صوت طقه في قير السيارة من تحت
السلام عليكم ورحمة الله وبركاته:
عندي صوت طقة مررررررررعبه باسفل السيارة لما اعشق الرويس (بعض الاحيان)
المشكلة السيارة توني مشيكها بالوكالة صيانة 200000 ودافع عليها 4500 وقبل 8 شهور بالوكالة دافع عليها 5700 والكفرات جديدة يعني السيارة اكلتني وخلتني على الحديدة والحين يقولون صوت الطقة بسبب تروس القير ولازم توظيب القير ويكلف 12000 الف.
ايش تشورون علي يا شباب السيارة ابيع السيارة مع ان اللي راح يشتريها امه داعيته له لانها باسمي وركالة وتشييكاتها بالنتظام بالوكالة ولا اصبر عليها وادفع وراتبي كله يصير للسيارة مع العلم انها نظيفه وهذا القهر كل مره اقول هذي اخر تصليحه بس اكتشف اني قاعد ادفع بالالاف.
وللمعلومية السيارة موديلها 2005 فل مخمل باسمي وكالة
ابغى مشورتكم لا هنتم وش اسوي.
وعليكم السلام ورحمة الله وبركاته
صوت الطقه طبيعيه بدليل ان ممكن ماسحبت الجلنط تمام وصار الحمل على القير لماتعشق وتسمع الطقه .
الشي الثاني بالنسبه للوكاله هل تم فحص القير وقالوا ان المشكله من ترس القير اوبس كلام بدون فحص القير؟!!!
الشي الثالث استخير الله قبل كل شي دام انك دافع المبلغ هذا شوري عليك ماتبيع السياره وصدقني ان الاكورد حطيت فيها قطعه راح تنساها مثل الالماني >>سبع سنين من موديلها وش تبغى اكثر من كذا والله يوفقك في مبتغاك
المشاركة الأصلية كتبت بواسطة مبارك عبدالله
وعليكم السلام ورحمة الله وبركاته
صوت الطقه طبيعيه بدليل ان ممكن ماسحبت الجلنط تمام وصار الحمل على القير لماتعشق وتسمع الطقه .
الشي الثاني بالنسبه للوكاله هل تم فحص القير وقالوا ان المشكله من ترس القير اوبس كلام بدون فحص القير؟!!!
الشي الثالث استخير الله قبل كل شي دام انك دافع المبلغ هذا شوري عليك ماتبيع السياره وصدقني ان الاكورد حطيت فيها قطعه راح تنساها مثل الالماني >>سبع سنين من موديلها وش تبغى اكثر من كذا والله يوفقك في مبتغاك
تسلم اخوي مبارك على الرد والله يكتب اللي فيه الخير:
صوت الطقه قوي لدرجة تحس ان السيارة خابطة بش من تحت ومهندس الوكالة فحص السيارة وهي واقفه جلس يغير في القير وقال المشكلة في تروس القير ويبي لها توظيب اما بالنسبه لجودة الهوندا بديت اشك فيها لاني مغير كراسي المكينة مع كراسي القير قبل سنة ونص بالوكالة والفحص الاخير غيرت كراسي المكينة مع العلم ان محد يسوق السيارة الا انا وسواقتي بالهداوه عليه حتى اني ما احرك السيارة او اشغل المكيف لين توصل الحرارة الثلث.
غير الفرامل اللي كل شوي رايح جاي للوكالة علشانها وغير طرمبة الدركسون ويا قلب لا تحزن والله انه يحز في نفسي بيع السيارة بس شكلها بترسي على كذا والله يوفق للي فيه الخير
http://www.hondaarabia.com/club/t28928/ تفضل هذا الرابط فيه استدعاء على كراسي الماكينه والقير
انا سيارتي 2012 وعندي طقة ان حطيت الريوس
الطقة بالريوس فقط
شكلي بروح للوكالة اتفاهم معاهم
الطقة تصير لما تنقل القير من p إلى r ( ريوس ) فقط ؟
يعني لما تنقل القير مابين n و d و r ماتصير الطقة صح ؟
إذا كان كذلك فلاتتعب نفسك مع الوكالة كلنا في الهوا سوا
طيب وش الحل
ترى الصوت اليم :(
اخوي ودها الوكالة و خذ العلم الأكيد
قبلتها للمعارض
ووداعا للاكورد
ووداعا للمنتدى والغالين اللي فيه وشكرا على كل نصيحه ومعلومه اخذتها منكم
عندي أكورد 2012
يوجد صوت طقة للريوس من p إلى r
ورحت للوكالة للفحص على صيانة 1000
وقابلت مهندس ويقول هو أكبر المهندسين بالوكالة ( نسيت اسمه )
ويقول الصوت هذا طبيعي من الشركة الأم
بصراحة ما اقتنعت بكلامه
نعم صحيح كلامه
جميع سيارات اكورد 2012 فيها نفس الطقة
يقال أنه حماية للقير والله اعلم
نتمنى من لديه اكورد 2013 يخبرنا عنده نفس الطقة والا ماعنده
بانتظار أراء البقية عن الصوت
ضوابط المشاركة
رد مع اقتباس
مواقع النشر (المفضلة)