الموضوع: شو رايكم بهالونين للاكورد كوبيه 2009

و الله عرض مغري و سياره ماعليها كلام و خاصةً اللون الأبيض بس ناقصه تخشيبه

بس اخوي إذا كنت ناوي تبيع وحده من سيارتين .. انصحك تطرح صور السياره الي للبيع هنا في هذا الرابط راح تلقى ناس تاخذها اكيد

http://www.hondaarabia.com/club/f78/

لا يا اخوى السيارتين معروضين علي بس محتار باللون

رصاصي أحلى ع الكوبيه .

شوف الفيراني أحلى لكن احس الأبيض أنظف و ارتحت له أكثر و أفضل لك لأن ضمانه لسى ما انتهى

بعض السيارات الخليجية و خاصه اللي جاية من الإمارات ما لها أمان لأن عندهم ورش تصلح السيارات ترجعها وكالة

استخير و توكل على الله

الأبيض من ناحية الممشى والنظافة

أخوي شوف أنا راح أعطيك المعلومات الوافيه بما إني أحد ملاك أكورد كوبيه العريقه وانت وقلبك فين يوديك ونصيحه لا تتشتت كثير ولا تتردد ركز وشوف قلبك مال لإيه وإتوكل على الله وكن أحد ملاك أكورد كوبيه

الفرق بين الألوان

اللون الأبيض : فخامة - الوسخ بسرعه يظهر - لون غير نادر في الطرق من فئتها


اللون الفيراني : فخامة - الوسخ مو بسرعه يظهر بسبب الون الغامق - لون نادر جدا في الطريق من فئتها


النظافة :

المعروضه الأبيض ليست نظيفة بمقارنة السيارة التي باللون الفيراني ! اللون الفيراني الظاهر إنها فعلا نظيفه مافيها شي خصوصا الأنوار الأمامية واضح عليها الممشى الهادي ما يعكس عدم ترميل زجاج الإسطب


وأخويا صدقني مافيه فرق أبدا بين السيارة الأمريكية والسيارة الخليجيه كلها أكورد كوبيه من شركة هوندا

أخيرا أتمنى أن أكون أصبت وأفدت

والله الصور تخدع
اليوم شيكت الرمادي طبع فيه حكات شخوط حول ال5
وضربت كوره بالرفر الامامي ههه قزيتها مع انعكاس الضواء بالبدي
وضربة حصاة صغيره غافصه التنده ومصدي مكانها ومقبض الباب
مقشور البيه وراها وزاوية الصدام الخلفي فيه حكه
وفي عده تقشيرت في الحواف للكبوت الباب طعجه خفيفه في عارضة الباب
الداخلية يبيلها تنضيف شوي التكاية بالنص مقشور الجلد والرجال صامل علي ال70 الف
قلت له 66 الف مارضي 68 الف برضو ماسك علي ال70 الف صراحه صرفت النضر عنها
والسبب البويه يبيلها شغل وانا بكذا دقيق واجد من جهة نضافة البوية

كل تاخيره يها خير جصلت ثانة نفسها سعودي
بس بجده الحين ادور احد يشيكها لي هي مع البيضه ويشوف ايهم الانسب
مافيي بعد اللي شفته اضرب مشورا

مشكورين حبايبي علي الرد علي الموضوع استفدت واجد من ارائكم
والله يقدم ما في الخير

بالنسبة للفرق الخليجي حساسات
الامريكي تسخين المراتب والمرايات ازرار فتح الكراج

الامريكي حصلت نهايته بال69 الف باحد العارض
بس العيب اللي فيه ضربة حصاة بالرفرف الخلفي وقطعة البلاستك لقل الشنطه مكسور
الوجه والرفرف من قدام
معجوج الضاهر وممشاه واجد الضاهر المعرض يجيب سيارات من ولاية مغبره اغلب سياراته
معجوجه هههه يالله نتشوف وننتض اراكم

معروف ان اللوان الغامقه اجمل مثل الأسود .. لكن من عيوب هذه اللوان يبين فيها الغبار و الأتربه و العجوج و ماشاء الله جونا في سعوديه 70% كله غبار وعج و غير كذا تبين فيها الحكات و شموخ

و معروف ان اللوان الفاتحه مثل الأبيض.. من عيوبه انه لون مستهلك و غير مميز لكن مايبين فيه الغبار عكس اللوان الغامقه الي تحتاج الى عنايه اكثر

مثال / مثلي انا توني شاري اكورد سيدان عنابي 2012 و لازم مرتين في الأسبوع اغسله و سبب ان هذا لون يبين فيه الغبار و تروح لمعته .. اخترت التميز مقابل اني اهتم في الموتر

يعني بأختصار إذا بتاخذ غامق لازم تهتم فيه و تغسله دايماً و إذا بتاخذ فاتح بترتاح لكن انسى انك تكون مميز

زين اخوى مرتين بالاسبوع تغسله
عندي سيارة ثانيه لونها اسود مخلي الغسال يوم ويم الغسيل
ووقت الغبار اخليه يبعد الغبار اللي علي البدي , وبعدها يرشها بماء وبعدها يغسلها
لان لو غسلها بالغبار اللي عليها اكيد بيشمخ الصبغ وبعدين بسوي معاه جنجان هههههه

علي العموم في غيره رمادي بعد بس مبين عليه اغمق منه بشوي بخلي خونا يشيكه
واشوف ايش العلوم واللي حصلته 2 رمادي واحد 2009 والثاني 2008 و الابيض اللي بالصورة
بخليه يشيك عليه ونشوف ايهم افضل وبنتوكل علي الله صراحة اخترشت بالرمادي
وحصلت اسود بقطر اه يليل ممشاه حول ال50 الف والسعر حلو وفي مجال للتفاوض
وفرق الخليجي اشوف مثل ما هو مذكور فيه حساسات
بس الله يعلم بالتصدير شيكلف

باركو لي شباب اخذني الفيراني بس من منطقة ثانية حصلنا وارد السعودية
ولله الحمد يبيله صفغ خفايف بكم منطقة بس ما تبين
والله يوفقكم اخواني علي الردود