الموضوع: معلومات عن الأكورد 2013 من الوكالة + صور

المشاركة الأصلية كتبت بواسطة ميامي هيت NPA

وش قلة الحيا هاذي من وكالة هوندا لي يومين اتصل عليهم يجلس ساعه يرن ثم يتسكر بوجهي

لا والمشكلة المكالمة ب 5 ريال حسبي الله عليهم الى الجحيم ياهوندا

الله يعينك , بالنسبة لي تعودت , امس طلعت من البيت ومشوار عشان بس اتاكد من القير كم نمرة ورجعت :d

السلام عليكم ورحمةة الله وبركاتةة

شباب بليز ردو علي

أنا سمعت أن القير الأكورد الجديد للأربعة سلندر نظامه cvt

نفس النظام اللي في الالتيما واللي مجننهم ويعلق ونظام خايس

هل هو موجود في الاكورد لاني حاجزلي اكورد فل مخمل اربعة سلندر ماودي احط فلوسي ف الاخير اكتشف هالعيب واندم يكفي اني خسرت ف سوناتا

واذا كان موجود فعلن هل هو زي نظام الالتيما تعليق

تكفون ردو قبل لا اشتريها

^^

اللي اعرفه ان قير cvt بس في امريكا .. اما الخليج قير 5 سرعات

المشاركة الأصلية كتبت بواسطة 2013

السلام عليكم ورحمةة الله وبركاتةة

شباب بليز ردو علي

أنا سمعت أن القير الأكورد الجديد للأربعة سلندر نظامه cvt

نفس النظام اللي في الالتيما واللي مجننهم ويعلق ونظام خايس

هل هو موجود في الاكورد لاني حاجزلي اكورد فل مخمل اربعة سلندر ماودي احط فلوسي ف الاخير اكتشف هالعيب واندم يكفي اني خسرت ف سوناتا

واذا كان موجود فعلن هل هو زي نظام الالتيما تعليق

تكفون ردو قبل لا اشتريها

اشتريها وانت متطمن , قير سي في تي بس في امريكا مش بالخليج , وحتى لو كان فيها هالقير اتوقع تفادوا عيوب هالقير من خلال تجربة نيسان .

المشاركة الأصلية كتبت بواسطة تألمت بس تعلمت

^^

اللي اعرفه ان قير cvt بس في امريكا .. اما الخليج قير 5 سرعات

يعطيك العافيه أيوه كذا الواحد يرتاح لانه لعب في مخي بصراحه

المشاركة الأصلية كتبت بواسطة ثلج حار

اشتريها وانت متطمن , قير سي في تي بس في امريكا مش بالخليج , وحتى لو كان فيها هالقير اتوقع تفادوا عيوب هالقير من خلال تجربة نيسان .

أنا طبعا ما قررت على الاكورد الى عشأن السمعه والناس جربوها وتوكلت على الله واستخرت وحجزت لي سياره بس بعدين قالو ان نظامه cvt بصراحه خفت يكون زي الالتيما

صحيح انهم يمكن يتلافون الاخطاء في نيسان بس ماودي اغامر واجرب

دامها بس ف امريكا حلال عليهم نبي المضمون حنا

ويعطيكم العافيه جميعا

ياأخوان بخصوص الأكورد كوبيه نازل ستة سلندر فل كامل ب 130،0000 ومواصفاتها مثل الأكورد V6 Sport ناقص البابين ومافي مكيف أو مساكة كاسات في الخلف ولا ستائر خلفية. طبعا القير أوتوماتيك مع Paddle Shifters و S mode والعدادات حمراء والجلد يجي بيج وأسود بهذا الشكل:

(ما شاء الله تبارك الله):





الصور عندي بالجوال بس كسلت شوي والداخلية نفس هذه بالضبط. سألت عن الأربعة سلندر قالوا ما يدروا عنه شئ حتى الأن... اللون الأزرق أغمق هذا العام وكانه بنفسجي على أزرق، لون خطير صراحة وبالتوفيق.

