الموضوع: تكفووووون افيدوني بخصوص ازعااااااااااااج

سلامتك عاد هذا الموديل الاقل خرابات
المهم علشان الاعضاء يساعدوك عطنا توضيح للمشكله بشكل دقيق
يعني الصوت يجيك وانت ماشي على سرعه معينه وانت ماسك بريك وانت على لفه يختفي ويجي ولاثابت من متى الصوت من اول ماخذيتها ؟ وهل جاها حادث لاسمح الله ؟

الله يعوضك

الوكاله نصبوا عليك .. ما يبون يحلون مشكلتك على طول

لأن يبون تغير قطع كثير وتستمر تشتري قطع غيار منهم .. عشان يكسبون منك

ويسون أنفسهم ما قدروا يحددون المشكله بالضبط ويخلونك تغير قطع كثيره و هم نصابين



رح لورشه محترمه

وشيّك على :

1) العكوس .. والصوف حقتها يمكن منشقه والشحم طالع .

2) جلد المقصات .

3) الركبه الأماميه - الجوزات .



بقوله قصه صارت لي

أنا مره كنت معصب ومسرع ومستعجل و أحد شمعات النور الواطي محترقه تحتاج تغيير والشارع ضيق رايح جاي و كله منعطفات وحوله أراضي نازله

المهم كنت مشغل العالي واظطريت اطفيه لأن اللي مقابليني اعموني بالتكبيس .. وانا نظري ضعيف شوي .. ومع التكبيس القوي الواحد يجيه مثل العمى المؤقت

المهم بعد ما طفيت العالي بشوي .. طلعت عن الخط بدون ما أدري وكان وعر جدا جدا وبنشر علي الكفر ورجعتها للخط وزحفت شوي لكن الحمد لله صرفتها


الأضرار :

بنشر الكفر وركبت استبنه صغير ومن بكرا شريت كفر جديد وركبته
رأس العكس تأثر وبعد فتره بدأ يطلع صوت طق طق طق طق
و وحده من الجوزات تأثرت ( الركبه السفليه)


غيرت الكفر بس و استخدمت السياره سنه وشوي .. وهي تطقطق والخ ... مع ان العكس والركبه خطر

والصوت اذا امشي والسياره لافه .. صوت قوي طق طق طق و كل اللي بالشارع يناظرون سيارتي من قوة الصوت


المهم بعد سنه وشوي من الإستخدام .. رحمتها ورحمت نفسي من الأصوات .. و وديتها لورشه ممتازه

وبعد الفحص :

صار واحد من العكوس يحتاج تغيير ( الرأس فقط ) والثاني يحتاج تشحيم
ركبت رأس عكس ياباني ( تجاري ) بـ 250 ريال

وغيرت جلد المقصات الأماميه والجوزه ( الركبه السفليه ) << هذي كلها أصليه وكاله


والسياره صارت ما شاء الله تبارك الله
لا أصوات ولا يحزنون ومن احلى ما يكون


صلحتها من 7 شهور وإلى الآن الأمور تمام ما شاء الله تبارك الله

أول كنت خايف من رأس العكس الياباني .. وبعدين صار عادي جدا
له الآن 7 شهور بدون مشاكل



ولو أني مغير شمعة النور الواطي بـ 25 ريال .. كان ما طلعت عن الخط ولا صارت الأشياء هذي
لكن قضاء وقدر والحمد لله على كل حال


و الدروس اللي تعلمتها من تجربتي هذي

أني ما أهمل الأنوار + أكبس العالي في الطرق المظلمه ولا علي من الناس اللي يكسبون ولا من دعائهم ( طبعا اذا كانت احد شمعات الواطي محترقه وتحتاج تغيير ) + اذا مستقبلا سمعت أصوات من العكوس أشحمها ولا أهملها

المشاركة الأصلية كتبت بواسطة S c O r P i O n

سلامتك عاد هذا الموديل الاقل خرابات
المهم علشان الاعضاء يساعدوك عطنا توضيح للمشكله بشكل دقيق
يعني الصوت يجيك وانت ماشي على سرعه معينه وانت ماسك بريك وانت على لفه يختفي ويجي ولاثابت من متى الصوت من اول ماخذيتها ؟ وهل جاها حادث لاسمح الله ؟

الصوت يجي بمجرد تتحرك السيارة في جميع الاوضاع على جميع السرعات.

اذا انت في مكه اقدر افيدك بورشه ماتطلع السياره والا طلعو لك من وين الخراب ماشاء الله عليهم

لاكن قبل لاتسوي شي روح ورشه وخلهم يفكون الكفرات والاقمشه وخلهم يحركو الهوب على فووق ويشوفو الجوزه تتحرك او لا

اذا تحركت لازم تغيره الطقطقه منه 100%

والله يعوضك على كل شي خسرته

المشاركة الأصلية كتبت بواسطة فصوولي مكه

اذا انت في مكه اقدر افيدك بورشه ماتطلع السياره والا طلعو لك من وين الخراب ماشاء الله عليهم

لاكن قبل لاتسوي شي روح ورشه وخلهم يفكون الكفرات والاقمشه وخلهم يحركو الهوب على فووق ويشوفو الجوزه تتحرك او لا

اذا تحركت لازم تغيره الطقطقه منه 100%

والله يعوضك على كل شي خسرته

الله يجزاكم خير ويعطيكم العافيه .
انا بحاول اشيك على الجوزات والركب واشحمها ونشوف ان شاء الله نطلع بنتيجه.