال قل لو انها نظيفة مرهـ وانها امريكية على انها بتنقص كل سنة 10 الف كحد اعلى = 45 الاف بالدولار تصير 12 الاف دولار على الاقل وبالميت

هههههههههههههه بس هالشريطية ناوين يبيعونها بـ 15 الاف دولار

ويتكسبون في الموتر الله

حاول معاهم بـ 12 الاف دولار رضوا ولا بكيفهم ( اعرضوا السيارة بمواقع الحراج في امريكا ) لعلها تجيب سعر

المشكله ان اخوي خلاص جاي نهايه الشهر الجاي ,, يعني ما يمدي يبيع الا لشريطي امريكيه ,,
قررنا نشحن السياره من نيوجيرسي الى جده وتكلف ان شاء الله 1200 دولار بس قبل فتره اخوي سال شركه وشكلهم حراميه قالوا لنا ان الشحن 3000 الاف دولار
بس باقي الجمارك يمكن يطلع 2000 ريال
يعني بكرف امها وقيمتها بتكون نفس قيمه 2007 وناسه قسم ,,
الا اخوي 2010 السعودي كم تسوى ؟

على حسب

فل 4
فل 6
سبيشل 4
سياحي 4

تفرق الاسعار