هوندا اكورد قير عادي ...

**Firefigter** · 16-09-2012, 12:29 PM

السلام عليكم ورحمة الله وبركاته ....

اشكر كل من هو قاىم على هاذا المنتدى ,,

المهم ياجماعة الخير ابختصر الموضوع لكم ,, انا عندي اكوردتي المزيونه قير عادي 2006 ,, نعم يالربع قير عادي << احلف بسسس؟؟ :d
وقريت مواضيع من اخوننا الاعضاء عن اهميت تغير زيت القير +فلتر القير وانا الله بالخير اشلونك زين اترسه خصوصي تكفى الحين ... الخ في هالسوالف هاذي :o

قلت لازم اروح واغير لها زيت القير واغير لها فلتر زيت القير ... رووحت للوكاله قلت لهم ابي زيت لو سسمحت وفلتر قالي الصديق اوكي

رااح الصديق وجاب لي 3 علب زيت + فلتر + واشر الوجه مال الصاموله او سرة الزيت حق القير وطلع حسابهم كولش ب136 ريال سعودي

رحت للبنشري والبنشري بشركة فوكس _<< قالي يالطيب يالغالي يالحبيب قلت له سسم قالي ترى الزيت هاذا زيت قير اوتماتيك وليس للقير العادي لانه في فرق بين الزيت الي جبته انا atf ومال القير عادي mtf وبخصوص الفلتر حق القير قالي اصلا القير العادي مافيه فلتر :pولا يتغير ..بسس تغير الزيت او تضيفه والواشر طلع حق اوتماتيك كبير على الصره... هاذا الي يروح على عماها . المهم مابي اطول عليكم عندي استفسسار لمن لديه الخبره .

الحين الوكاله ماعندهم زيت قيرعادي وش السوات الحين ؟؟

السوال الثاني هل صوودق مافي فلتر بالاكورد قير عادي ؟؟

علما اني يالربع اناراعي خطوط لاني ادرس خارج السعوديه

اسسسسف على الاطاله والافلام الهنديه

وشكرا للجميع

**جاكي2** · 17-09-2012, 01:29 AM

والله انك صار لك فلم مع الزيت هذا

بس كويس رحت عند واحد فاهم وماغير لك الزيت

شوف يالغالي انا عندي أكورد 2008 وقير عادي وماشية 205 االف كيلو
ولم اغير زيت القير لانه غير موجود الا في الوكاله بس في اليابان صراحه انا ماني عارف ايش السبب اللي خلاهم مايجيبوه

بس صدق او لاتصدق انك تقدر تغير زيت القير للهوندا فقط القير العادي بزيت مكينه وراح يمشيك تقريبا60 الف كيلو وبعدها يحبذ انك تغيره وهكذا

وترااا الوكاله تغير زيت قير عادي وراح تحط زيت مكينه ولا راح يكلف الا 92 ريال تقريبا

وان شاااء الله اكون افدتك

بس لاتنسي ترجع زيت القير والواشر والفلتر

وغير الزيت في الوكاله والباقي عبي بنزين واحلي عشاااا

**SWAT** · 17-09-2012, 02:41 AM

شف يا اخوي القير العادي ما يحتاج تغير لانه تروس وتقدر تعشق بدون كلتش :d
بس تزيد اذا نقص وتعرف انه نقص يطلع لك صوت حنه لما تمشي
اما الاوتومتك يحتاج تغير لانه كلتش وشغلت تبديل بضغط الزيت هذا الي اقدر افيدك فيه

**Firefigter** · 17-09-2012, 02:41 PM

مشكورين يالربع على الردود والافاده

انا رحت للوكاله اليوم ودخلت سيارتي وبيغيرون لي الزيت وبفيدكم ان الوكاله عندها زيت mtf
حق القير عادي بس مايبيعونه لانه يجي في براميل خاصه لصيانه. .وبكره باخذها ان شاء الله
وفعلا قالو لي حتى لو تعبي زيت مكينه مافي مشاكل على القير بس يكون 15,40

