رد مع اقتباسوعليكم السلام ومعوض خير مشكلتك بسيطه والدعوه شنبر وياليت لو يغيرون الشنابر الاربع اضمن للماكينه وعسى ان تكرهوا شيئا وهو خير لكم
لسياره دام انها على الضمان بيصلحونها واغلب الاعضاء ماشتكوا من نقص الزيت بشكل فظيع كما حصل لك ...
سيارتي هوندا أكورد 2009 زيت المكينه ينقص بشكل فضيع
تفاجئت لمن اشتغلت لمبة الزيت لأول مره في سيارتي مع انه كنت ماشي 5200 تقريبا من تغيرت الزيت
وديت السيارة للشركة للكشف عليها طلع التقرير انه فيه زيت فالبواجي رقم 2
حسب كلام المهندس انه احتمال يكون شنبر او جلد بلوف
سؤالي هل يعقل هوندا أكورد 2009 مكينتها تنقص زيت ؟ وماهي اسباب ذلك؟؟ ماكنت اتوقع انه مكاين هونداء المعروفه بجودتها يصير فيها كذا
الان انا متحير افك المكينه او ويش اسوي مع هذي المشكله
مع العلم انه خرجت السيارة من الشركة
وعليكم السلام ومعوض خير مشكلتك بسيطه والدعوه شنبر وياليت لو يغيرون الشنابر الاربع اضمن للماكينه وعسى ان تكرهوا شيئا وهو خير لكم
لسياره دام انها على الضمان بيصلحونها واغلب الاعضاء ماشتكوا من نقص الزيت بشكل فظيع كما حصل لك ...
السلام عليكم ورحمه الله وبركاته
اهليـن اخوي
الله يعوضك احسن منها ترا مشاكل الهوندا وخاصتا في الماكينه كثيره شوف انا موضوعي خبطت ماكينت سيارتي والسبب دخول المويا حول الماكينه حتى مادخل في الماكينه
وكرهت ابو جد هوندا واليوم اللي شريتها فيها محد مصدق ان مويا بسيطه تخبط بالسياره
شوف اخوي اكشف على الصوفه حقت الماكينه وانتبه تمشي عليها الا اذا فيها زيت يعني حاول ماتتحرك فيها كثير
وتأكد من اللي قلت لك
والله يعين على بلاوي هوندا
شكلي باخذ دباب اكس واريح راسي خخخخ
المشاركة الأصلية كتبت بواسطة طآيحن في الاكورد
الشي الاول اخوي لايمكن تخبط السياره اذا الماء مادخل بالمكينه على كذا معاد نغسل سياراتنا
اخوي في سيارات قطعت 300 الف الي الان ومن اجمل مايكون
لاكن سوالي كم مشت السياره وهل انت المالك الاول لها لان الشنبر له عدة اسباب هل تعرضت السياره للحراره او لحادث وهل تاكدت انه لايوجد تهريب زيت
السيارة ماشية 165ألف
لم تتعرض لحرارة
ولايوجد تهريب تماما
اخوي حاول تغير نوعيت الزيت وتجرب غربي وضع سيارتك وشيك كل 1000 كلم قبل تفك وتركب
جربت بعد 1000 كم
نقص شوي الزيت
وجربت بعد 3000 كم
كان الزيت اللي باقي فالمكينة الربع
شوف اي واحد يدعس دعسة البنزين وشوف اذا الشكمان يطلع منه زيت هذا دلاله ان الشنبر ضعيف ..
