الموضوع: افيدوني يا أخوان طار النوم من عيني

سلام عليكم
اول شي مبروك السياره وانشاء الله تكون مشكلتك بسيطه
ممكن تكون المشكله في البلف يكون مناسب لاجوائهم لكن عندنا غير
قبل تدخل في اي متاهه نزل البلف وجرب ترا فكه سهل وتركيبه نوعاً ما يرفع الضغط
بالنسبه لأي سياره اذا مع المشي ترتفع الحرارة واذا وقفت تزل احتمال كبير يكون من الاديتر ومو انه يكون خربان يمكن يكون حجمه صغير وانت ماشاء الله موترك مديل حديث
وممشاه قليل يعنى مايمديه خرب اللهم انه مصمم لاجواء ليست حاره
لكن انت جرب اول شي نزل البلف
وذا شفت الوضع ضبط وتكتفي بتنزيل البلف ترى مافيه ضرر لكن بشرط !!!! وحطها في بالك انك في فصل الشتاء تنتبه للحراره لاتنزل عن الثلث !!!! لان الحرارة اذا نزلت عن الثلث تبديلة القير الاخيرة مايجيبها الا اذا بتحط كرتون على وجه السياره مع الخط والسفر بالحاله هذي اقولك نزل البلف اذا فيه نتيجه
اذا حاب تجيب بلف من عبدالله هاشم وتركبه وجاب نتيجه الخير واهله
واذا ماجاب نتيجة
لبق جنب اكورد 2008 وفوق وشف الاديتر اذا كان اديتر موترك اصغر احتمال يكون منه
وانشاء الله تنحل مشكلت واتمنى اني افدتك

علي حسب الولايه اللي اشتريتها منها
اذا ولايه بارده فانها مصممه على البرد
واذا ولايه حاره فانها مصممه على الحر ونفس اجواءنا
تاكد من الولايه اولا عشان ماتخسر
اذا بارده تحتاج تغيير الرديتر والبلف وانشاءالله تضبط امورك

ارجع للوكاله والعن خيرهم قولهم سياره تسخن وهوشه وملاعن تضبط امورك
لا حد يقول لك من المهندسين طبيعي كيذا . كل السيارات ما تعدي النص اصلا وهاذي فوق النص

المشكلة بصيطا بس بس وين بس لازم تحددها من وين لانها تختلف من سياره الى سياره يعني ممكن تكون من بلف الحراره وممكن تكون من الرديتر

قبل ما تغير اي شي شفلك احد معه اكورد نفس الموديل وتعال عنده وناضر الفرق بين الرديتارين اذا مافي فرق معناته المشكلة في البلف واذا فيه معناته من الرديتر