**THE SILVER ACCORD** · 17-09-2012, 05:26 PM

القير العادي ماله فلتر .. وزيته يختلف عن القير الأوتوماتيك

وانا رايح للوكاله وسألتهم عن زيت هوندا MTF حق القير العادي .. ما عندهم خير شر

وبالكتالوج مكتوب إذا لم تجد زيت هوندا MTF .. بإمكانك إستخدام زيت محركات البنزين "" مؤقتا ""

بلزوجة 10W30 أو 10W40

لكن زيت محرك البنزين .. لا يحتوي على الإظافات المناسبة والاستمرار في استخدامه يمكن أن يسبب صعوبة بالنقل ( التعشيق )

انتهى كلام كتالوج السياره

انا أتوقع بأن الوكالة راح يعبون لك زيت مكينه .. ويقولون لك عبينا لك زيت MTF

وانا بصراحة ما أنصحك بزيت المكينه تحطه للقير العادي .. إلا عند الضرورة ومؤقتاً !

لأن كل شيء له زيت معين ( الدركسون , الفرامل والكلتش , المكينه , القير , الخ ... )

زيت المكينه مصمم لتزييت المكينه
و زيت الفرامل والكلتش مصمم للفرامل والكلتش

أتمنى وضحت الصورة

انا مغيره قبل سنة تقريباً عند فوكس ون ستوب

و خليته يعبي زيت Fuchs Titan Super Gear

API GL-4

لزوجة الزيت 90 SAE

وإن شاء الله التغييرة الجاية بجرب 80W90 .. لأنه أخف شوي

وفيه زيت تويوتا 75W90

لكن مشكلته على ما اظن يجي بعلب كبيره بس :d
والعلبة الكبيره غالية

الفرق بين 75W90 او 80W90

بسيط

أنا أفضل اخذ زيت بترومين أو فوكس .. شركات عريقه ومعروفه وزيوتها ممتازه وجودتها عالية .. وتخصصها الزيوت

بدل زيت تويوتا .. وبقولك السبب

شف هالتقرير .. مشى عليه بس 40 ألف .. وشف كيف الزيت أسود ومحروق ورايح فيها
http://www.toyota4arab.com/forum/t235093.html

وطبعاً زيت هوندا MTF هو الأفضل لسيارات هوندا .. لأنه مصمم لها
لكن المشكله انه غير متوفر عندنا بالسعوديه
http://www.amazon.com/Genuine-Honda-...ords=MTF+HONDA

ولا تنسى تحتفظ بالزيت القديم .. عشان اذا ما ضبط معك الزيت الثقيل

ترجع الزيت القديم

و خل اللي يغير الزيت .. ينظف صرة القير

لأن فيه مغناطيس

وفائدة المغناطيس انه يجذب القطع الصغيره الناتجه عن الاحتكاك والتآكل

**Firefigter** · 19-09-2012, 10:55 AM

شكرا العضو the silver accord

على الرد بس يالغالي انا قبل لااروح الوكاله غيرت زيت فوكس مخصص لقير نفس الي قلته لنى وحسيت بخشونه بالتغير وثقل بالقير ... رحت للوكااله عند واحد مهندس فلبيني وقال لي هاذا الزيت مخصص لسيارات الكبيره الي لها دفرنش ,,
وعلى كلامه انه اذا طول ممكن يخرب القير او يطق ونصحني اني اغيره على طول.. دخلته الوكاله وغيرته بالوكاله والحمد الله طلعتها امس وتغير خشونة القير وصار سلس وانعم عن قبل .. ويمكن كلامك صحيح اخويthe
silver accord
بس يمكن الغباء من سيارتي .. وشكرا لك و للجميع

**متصفح** · 23-09-2012, 07:47 AM

يااخوان ادا الوكاله ماعندهم زيت قير عادي الافضل عدم تغييره

وبخصوص الزيوت الثقيله اشوفها غير مناسبة تحديدا لقير الاكورد لانه يحتاج لزوجه قليله واللزوجه العاليه ممكن تسبب ثقل بالتعشيق خصوصا ايام البرد