محاتسيكم عضو جديد و اتمنى تقبلوني :d

بصراحة الهوندا اول ما ظهرت صورها الرسمية ظلمتها واسهبت في قباحتها وان موديلها السابق أفضل تصميم وخطوط جانبية الخ
حتى الداخلية ما كانت ابداً قد المستوى
بس
لما شفت السياراة على الطبيعة تغيرت نظرتي لها 180 درجة السيارة روعه روعه روعه خارجياً وداخلياً السيارة جداً حلوة
من ناحية التصميم - الشاشات - المراتب المريحة "الجلد" - التقنيات الجديدة - انوار الليد الخلفية والامامية السيارة ما شاء الله جدا خاشه مزاجي
عاد انا شفت الموضوع ما يحتوي على صور باللون الرمادي الغامق والاسود
رحت للوكالة وصورت اللون الرمادي كذا صورة وبعدها مريت على فرع ثاني وصورت اللون الاسود
اخليكم مع الصور


















الأســــود






















ختمة : لاحظت الالوان الغامقة على الاكورد الجديدة افضل بكثير من الفواتح خصوصا اللؤلؤي اشوفه ظالم السيارة وافقد هيبتها
بالتوفيق للجميع والمعذرة على كثرة الصور

^^

واضح انك مصور الرماديه في وكالة خريص
ممكن اعرف الفرع الثاني وين في الرياض

المشاركة الأصلية كتبت بواسطة تألمت بس تعلمت

^^

واضح انك مصور الرماديه في وكالة خريص
ممكن اعرف الفرع الثاني وين في الرياض

السوداء في
فرع الخالدية طريق الخرج

^^

كم يبعد عن الرياض ؟
وفيه صيانه ولالا؟
يعطيك العافية اخوي

امس كنت بـ وكالة الدمام و قالي المندوب السياره راح توصل خلال ( يومين ) ..


و اليوم كلمت :ـ


- معرض الجبيل قالوا : السيارة راح تتوفر في تاريخ 18 , أي بعد 8 ايام ..
- معرض الخبر قالوا : السيارة في تاريخ 20 راح تكون بالجمارك ..
- فرع جدة قالوا : السيارة بتكون متوفرة خلال اسبوعين ..


أنا مستغرب من اجابات المعارض , و لكن كلامهم يدل على ان السيارة راح تتوفر خلال نهاية الشهر

المشاركة الأصلية كتبت بواسطة تألمت بس تعلمت

^^كم يبعد عن الرياض ؟ وفيه صيانه ولالا؟ يعطيك العافية اخوي

ايه فيه صيانةهو بالرياض اذا جيت تروح للصناعية القديمة تلاقيه على يمينك او اذا جاي من البطحاء تاخذ اشارة اسواق الجزيرة يسار وتمشي اول اشارتين سيده الثالثه اعتقد يسار وبيجيك على اليمين

أنا نويت ان شاء الله اشتريها
لكن ياليت لو احد يورينا صورة طبلون الفل مخمل، ابغى اشوف ايش الفرق بينه وبين طبلون الفل 4 سلندر

وشكرا

المشاركة الأصلية كتبت بواسطة game over

أنا نويت ان شاء الله اشتريها
لكن ياليت لو احد يورينا صورة طبلون الفل مخمل، ابغى اشوف ايش الفرق بينه وبين طبلون الفل 4 سلندر

وشكرا

ما يفرق شي بين جميع الفئات ، اللهم فئة السبورت 6 سلندر طبلونها أحمر ..

جزاك الله خير
لكن هل مكيف الفل مخمل يكون لمس وتحته الماوس زي اللي في الصوره هذي؟؟

http://www.automotiveaddicts.com/wp-...er-console.jpg

بصراحه رحت الوكاله وما افادوني

الماوس حق النفقيشن مايجي الا ف الفل اربعه سلندر جلد وانت طالع

اما فل المخمل بس مكيف لمس واللي تحت درج عادي لانه مافيها نفقيشن هذا كلام مندوب الوكاله وشفتها برضو ع طبيعه

