الموضوع: حل بسيط جدا لمشكلة إنطفاء السياره .. التي تحصل بعد فصل و إعادة توصيل أسلاك البطارية

السلام عليكم ورحمة الله وبركاته

كيف حالكم ان شاء الله بخير


فيه مشكلة البعض يعاني منها في كثير من السيارات

بعد فصل و إعادة توصيل أسلاك البطارية


السيارة تطفي اذا وقفت عند الإشاره أو اذا هديت مره عند المطب
وإذا ما طفت .. ينخفض الـ rpm وتهتز السياره

الورشات وبعض الناس راح يقول

لازم تسوي إعادة برمجه و تغيير البطارية و فحص كمبيوتر وووووووو الخ... << ما سويت ولا واحد من هالأشياء

الحل وجدته بالصدفه .. حل بسيط جدا ولا يكلفك شيء أبداً ولا يضيع وقتك


بعد ما وصّلت أسلاك البطاريه .. مشيت على السيارة .. وطفت علي 4 مرات

مرة عند مطب ومرتين عند إشارتين ومرة عند منعطف

تطفى كل ما ضغطت الكلتش وجيت اعشق .. لازم اعشق وادعس بنزين بسرعه قبل ينزل الـ rpm .. عشان ما تطفى السياره

المهم

طفيت السيارة وفكيت غطاء تانكي البنزين .. وطلع مثل الهواء القوي ( نسّمت تانكي البنزين ) .. وركبته الين سمعت الغطاء يطقطق ..

والحمد لله انحلت المشكلة .. بدون خسائر .. بلا ورشات بلا هم

المشكلة كانت من الهواء المضغوط بالتانكي يأثر على طرمبة البنزين


اذا ما نفع كرر الطريقه

واذا تبي نتائج أفضل .. أمسك خط تقريبا 30 كيلو


ولا مانع من تغيير البواجي وفلتر الهواء وفلتر البنزين قبل تمسك الخط عشان تصفّي المكينه والسياره بشكل عام


واذا ما نفع افحص هوز وعلبة فلتر الهواء .. يمكن فيه شق او شيء
ويلخبط سحب الهواء للمكينه ويدخل غبار

وتقدر تصلح الشقوق بلحام بارد أصلي امريكي بـ 20 ريال من ساكو .. يجي معجونين تخلطهم مع بعض بنفس الكميه

( و انسى ينفك اللحام البارد لأنه قوي جدا )


لا تحرموني من دعائكم