**جاكي2** · 26-06-2013, 01:57 PM

تم شراء زيت هوندا
للقير العادي من هوندا
فـ♡ـي ماليزيا

العلبتين ب 50 رنجت ماليزي
وباقي التغيير فقط

واستغرب من هوندا السعوديه ماتوفره
بالرغم انها تبيع سيارات قير عادي

**THE SILVER ACCORD** · 26-06-2013, 04:18 PM

المشاركة الأصلية كتبت بواسطة جاكي2

تم شراء زيت هوندا
للقير العادي من هوندا
فـ♡ـي ماليزيا

العلبتين ب 50 رنجت ماليزي
وباقي التغيير فقط

واستغرب من هوندا السعوديه ماتوفره
بالرغم انها تبيع سيارات قير عادي

يا رجال بعض حركات وكالة هوندا .. أقسم بالله ترفع الضغط

رحت لهم مليون مره .. أبي :

1) ماء راديتر أزرق Type 2 long life وهذا هو المناسب لسيارتي وسيارات هوندا الحديثه ( مكتوب بالكتالوج وفيه ستكر داخل كبوت سيارتي مكتوب فيه بعد )

لكن وكالة هوندا عندنا تبيع ماء الراديتر الأخضر Type 1 .. له تاريخ صلاحية سنتين من تاريخ الإنتاج ؛ عمره قصير .. وأصلا الأخضر قديييييم ومنقطع وكان لسيارات هوندا القديمه

2) ما عندهم زيت قير عادي MTF ؛ ورافضين يوفرونه .. يقولون أستخدم زيت مكينه

وقبل فتره رحت أبشتري لمبة داخليه حقت وزن النور .. وقال ما عندنا حالياً لازم طلبيه من جده وتجي بعد كم يوم

لا والمشكله الكبيره الجهل والتناقض الكبير في بعض موظفين وكالة هوندا

واحد يقول زيت مكينه والثاني يقول عب زيت قير أوتوماتيك في القير العادي ..... كلهم ما عندهم ما عند جدتي !! المفروض يوفرون الزيت الخاص بالقير العادي اسمه MTF

لا والمحاسب تلقاه غالبا يروح يقعد مع الموظفين الثانين ويتقهوى ويشرب شاهي ؛ ويتأخر على العملاء اللي يبون يدفعون فاتورة قيمة قطع الغيار
وأحيانا الصبح ما تلقى عندهم صرف !!! لو معك 500 أو الخ... رح أصرفها وتعال

مهزله ويضيعون وقتك - طبعا أتكلم عن فرق وكالة هوندا بالقصيم

ما أدري عن الفروع الباقيه

على العموم أنا حاليا أستخدم زيت موبيل للقير العادي 80W90 API GL-4 .. سعر علبة كبيره 4 لتر بـ 40 ريال
لأني توهقت غيرت زيت القير ولا لقيت زيت MTF

للمعلوميه انا مغير زيت القير قبل 3 سنوات وكنت أستخدم فوكس 90 API GL-4

وماء الراديتر أنا ما أستخدم ماء راديتر هوندا الأخضر .. أستخدم أسي ديلكو DEX-COOL من تقريبا 3 سنوات

وإن شاء بغيره وبغسله بماء مقطر .. وبعبي ماء راديتر تويوتا أحمر أو ماء راديتر أحمر ميتسوبيشي

الزبده :

اذا بتغير زيت القير العادي = احتفظ بالزيت القديم لأنك ما راح تلقى مثله بالسعوديه كلها ! عشان اذا ما ضبط معك الزيت الجديد .. ترجع الزيت القديم !

اذا ( ما راح ) تغير زيت القير = كل كم شهر شيّك على زيت القير للاحتياط .. إذا نقص زده ( لكن لازم تكون السياره على أرض مستويه ومستقيمه تماما )

و القير العادي يتعبى إلين يفيض الزيت مع صرة التعبئه

**جاكي2** · 26-06-2013, 04:57 PM

الف شكر ياقلبي علي الرد الجميل

وترا لون علبه الزيت بيضا نفس حقت الاوتو
بِــ̯͡سّ مكتوب عليها مانويل ترانسميشن
وعليها ختم هوندا علي اعلي الغطا واصلي الزيت