عيب الهوندا ان الكارتير ضعيف جدا وممكن ينكسر
علشان كذا البعض يفضل سحب الزيت من فوق افضل من الفك من اسفل
اخوي انتبه على مكينتك وودها محلات موثوقه .. الصناعيات نصابين
في ورش الوعلان متواجده في الرياض ممتازين وشغل نظيف ورخيصين
انا اخاف ان فيه احد عدم عليك شيء من اسفل
والافضل انك تبدأ بالسهل
مر اقرب قطع غيار واشتر صرة سعرها 15 ريال وغير الزيت وخله يبدل الصره وشف وش يصير معك اخاف تكون سنة الصره منكسره لانها قشرى في الفك
اخوي تاكدت من انه ما فه اي تهريب
اذا تبي تعرف جلد البلوف خربانه ولالا
شغل السياره وخلها تحمى 10 دقايق تقريبا ودوس اذا طلع دخان ازرق من الشكمان معناته جلد البلوف
نصيحه اترك كلام الوكاله لان الوكاله تنبسط تاخذ منك 2000 وزود وحتى الصناعيات
انا اتعامل مع الوعلان .. وشغلهم نظيف ويكون عليهم مدير وتحاسبه هو .. والباقين ايدي عامله براتبه
ومحل تهمه سمعته ..
ووالله وبالله وتالله اني ماعرف احد بالمحل ولا اعرف راعيه ولا لي اي فائدة .. بس ابي لك الخير ;)
اذا انت من اهل الرياض وتبي الوصف ابشر مع ان له فروع كثيره والفرع اللي بوصفه لك في السويدي له فرعين
نفس المشكلة صايره معي
تفاجأة امس وانا اشيك على زيت المكينه بالصدفه ان الزيت ناقص النصف وهي ماشيه ع الزيت 6000 بصراح انصدمت
إن شاء الله رح اوديها عند مكانيكي فلبيني شاطر وإن شاء الله رح انزل وش صار معي
علما بان سيارتي موديل 2009 وماشية 180000
ياجماعه ترى بعض الزيوت يجي مغشوش خصوصا سوبر جي تي اسوأ زيت في العالم وبعد 2000 ينقص
افضل زيت بترومين ولحد يطلع منه ممتاز بصراحه من تجربه
الشيء الثاني احرصوا على تغيير الزيت قبل يوصل 5000
يعني 4500 كافي
ياخوي انا غيرت الزيت فالشركة
وبعد 3000 كم كان باقي من الزيت الربع تقريبا
جرب زيت بترومين الترا سفن 20w50 ممتاز
لا تستخدم زيت خفيف جدا أو مغشوش .. لأنه سيء وينقص في أي سياره
اعرف كثير معاهم اكوردات ويستخدمون 20w50 .. ومكاينهم زي العسل ما شاء الله تبارك الله .. لا تخبيط ولا نقص زيت
مكاين الهوندا من أجود المكائن وممتازه .. ما شاء الله تبارك الله
انا سيارتي ارتفعت حرارتها على آخر شيء h .. بسبب اهمالي غيرت ماء الراديتر ولا عبيته زين < السالفه قديمه جدا .. كنت عليمي .. وتعلمت من أخطائي واكتسبت خبره
والحين ماشيه تقريبا 200 ألف وكارفها كرف .. سرعه و rpm عالي .. وكل شيء
ويوم كنت عليمي غسلت داخل الكبوت والمكينه بالماء والصابون عند المغسله .. ثم خليته ينفخ الماء بالهواء المضغوط << تصرفي خطأ لأي مكينه بالعالم .. كنت عليمي .. والحمد لله ما خبطت سيارتي .. السالفه قديمه جدا
أول سياره امتلكتها أكورد وكانت حقل تجارب وتعلم سواقه .. ومع ذلك تحملت وجودتها عاليه
كم ماشيه سيارتك ؟
وش الزيت اللي تستخدمه ؟
كل كم تغير الزيت والسيفون ؟
نصيحه لا تستعجلون بفك المكينه والخ... كل مكائن السيارات الجديده ما ينفع معها التوضيب لأنها ألمنيوم " حسب ما سمعت "
تأكد من أن السيفون ما يهرب .. وكل صوف المكينه ما تهرب .. والصره
واستخدم زيت بترومين الترا سفن 20w50
ودائما تأكد بنفسك .. عاير الزيت بعد تغيير الزيت عند الوكاله .. لا تخلي ثقتك بهم عمياء
واقرا دليل المالك .. عشان تعرف كم تاخذ زيت
2006 و 2007 .. 4 علب بدون سيفون .. 4 علب وربع مع السيفون
ضوابط المشاركة
مواقع النشر (المفضلة)