ان شاء الله اكون افدتك ف هالمعلومه

السلام عليكم

اول مشاركه لي حبيت افيد الاخوه

انا من محبين الهوندا كنت بشتري الشكل القديم بس لما نزل الشكل الجديد 2013 الصراحه جذبني اكثر وعجبني الاوبشنز لهذا قمت بزيارة وكيل هوندا في الامارات الفطيم فرع العين

الكوبيه جايبين نوعين الاربعه و السته سلندر

الكوبيه السته سلندر مشكلتها ان شابوها رقم واحد بس مش فل اوبشن يعني مافي رادار في زرين على جهة اليسار مختفين سالته قلت له يجي من داخل لون غير الاسود و الابيض قالي لا بس هذا اللون وهذه تحسب نقطة سوده لصالح هوندا لازم يعطوا خيارات اخرى افترض اني ماخذ هوندا حمرا ومن داخل لونين اسود ابيض بدل ما يكون زعفراني و ابيض مثلا النافيجيشن موجود وشغال جربته و ما لقيت فيها الزرين اللي على يسار الاستيرينج وجعني قلبي حاس نفسي راكب رقم 3 مو رقم واحد سعرها 130 الف قلت له ليش ناقصه اوبشن ؟ قالي لانه في نوع بعدها يعتبر التوووب ولكن ما نقدر نجيبه علشان سعرها بيصير 150 الف درهم واللي بيكون زياده هو الرادار و زر ال p وزر مانع الانزلاق واكيد ما راح تدفع فرق 20 الف علشان هذه الاوبشان ولا راح تشتري هوندا بسعر 150 الف !! كلامه منطقي بس لو اعرف سعرها بامريكا كم فللل سته سلندر علشان اشوف فرق السعر بيننا وبينهم

الجير حلو و البدل شفتر موجود في السته سلندر الاربعه مافيه ما اعرف ليش ؟ و الاربعه كان مخمل ونصه جلد اعتقد انه قالي رقم واحد بس ما اعتقد مواصفاتها رقم واحد وهي مافيها لا بدل شيفتر ولا جلد ولا فيها اي ازرار على يسار السائق المهم الاسعار كالتالي للفل اوبشن اخذتها منهم

فل اوبشن كوبيه سته سلندر 129300 ردهم
فل اوبشن كوبيه اربعه سلندر 105300 درهم
فل اوبشن اربع ابوب 6 سلندر 133500 درهم ( مدري ليش اغلى من الكوبيه )
فل اوبشن اربع ابواب اربعه سلندر 103500 درهم

للاسف ما صورت لاني زعلت الصراحه ان الاربعه سلندر صار الحين فوق الـ 100 الف الله يرحم

بكره بنشوف السيفيك فوق الميه و الكورولا و غيرها من السيارات الصغيره

بعض الاوبشنز الموجود في الدفتر الخاص بالكوبيه اللي اخذته

سعة الوقود 65 لتر
العجلات للسته 18 انش و الاربعه 17 انش
نا قدرت اعرف كم سيدي يحمل مسجلها اللي يعرف يفيديني
الجير 5 غيارات للاربعه سلندر و 6 غيارات للسته سلندر

السته سلندر فيها نظام vcm للتحكم بادارة السلندرات اقراوا عنه بالنت
زر econ للاربعه و السته

تحياتي

السلام عليكم

الله على الاكورد

ما شاء الله

بعد ما راحت على السيفيك شريت لكزس 300 gs

بس الحين اشوف مواصفاتها في الاكورد هذا غير قطع غيارها نار ياحبيبي نار

ببيعها واخذ اكورد باذن الله

مشكور اخوي على الموضوع

رحت وكاله خريص

للاسف ال 6 سلندر مافيه

والدفعه الجايه كلها محجوزه

ويمكن فيه دفعه جايه في شهر 5 ميلادي

كانهه كامري مطووور بس
خربووه بس يبقى اكورد

ممثل خدمات العملاء يقول فيه عرض للتضليل من أوزون أو زيبارت

ايش الأفضل من واقع تجربتكم يا شباب , وشكرا

الله يعطيك العافيه على هالمعلومات

ياخوان السلام عليكم

سوال اتمنى اجابتكم

كيف اطفي الليد الامامي والسياره واقفه وشغاله


ياليت تردون علي
وشكرا