وراح ارفع صورته الحين ً

لانه مختلف عن اللي شفته قبل سنتين لون العلبه رصاصي اظن
وطبعا مكتوب عليه mtf

**جاكي2** · 26-06-2013, 06:02 PM

http://i.imgur.com/biiN2Xl.jpg

صورة زيت القير

**THE SILVER ACCORD** · 26-06-2013, 06:48 PM

المشاركة الأصلية كتبت بواسطة جاكي2

الف شكر ياقلبي علي الرد الجميل

وترا لون علبه الزيت بيضا نفس حقت الاوتو
بِــ̯͡سّ مكتوب عليها مانويل ترانسميشن
وعليها ختم هوندا علي اعلي الغطا واصلي الزيت

وراح ارفع صورته الحين ً

لانه مختلف عن اللي شفته قبل سنتين لون العلبه رصاصي اظن
وطبعا مكتوب عليه mtf

العفو يالغالي

أنا أعرف الزيت وشكل العلبه والأسم ؛ لكن المشكله بأنه غير متوفر بالسعوديه بحثت عنه كثير ولا لقيته

يا أخي بعض موظفين قطع غيار الوكاله .. ودي أصكه بكف

دخلت الوكاله وسلمت والخ... و سألت إذا عندهم زيت قير عادي ؛ قال موجود فرحت وتشققت من الفرحه .. وآخر شيء راح الموظف المصري و جاب لي علبة زيت قير أوتوماتيك

أنصدمت وقلت هذا حق القير الأوتوماتيك ولا ينفع للقير العادي .. قال المصري ما يخالف حتى للقير العادي

المهم ما أسكت له وقلت لا.. يختلف و زيت القير العادي اسمه MTF وليس ATF

ومره من المرات صار نفس الموقف بوقت مختلف .. لكن موظف ثاني فلبيني جاب لي زيت مكينه !

زيت القير الأوتوماتيك
ATF = Automatic Transmission Fluid

زيت القير العادي
MTF = Manual Transmission Fluid

بالكتالوج مكتوب إستخدم زيت ناقل الحركه اليدوي MTF ؛ وإذا لم يكن متوفراً يمكنك إستخدام زيت المحرك بلزوجة 10w30 أو 10w40 " كبديل مؤقت "
يعني قصدهم ليس بشكل مستمر

**THE SILVER ACCORD** · 26-06-2013, 06:59 PM

للفائده هذي مقارنة بين لزوجة زيت المكينه ولزوجة زيت القير

viscosity اللزوجه

يعني زيت المكينه 10W40 مقارب لـ لزوجة زيت القير 75W90
و
10W30 مقارب لـ لزوجة زيت القير 75W85

الأرقام خلوها أكبر لزيت القير .. عشان ما يغلطون الناس فيها ويستخدمونها في المكاين
لأن زيت القير ما ينفع للمكينه وممكن تخبط المكينه

الفرق ليس فقط بالأرقام واللزوجه
ولكن الفرق بنفس الزيت والمواد والإضافات المستخدمه

زيت القير مخصص لإستخدامه في القير .. و يحتوي على مواد و إضافات تقلل التآكل في القير وتحميه

أسمها
Extreme pressure additives = EP additives

بالقير العادي يستخدمون API GL-4

وبالدفرنسات يستخدمون API GL-5

لو تستخدم زيت API GL-5 في القير .. ممكن يخبط بسرعه ويعدم نحاسات القير ( السنكروميش ) .. لأنه غير مناسب للقيور

اكتب viscosity equivalents بقوقل حق الصور
https://www.google.com.sa/search?um=...mg.-B0BeQwbDtI

وبتلقى عدد هائل من الجداول والرسومات البيانيه اللي تقارن بين لزوجة زيت القير ولزوجة زيت المكينه

تعريف اللزوجه ومعلومات عنها
http://ar.wikipedia.org/wiki/%D9%84%...88%D8%AC%D8%A9

**جاكي2** · 27-06-2013, 11:41 AM

الله يعطيك العافيه

وردك وافي جداااا

وان شاء الله الجميع يستفيد

وفعلا وكاله هوندا السعودية ماعندك احد

شكلي باخذ الزيت لقطع الغيار
باسوي اني برجعه
اخليهم يتفاجأو
😃😃