اعزائي واحباب بعد حزن دام اسبوع

**عبده معافا** · 30-12-2012, 05:34 PM

الحمدلله على كل حال
انا كنت في مطعم ورجعت للسيارة علشان مكالمة مهمة ومشيت وانا داخل مواقف السيارات جاني صاحب سياة ازيرا وصدمني في الباب الخلفي وكان الخطأ من صاحب الازيرا 100ًً٪
المهم انا رحت للتأمين وتأميني التعاونية للتأمين.
قالولي ادفع 1200 الف ومئتين ريال وندخل سيارتك الوكالة.
وبعدين رحت لورشة في الصناعية ورشة اتراك قالولي نضبطها لك ب 900 تسع مئة ريال. فرق 300 ثلاث مئة
والوكالة ممكن تتاخر السيارة عشر ايام
بينما الاتراك قالولي يومين وتشيلها وقالولي عندنا رش فرن ومثل الوكالة ويقولون اتحداك تفرق بيننا وبين الوكالة وانا مايهمني كلامهم
انتو ياشباب تكفون افيدوني وفزعتكم ويش رايكم قبل ما ابدأ في اي خطوة وانا متواجد حاليا في جدة ولو فيه ورشة شغلها مثل الوكالة يكون افضل ليا من ناحية السرعة. وسامحوني على الإطالة والحمدلله على كل حال. ملاحظة سيارتي اكورد 2012
حاولت انزل صور ماجات معي المهم الصدمة في الباب الايمن الخلفي مع الرفرف الخلفي واذا نزلت القزاز الخلفي يدقر مكان الصدمة ومع الصدام الخلفي من الجنب.

**بلال العلمي** · 30-12-2012, 05:50 PM

مستحيل الورشة مثل الوكالة

في الورشة يسوون طريقة الضرب بعشوائية ويعبون لك معجون

في الوكالة يسوون لك السحب الكهربائي ويرجع ويمكن حتى ما يتعملون معجون ابد الا بشكل بسيط جدا ومو ملاحظ

صلحها في الوكالة افضل لك

**تألمت بس تعلمت** · 30-12-2012, 06:35 PM

نصيحة لوجه الله ضبطها وكاله

فرق 300 ماتسوى بيني وبينك والسياره جديده

انا جاني حادثين واحد ضبطته وكاله والله الامور تمااااااااام مافيه فرق عن شد البلد

والحادث ورشه برا والله شغل ابو كلب والبويه ماهيب متوازنه

**عزآه** · 30-12-2012, 06:46 PM

سلام عليكم و رحمة الله و بركاته

الحمدلله على سلامتك

ولا تحزن اهم شي هي سلامة الأنسان

و كل شي ينتعوض و الفلوس تجي و تروح

و هذه قطعة حديد ماتستاهل تزعل نفسك عليها

و في النهايه

بما ان راعي الأزيرا هو الغلطان يا تأمين يصلحها لك او نفسه راعي الأزيرا الي صدمك يصلحها لك انت ماتدفع من جيبك شي

إذا كان الدفع على التأمين او الصادم :

دخلها الوكالة لأن شغلهم اضمن لك

و إذا كان الدفع عليك :

إذا ميزانيتك قويه دخلها الوكالة
و إذا ميزانيتك قليله او تبغى توفر شوي من فلوسك دخلها ورشة مضمونة.. و شكراً

الفرق بين الوكالة و الورشة :

الوكالة :

الوكالة من عيوبها انهم نصابين و سعرهم غالي

لكن شغلهم اوك و على ضمان بعد

الورشة :

الورشة شغلهم ارخص لك
لكن شغلهم مو مضمون و مشي حالك شغل سريع.. سريع

**سلطان2020** · 30-12-2012, 07:38 PM

إذا الخطأ على صاحب الأزيرا 100% حسب تقرير المرور أو نجم
فأنت ماراح تدفع شيء من جيبك

إما يصلحها لك صاحب الأزيرا أو تأمينه وكالة
وإما يصلحها لك تأمينك التعاونية بدون ماتدفع شيء لأنه ماعليك نسبة خطأ ثم تأمينك ياخذ حقه من صاحب الأزيرا أو تأمينه طبعا بشرط ماتكون متنازل عنه

**عبده معافا** · 02-01-2013, 09:09 AM

شكرا شكرا شكرا لكل من شارك ورد على موضوع وساعدني برأية قسم انكم ريحتوني وانشالله من يوم السبت اسلم السيارة للوكالة والله يعين
واشكر صاحب فكرة نادي هوندا
واسأل الله سبحانه وتعالى ان يوفقه ويرحم والديه وكل من أعانه على إنجاح هذا النتدى وكل المشاركين .

**B Useful** · 02-01-2013, 09:18 AM

السيارة 2012

وفية تأمين ,

الوكالة على طول بتغير باب جديد بدون مشاورة ..

ونظام المرور اذا السيارة موديل السنة يكون الاصلاح والتسعير في الوكالة لأنة حرام توديها شيخ المعارض ولا التقديرات ويقولون لك تكلفة اصلاحها سمكرة بـ 400 كنها موديل قديم !!

ترا الـ 1200 اللي تدفعها للتأمين هي نسبة التحمل .. مالها دخل في سعر الباب ولا شغل اليد ولا اي شي ..

والحمد لله ع السلامة اولا واخيراً .